Nyuuth 2:24 - RUAC KUƆTH IN RƐL RƆ

²⁴ Kä kɛ kui̱dun, yɛn nɛy tin te kä Thay-tay-ra tin /ka̱nɛ ŋi̱i̱c ɛ jiääk ɛmɛ guɔ̱ɔ̱r, yɛn /ka̱n nɛmɛ ŋa̱c min cɔɔl nɛy tin kɔ̱ŋ jɛ i̱ “pɛl Cɛy-tan,” ɣän cä lar ɛn ɣöö /cä yɛ bi lɛ moc riɛk dɔ̱diɛn.

Nyuuth 2:24 Iomraidhean Croise

Lät Jaakni Yecu 15:28

Ci Yiëë in Gɔaa in Rɛl Rɔ kɛ kɔn lat kɛ ɣöö thilɛ riɛk mi ba la̱th wi̱i̱dun, bia la̱t ni ti̱ti̱,

Lät Jaakni Yecu 16:14

Kä cu ciek kɛl mi cɔali Lu-dia mi pääl Kuɔth ruacda liŋ. Jɛn ɛ raan wec Thay-tay-ra, mi la kɔk bieyni ti mɛ̈r. Cu Kuäär ni Kuoth lɔcdɛ lɛp kɛ ɣöö bɛ ruaacni tin ca lat ɛ Puɔl liŋ kɛ di̱t lɔaac.

1 Kor 2:10

Ci Kuoth ti̱ti̱ nyuɔ̱th kɔn kɛ Yiëëdɛ. Kɛ ɣöö Yiëë go̱o̱rɛ ŋɔaani diaal, amäni tɛ̱̈ɛ̱̈ni Kuɔth.

2 Kor 11:3

Kä ɣän dualä ɛn ɣöö, ce̱tkɛ mëë ci thɔ̱l Iib mɛt kɛ ca̱p wän wäänädɛ, ba cärkun böth jɔ̱ɔ̱r kä nhök luthä Kritho in thuɔ̱k in lɛy lɛy.

2 Kor 2:11

kɛ ɣöö bɛ Cɛy-tan gaŋ kä ɣöö bɛ thil lua̱ŋ mi bɛ jek kɔn, kɛ ɣöö ŋäc kɔn ca̱a̱p tin te lɔɔcdɛ.

Je-mɛth 3:15

Pɛl ɛmɛ /ciɛ pɛl mi bä nhial, ɛ pɛl piɛny, mi /ci mɔ a duŋ yieekä, kä ɛ duŋ gua̱n jiäkni.

Nyuuth 1:11

wëë i̱, “Gɔ̱ri min ci nɛn rɛy warɛgakä kä jäkni jɛ kä duël Kuɔth da̱ŋ bärɔw, kä Ɛ-pɛ-thäth, kɛ Thɛ-mer-na kɛnɛ Per-ga-mäm, kɛ Thay-tay-ra, Thar-dith, kɛnɛ Pi-la-dɛl-pia amäni La-o-di-thia.”

Nyuuth 12:9

Kä cua nyaŋ in di̱i̱t yuɔr piny, min la thɔ̱l ëë wal, in cɔalkɛ i̱ “Gua̱n Jiäkni”, kiɛ “Cɛy-tan”, mëë ci ɣɔw kɛɛliw mɛt. Cua jɛ yuɔr piny kɛnɛ ja̱a̱kɛ kɛɛl.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 2:18

“Kä gɔ̱ri nɛmɛ jääk nhial in te dueel Kuɔth kä Thay-tay-ra i̱, ‘Ti̱ti̱ kɛ rieet Gatdä Kuɔth, min tekɛ wäŋ ti bo̱l ce̱tkɛ mac, kä ce̱t ciökɛ kɛ ciɛk in yian mi ca toth.

Nyuuth 2:9

“ ‘Ɣän ŋa̱cä riɛkdun kɛnɛ dakdun a cäŋ riäŋ yɛn bä. Kä ŋa̱cä guɛɛr nɛɛni tin wee i̱ kɛ ji̱ Juudh, kä /cikɛ ji̱ Juudh, nɛy ti cieŋ Cɛy-tan rɛydiɛn.