Nyuuth 2:14 - RUAC KUƆTH IN RƐL RƆ

¹⁴ Kä duundɛ ɣöö ɣän ta̱a̱kɛ ti tɔt ti dɛ̈ɛ̈cä kä yɛ. Tëë tha̱a̱ŋkun ɛn wi̱ni ti ka̱pkɛ ŋi̱i̱c Bil-am, mëë ŋi̱i̱c Ba-lak kɛ ɣöö bɛ ji̱ I-thɛ-rɛl jakä la̱tkɛ duer, kɛ mi̱ethdiɛn kɛ mi̱th ti ca thöp kuth jiɛn, kɛnɛ ɣöö bikɛ la̱t leerä la̱t.

Nyuuth 2:14 Iomraidhean Croise

I-ca-yaa 57:14

Kä ba jɛ lar i̱, “Ta̱thɛ jɛ, ta̱thɛ jɛ, rialɛ duɔ̱ɔ̱p ikä, jakɛ duɔ̱ɔ̱p kä puɔth kɛ kui̱ nɛɛnikä.”

Bok Go̱kä ni Yir-mɛ-yaa 6:21

Kɛ kui̱c ɛmɔ cu Kuoth Nhial wee i̱, ‘Ɣän bä dööl la̱th nhiam nɛɛni ti̱ti̱, ti bikɛ buɔ̱ɔ̱ŋ, ti bi gua̱ni gan kɛnɛ gaatkiɛn kuir kɛɛl, kä bi ji̱ thieekä kɛnɛ mäthnikiɛn li̱w.’ ”

Yɛdh 3:20

Kä, mi wä ji̱ cuŋni rɔ̱ ri̱t kä cuŋkiɛn a wä kɛn la̱t ni dueer, mi wa̱a̱ mi bɛ kɔ̱thikä wä la̱th nhiamdiɛn bikɛ li̱w, kɛ ɣöö /keni kɛ luek, bikɛ li̱w kɛ dueerkiɛn, kä lätkiɛn tëë gɔw tëë cikɛn kɛ la̱t /cakɛ bi tim. Duundɛ ɣöö bi riɛmdiɛn te tetniku.

Yɛdh 44:12

Kä kɛ ɣöö cikɛn kɛ lätikä ni nhiam kuthni guääynikiɛn, kä cikɛ thok duëël I-thɛ-rɛl jakä dui̱r, kɛ kui̱c ɛmɔ cä rɔ yac kɛ kui̱diɛn, ɛn ɣöö bikɛ duäcdiɛn rut ruac ni ɣän Kuäär ni Kuoth Nhial.

Kuen 24:14

Kä ɣä, wa̱a̱ kä nɛɛkä ɛn täämɛ. Bër ɛ ji̱ la̱rä min bi nɛy ti ti jɛ lät kä nɛɛku ni̱ni tɔ̱ bëë tɔ̱.

Kuen 31:16

Kä nɛ̈nɛ kɛ, kɛ kɛn män tëë guɔ̱ɔ̱rkɛ ruac Bil-am, kä jakɛ I-thɛ-rɛl kä loc jɔk kä Kuoth Nhial kɛ kui̱ kuɔth Pɛ-or, kä cu juey ben rɛy nɛɛni Kuɔth Nhial.

Kuen 31:8

Kä cu kɛ kua̱r Mid-yan näk kɛɛl kɛ duɔth nath, Ɛwi kɛnɛ Rɛ-kɛm kɛ Dhur, kɛnɛ Ɣur, kɛ Rɛbä kua̱r ji̱ Mid-yan da̱ŋ dhieec. Kä cukɛ Bil-am gat Bɛ-or näk.

Mɛ̈t 18:7

Riɛk akɛ ɣɔw kɛ kui̱ ŋɔaani tin jakɛ jɛ kä dui̱r. Kɛ ɣöö ɣɔ̱ɔ̱ni bäkɛ pa̱ny, kä riɛk akɛ ram mɔ bikɛ ben kä jɛ mɔ.

Lät Jaakni Yecu 15:29

ɛ ɣöö cia bi mi̱th kä tin ca na̱k kuth baaŋ, kɛnɛ riɛm, kɛnɛ tin ca dɛc, kɛ ciaaŋ riäärä. Mi wiaa rɔ̱ wä tit kä kɛn ti̱ti̱ bia gɔw. Kua tekɛ mal.”

Lät Jaakni Yecu 21:25

Kä duundɛ ɣöö kɛ kui̱ Juri tin ci ŋa̱th, cakɔ warɛgak ja̱k kɛ ŋukda ɛn ɣöö ba rɔ̱ gok kä ŋɔaani tin ca thöp kuth jiɛn, kɛ riɛm, kɛnɛ tin ca dɛc, kɛnɛ ciaŋ riäärä.”

