Nyuuth 2:26 - RUAC KUƆTH IN RƐL RƆ

²⁶ Ram mi ti̱em kä lät lätkä amäni guut ɣɔaa, ɣän bä jɛ ka̱m lua̱ŋ wi̱i̱ dööri.

Nyuuth 2:26 Iomraidhean Croise

Diit 2:8

Thiec ɣä, bä döör jak kä nyinku, kä bi wi̱c muɔ̱ɔ̱n a duŋdu.

Diit 2:9

Bikɛ duäc kɛ kɛɛt yieethä, kä bikɛ tiëëth ni ŋëëtni, ce̱tnikɛ dhaar muɔ̱ɔ̱n.”

Diit 49:14

Kɛn bikɛ li̱w ce̱tnikɛ dët, kä lia̱a̱ ɛ jɛn bia yieendiɛn ɔ, Kä bɛ kɛ dhiɛl ni kɔ̱kä, bi pua̱nykiɛn dhiap rɛy kɔ̱kä, kä dhɔriɛn bɛ te ni jɔɔkni.

Bok Go̱kä ni Da-ni-yel 7:18

Duundɛ ɣöö bi nɛy tin ŋa̱thkɛ ni Kuoth in Di̱t ni Jɛn ruec jek, kä ba kuäär ɛmɔ käp amäni cäŋ kɛl niɛ täämɛ a wee wä.’

Bok Go̱kä ni Da-ni-yel 7:22

amäni mëë cu Ram in do̱raar ben. Kä cuɛ luk ben luk cuɛ nɛy tin la nɛɛ Kuɔth in Di̱t ni Jɛn ka̱m cuɔ̱ɔ̱ŋ, kä cu gua̱a̱th ben kɛ ɣöö bi nɛɛ Kuɔth Kuäär ka̱n.

Bok Go̱kä ni Da-ni-yel 7:27

Kä ba kuäär kɛnɛ buɔ̱m kɛ di̱t kuäärä wec muɔ̱ɔ̱n kɛɛliw ka̱m nɛy tin ŋa̱thkɛ Kuoth in Di̱t ni Jɛn. Kä bi kuääriɛn cua̱ kuäär mi do̱raar, kä bi kua̱r diaal kɛ lätikä, kä bakɛ luɔ̱th.’

Mɛ̈t 10:22

Kä ba yɛ nyir ɛ nɛy diaal kɛ kui̱ cio̱tädä. Kä ba ram mi tee dhieel amäni pek teekädɛ kän.

Mɛ̈t 19:28

Cu Yecu kɛ jiök i̱, “Ɛpuc, ɣän la̱rä jɛ yɛ, mi wä Gat Ran nyuur wi̱i̱ kɔam puɔnyädɛ rɛy ɣɔaa mi pay cak, bi yɛn nɛy tin cia ɣä guɔ̱ɔ̱r nyuur kɔamni kuäärä da̱ŋ wäl rɛw, kä bia döör I-thɛ-rɛl da̱ŋ wäl rɛw luk.

Mɛ̈t 24:13

Kä ram mi wä te dhieel amäni pek teekädɛ, ba jɛ kän.

Jɔ̱ɔ̱n 6:29

Cu Yecu kɛ loc i̱, “Nɛmɛ ɛ jɛn la̱t Kuɔth, ɛn ɣöö bia ram min ci Kuoth ɛ ja̱k ŋäth.”

Ji̱ Röm 2:7

Kä nɛy tin la̱tkɛ ni gɔy kä görkɛ ni buay kɛnɛ luth, a thil pek, bi Kuoth kɛ ka̱m tëk mi do̱raar.

Ji̱ Röm 8:37

Ëëy, rɛy ŋɔaani diaal ti̱ti̱ leny kɔn nɛy tin pua̱tkɛ naath rɛy Yecu min nhɔk kɔn.

