Nyuuth 19:7 - RUAC KUƆTH IN RƐL RƆ

⁷ A lo̱ckɔn tɛth, kä liaknɛ jɛ, kä ka̱mnɛ jɛ puɔny. Kɛ ɣöö ci kuën Ruath Dɛ̈ɛ̈l cop, kä ci nyam min kuɛɛnɛ rɔ rialikä.

Nyuuth 19:7 Iomraidhean Croise

Diit 107:42

Kä mi ci ji̱ cuŋni nɔmɔ nɛn la lo̱ckiɛn cua̱ tɛ̈th, duundɛ ɣöö la ji̱ nyuɔɔni diaal cua̱ bit.

Diit 48:11

Ɛ Päm Dha-yɔn tekɛ tɛ̈th lɔaac! Kä ɛ wi̱i̱ Juda lo̱ckiɛn tɛth kɛ kui̱ luɔ̱kdu!

Diit 9:14

Kä bä puɔnyniku diaal nyɔk kɛ la̱t thukni käli Jɛ-ru-tha-lɛm, kä bi lɔcdä cu tɛɛth kɛ ɣöö ci ɣä kän.

Ruac Pɛli 29:2

Mi ruec ni ram mi gɔaa, la lo̱c nath a tɛth. kä mi ruec ni ram mi jiääk la naath a wiee.

Thɔl 3:11

Bia raar, lö nyier Dha-yɔn, guɛcɛ kuäär ni Thɔ-lo-mon cɛ kum kuäärä la̱th, kum ëë ca ka̱m jɛ ɛ man, kɛ cäŋ ëë muutdɛ ni ciekdɛ, cäŋ ëë tɛth kɛ lɔcdɛ.

I-ca-yaa 52:1

Keri keri lö Dha-yɔn, kä jak ni rɔ kä bum, läthni bi̱i̱du min gɔaa, lö Jɛ-ru-tha-lɛm wec in rɛl rɔ, kɛ ɣöö /ci nɛy tin ka̱n cuɛl kɛnɛ nɛy tin jiäk rɔ̱ bi nyɔk kɛ ben kä ji̱.

I-ca-yaa 62:5

Ce̱tkɛ min la ŋuɛ̈t nyal a kuɛɛn, inɔ bi gaatku mundu kuɛn, kä ce̱tkɛ min la lɔc cɔa nyaal a tɛth kɛ ciekdɛ, inɔ bi Kuothdu lɔcdɛ tɛɛth kɛ ji̱.

I-ca-yaa 66:10

“A lo̱ckun tɛth kɛɛl kɛ Jɛ-ru-tha-lɛm, yɛn nɛy diaal tin nhɔakɛ jɛ, a lo̱ckun tɛth kɛɛl kɛ jɛ rɛy gɔɔyä lɔaac, yɛn nɛy diaal tin parkɛ jɛ.

I-ca-yaa 66:14

Mi wä yɛn ɛ nɛn, bi lo̱ckun tɛɛth, kä bia piith ce̱tnikɛ juaac, kä ba jɛ ŋa̱c ɛn ɣöö te tet Kuɔth Nhial kɛɛl kɛ ja̱a̱ŋkɛ, kä te gakdɛ kɛ ji̱ tɛ̈rɛ.

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Mɛ̈t 1:20

Kä min carɛ mɛmɛ, nɛnɛ, cu jääk Kuäär ni Kuɔth nhial päl kä jɛ kɛ la̱k, laarɛ jɛ i̱, “Jo-thɛp, gat Dee-bid, /cu dual kɛ kuën ciëkdu ni Mɛri, kɛ ɣöö min rueetdɛ läthɛ Yiëë in Gɔaa in Rɛl Rɔ thi̱n.

Mɛ̈t 22:2

“Dëë ciaŋ kuäärä nhial pa̱a̱r kɛ kuäär mi ci mi̱th rialikä kɛ kui̱ kuën gatdɛ.