Ji̱ Röm 11:9

Kä cu Dee-bid wee i̱, “A gua̱a̱th mi̱ethdiɛn la dhuur mi kääpkɛ, kä ala päm mi kɔ̱a̱thkɛ ikä ala cut kä kɛ.

Ji̱ Röm 14:13

Inɔ, /cuarnɛ ŋuɔk luɔ̱k lɛ nyɔk kamdan, kä ŋua̱ni ɣöö bi kɔn dhil ca̱r i̱ /canɛ päm kɔ̱thä kiɛ riɛk bi met la̱th dup dämandan.

Ji̱ Röm 14:21

Ɛ cuɔ̱ɔ̱ŋ ɛn ɣöö /ci ri̱ŋ bi cam, kiɛ /ci kɔaŋ bi math, kiɛ la̱t kɛ mi dɔ̱ŋ mi bi gaatmuɔɔr jakä dui̱r.

Ji̱ Röm 9:32

Ɛŋu? Ɛ ɣöö /ken kɛn ɛ do̱t rɛy ŋäthä, kä cikɛ ŋäth ni lätkiɛn. Cukɛ kɔa̱a̱th kɔ̱thikä wi̱i̱ pa̱a̱m kɔa̱a̱thni,

1 Kor 1:23

Kä duundɛ ɣöö latnɛ puɔ̱t Kritho jiaath. Ɛ jɛn la riɛk kä ji̱ Juudh ɔ, kä ɛ jɛn la dɔ̱ɔ̱r kä Jur ɔ.

1 Kor 7:2

Kä kɛ kui̱ go̱o̱nyni käni mään, ɛ wut ɔ tekɛ ciekdɛ, kä a ciekɔ tekɛ cɔwdɛ.

Ji̱ Ɣi-bɛ-ru 13:4

A kuën luɔ̱thkɛ ɛ nɛy diaal, ɛ wut kɛnɛ ciek luɔ̱thkɛ kuëndiɛn agɔaa, kɛ ɣöö bi Kuoth nɛy ti ria̱r kɛnɛ dhööm luk.

Jɔ-cua 24:9

Rɛwdɛ, cu Ba-lak gat Dhi-por, kuäär in di̱i̱t kä Mo-ab rɔ jiɛc kä cuɛ yɛ ka̱p ko̱r. Cuɛ naath jäk kä Bil-am gat Bɛ-or kɛ ɣöö derɛ yɛ ben lam,

1 Pit 2:8

Kä, “Ɛ jɛn päm in jak naath kä kɔ̱a̱thkɛ kɔa̱a̱thikä, ɛ jɛn päm in jak naath kä tɛth.” Kɔ̱a̱thkɛ kɔa̱a̱thikä kɛ ɣöö /ka̱n ruaacni Kuɔth luɔ̱th, ce̱tkɛ min ca la̱tkɛ i̱ bi kɛn ɛ la̱t.

2 Pit 2:15

Kɛn ca duɔ̱ɔ̱p in cuŋ ba̱ny piny, cu bath ni kɛn, cukɛ guɔ̱ɔ̱r ni ciaŋ Bil-am gat Bɛ-or, min nhɔk ni kök kɛ kui̱ lätni ti jiäk.

Juud 1:11

Riɛk akɛ kɛ! Kɛ ɣöö guɔ̱ɔ̱rkɛ ni ciaŋ Këën, kä pa̱lkɛ rɔ̱ duer Bil-am kɛ ɣöö ba ŋɔak jek, kä cukɛ li̱w ce̱tkɛ mëë ci Kora li̱w mëë cɛ ruac Kuɔth lo̱k.

Nyuuth 2:20

Kä dɛ̈ɛ̈cä nɛmɛ kä yɛ, ɛn ɣöö cia I-dhɛ-bɛl pa̱l ŋi̱i̱cdɛ, ɛn ciek in cɔl rɔɔdɛ i̱ gök. Cɛ nɛɛkä mɛt, kɛ ŋi̱i̱cdɛ kɛ ɣöö bikɛ nyin leerä la̱t kɛnɛ mi̱ethdiɛn kɛ mi̱th ti ca thöp kuth jiɛn.

Nyuuth 2:4

Kä dɛ̈ɛ̈cä mɛmɛ kä yɛ, kɛ ɣöö cia nhök ëë tekɛ yɛ kɛ nhiam päl.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 22:15

Kä te ni jio̱o̱k kɛnɛ ti̱t, kɛ lëër kɛnɛ na̱a̱k nath, kɛ ji̱ palä kuthni jiɛn, kɛ nɛy diaal tin nhɔakɛ ciaŋ kacä raar wec.