1 Thɛ 3:5

Kɛ luɔt ɛmɛ, mëë /ka̱n jɛ luäŋ kɛ ruɔ̱t, cua̱ raan ja̱k, kɛ ɣöö bä ŋa̱thdun ŋa̱c. Kä ɣän dualä ɛn ɣöö dɔ̱ŋ ci gua̱n mɛɛtdä yɛ ɣɔam, a dee la̱tda cua̱ ni baŋ.

Ji̱ Ɣi-bɛ-ru 3:6

Kä cua Kritho ŋäth dhɔr Kuɔth ala gat mi tiit ti diaal dhɔr Kuɔth. Kä kɛ kɔn dhɔr Kuɔth mi cuɔmnɛ rɔ̱ a bum in thuɔ̱k kɛ kui̱ kä min ŋa̱thnɛ.

Je-mɛth 2:20

Ji̱n dɔ̱a̱r ɛmɛ, go̱o̱ri jɛ ɛn ɣöö ba ji̱ nyuɔ̱th ɣöö ŋa̱th mi thil la̱t ɛ baŋ?

1 Jɔ̱ɔ̱n 2:19

Cikɛ jiɛɛn rɛydan, kä duundɛ ɣöö /cikɛ te kɛɛl kɛ kɔn. Duŋ mi tekɛ kɛɛl kɛ kɔn, dee kɛ ŋot kɛɛl kɛ kɔn. Kä kɛ wädiɛn raar, cɛ jɔɔc ɛn ɣöö /ci kɛn diaal te kɛɛl kɛ kɔn.

1 Jɔ̱ɔ̱n 3:23

Kä nɛmɛ ɛ jɛn luekdɛ, kɛ ɣöö banɛ ciöt Gatdɛ ni Yecu Kritho ŋäth, kä banɛ rɔ nhɔk, ce̱tkɛ min cɛ la̱r kɔn.

1 Jɔ̱ɔ̱n 5:5

Ɛŋa mi dee ɣɔw tiam a /ci mɔ a ram mi ŋääth jɛ ɛn ɣöö Yecu ɛ jɛn Gat Kuɔth?

Nyuuth 2:11

Kä ɛ ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ /ca jɛ bi näk ɛ lia̱a̱ in rɛwdɛ.’ ”

Nyuuth 2:17

Kä ɛ ram mi tekɛ ji̱th, liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ bä jɛ ka̱m tha̱a̱ŋ mana mi ca tɛ̱̈ɛ̱̈, kä bä jɛ ka̱m päm mi bo̱r, mi tekɛ ciöt mi pay gɔ̱a̱r thi̱n, kä thilɛ ram mi ŋäc jɛ ɛ ni ram in ci jɛ jek.’ ”

Nyuuth 2:7

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Ram mi ci naath joc bä jɛ jakä mi̱th kä jiath teekä min te rɛy kakä wal Kuɔth.’ ”

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 21:7

Nɛy ti wä tiëm bikɛ ti diaal ti̱ti̱ guäl. Bi ɣän a Kuothdiɛn, kä bi kɛn a gaatkä.

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.

Nyuuth 3:12

Mi wä yɛn wä tiëm ɣän bä yɛ jakä thi̱r rɛy luaak Kuɔthdä. Kä /cia bi met wä raar rɛydɛ. Bä ciöt Kuɔthdä gɔ̱a̱r puɔ̱nydɛ, kɛnɛ ciöt wec Kuɔthdä min la Jɛ-ru-tha-lɛm in pay ben piny nhial kä Kuothdä, kɛnɛ ciötdä in pay cak.

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.

Nyuuth 3:5

Ram mi wä tiëm ba jɛ rony kɛ bieyni ti bo̱o̱r, kä /cä ciötdɛ bi cuɔ̱th raar rɛy warɛgakä teekä. Bä ciötdɛ lat nhiam Gua̱a̱r kɛnɛ nhiam ja̱a̱knikɛ.