Luk 12:36

Bia ce̱tkɛ nɛy ti liɛpkɛ ben kua̱riɛn mi luny jɔk guäth mi̱eth kuën, kɛ ɣöö dee kɛ jɛ lëp thi̱i̱k kɛ cuɔ̱pdɛ kɛɛl, mi wëë döŋ.

Jɔ̱ɔ̱n 3:29

Ram mi tekɛ kaw ɛ jɛn cɔ nyaal. Määth cɔa nyaal min te cuŋä kä liŋɛ jɔwdɛ, tɛth lɔcdɛ ɛlɔ̱ŋ kɛ jɔw cɔa nyaal. Kɛ kui̱c ɛmɔ täämɛ, ci tɛ̈th lɔaacdä ɛmɛ ro̱ŋ.

2 Kor 11:2

Ɣän ta̱a̱ kɛ tiɛɛl kɛ kui̱dun, tiɛɛl mi bëë kä Kuoth. Ɣän cä jɛ lar ɛn ɣöö bä yɛ ka̱m Kritho, a thil diw ce̱tkɛ nyam mi ka̱mkɛ ni cɔwdɛ kärɔa.

Ji̱ Ɛ-pɛ-thäth 5:23

Kɛ ɣöö cɔw ɛ wi̱c ciëk, ce̱tkɛ min te Kritho ala wi̱c duëël Kuɔth, min la puɔ̱ny, kä Kritho la käändɛ.

Ji̱ Ɛ-pɛ-thäth 5:32

Nɛmɛ ɛ ruac mi cuäŋ naath, kä caarä jɛ ɛn ɣöö lotdɛ ni Kritho kɛnɛ duel Kuɔth.

Ŋuɔ̱t 32:43

“Liakɛ nɛɛ Kuɔth Nhial lö dör. Kɛ ɣöö colɛ riɛm ja̱a̱ŋnikɛ, kä bɛ tɛɛr kɛ ji̱ tɛ̈rɛ, kä bɛ duer nɛɛnikɛ päl.”

Ji̱ Pi-li-pi 3:3

Kɛ ɣöö kɛ kɔn ca cuɛl tɔ̱ kɛ thuɔ̱k, kɔn nɛy tin palkɛ Kuoth rɛy Yieekä, kä liakdan tëë rɛy Kritho Yecu, kä thilɛ kɔn ŋa̱th kɛ ri̱ŋ,

Nyuuth 11:13

Kä ɛn guäth ɛmɔ cuɛ tekɛ lath piɛny mi di̱i̱t, kä cu kui̱c wec in wäliɛn tɛɛth. Cu nɛy ti bathdɔɔri da̱ŋ bärɔw näk ɛ lath piɛny, kä cu duɔth nath dual ɛlɔ̱ŋ, kä cukɛ Kuoth puɔ̱ɔ̱rä liak.

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 21:2

Kä cua wec Jɛ-ru-tha-lɛm in rɛl rɔ min pay la̱t nɛn, bëë piny nhial kä Kuoth a ca rialikä ce̱tkɛ kaw mi ci rɔ pik kɛ yio̱w kɛ kui̱ cɔaadɛ.

Nyuuth 21:9

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ti ci thia̱ŋ kɛ liaw tin jɔak da̱ŋ bärɔw ben kä ɣä, wëë i̱, “Bër, bä ji̱ nyuɔ̱th kaw, in la ciek Ruath Dɛ̈ɛ̈l.”

1 Tham 2:1

Kä cu Ɣana Kuoth Nhial pal wee i̱, “Tɛth lɔcdä kɛ Kuoth Nhial. Kä buɔ̱mdä ca kap nhial ɛ Kuoth Nhial. Kä cä gua̱n tɛ̈rä dɔl, kɛ ɣöö ci lɔcdä tɛɛth rɛy känädɛ. Kä bok ëë wal wee i̱, thääk da̱ŋ diɔ̱k.