Nyuuth 2:25 - RUAC KUƆTH IN RƐL RƆ

²⁵ Ka̱pɛ min tekɛ yɛ a bum, amäni mi cä luny jɔk.

Nyuuth 2:25 Iomraidhean Croise

Jɔ̱ɔ̱n 14:3

Kä mi bä wä kä bä gua̱a̱th ɛmɔ wä rialikä kɛ kui̱dun, ɣän bä lɛni luny jɔk, kä bä yɛ ben ka̱n ala nɛɛkä, kɛ ɣöö dee yɛn wä te guäth in ta̱a̱ thi̱n bä.

Lät Jaakni Yecu 11:28

Cu ram kɛl kä kɛ mi cɔal i̱ A-ga-buth rɔ jiɛc, kä cuɛ jɛ mar kɛ Yiëë, ɛn ɣöö bi ɣɔw kɛɛliw tekɛ buɔth mi di̱i̱t. Kä cu mɛmɛ tuɔɔk kɛ ni̱n rui̱cä Ki-lɔ-diäth.

Ji̱ Röm 12:9

A nhök la thuɔ̱k, kä nyi̱r mi jiääk. Kä käp ni mi gɔaa.

1 Kor 11:26

Kɛ ɣöö gua̱thni diaal tɔ̱ bi yɛn juray ɛmɛ cam kä ma̱thɛ kɛ liɛɛr ɛmɛ, bi yɛn lia̱a̱ Kua̱r ni Yecu lat amäni mi cɛ ben.

1 Kor 4:5

Kɛ kui̱ ɛmɔ, /cu luk ŋok mi /ken gua̱a̱thdɛ ni ben. Li̱epɛ amäni mi ci Kuäär ni Yecu ben. Jɛn bɛ ŋɔaani tin ca tɛ̱̈ɛ̱̈ täämɛ rɛy muɔ̱th nööŋ rɛy buɔyä, kä bɛ cär lo̱cni jakä jɔc. Kä bi ram ɔ liakdɛ jek kä Kuoth.

1 Thɛ 5:21

kä ɣɔ̱a̱nɛ ŋɔaani diaal, ka̱pɛ lät ti gɔw a bum,

Ji̱ Ɣi-bɛ-ru 10:23

Kuanɛ ŋa̱thdan in latnɛ käp a bum a thil guɛ̈l, kɛ ɣöö jɛn ram in ci ruacdɛ lat ŋääthɛ rɔ.

Ji̱ Ɣi-bɛ-ru 3:6

Kä cua Kritho ŋäth dhɔr Kuɔth ala gat mi tiit ti diaal dhɔr Kuɔth. Kä kɛ kɔn dhɔr Kuɔth mi cuɔmnɛ rɔ̱ a bum in thuɔ̱k kɛ kui̱ kä min ŋa̱thnɛ.

Ji̱ Ɣi-bɛ-ru 4:14

Kä kɛ ɣöö ta̱nɛ kɛ bo̱o̱th palä in di̱i̱t min ci wä nhial, ni Yecu Gat Kuɔth, kuanɛ ŋa̱thdan in latnɛ käp a bum.

2 Pit 3:10

Kä duundɛ ɣöö bi cäŋ Kua̱r ni Yecu ben ce̱tkɛ kueel, kä bi pua̱a̱r cu thil kɛ wuɔ̱w mi di̱i̱t, kä bi nyin nhial diaal waaŋ kɛ mac. Kä bi piny kɛnɛ ti diaal tin ca la̱t thi̱n, bikɛ pɛ̈t.

Nyuuth 1:7

Nɛnɛ! Jɛn a bëëni kɛ pua̱a̱r, kä bi wäŋ diaal ɛ nɛn, amäni nɛy tëë ca jɛ yiɛth, kä bi döör wec muɔ̱ɔ̱n diaal wiee kɛ jɛ. Kä bɛ te inɔ. Inɔnɔ.

Nyuuth 22:20

Ram min lat ŋɔaani ti̱ti̱, laarɛ jɛ i̱, “Ɛpuc bä mal ben.” Inɔnɔ. Ku ben, Kuäär ni Yecu!

Nyuuth 22:7

“Kä nɛnɛ, bi ɣän mal ben! Puɔ̱th akɛ ram mi kääp rieet go̱o̱kä buɔk.”

Nyuuth 3:11

Cä thia̱k kɛ ben, ka̱pɛ min tekɛ yɛ, kɛ ɣöö bɛ thil ram mi bi kum kuäärädu mɛŋ.

Nyuuth 3:3

Tiɛmɛ mëë cia liŋ kä cia jek, kä luɔ̱thɛ jɛ kä rietdɛ rɔ̱ kä dueerkun. Kä mi /cia bi te jinä, bä ben ce̱tkɛ kueel, /cia gua̱a̱th benädä kä yɛ bi ŋa̱c.