Nyuuth 19:6 - RUAC KUƆTH IN RƐL RƆ

⁶ Kä cua jɔw mi ce̱tkɛ jɔw bunä nath mi di̱i̱t liŋ, ce̱tdɛ kɛ wuɔ̱w lo̱nyä pi̱i̱ni ti ŋuan, kɛnɛ gi̱eer ma̱a̱ri nhial mi di̱i̱t, wäkɛ i̱, “Liaknɛ Kuoth! Kɛ ɣöö ruec Kuäär ni Kuothdan in Leny Buɔ̱mdɛ ti Diaal.

Nyuuth 19:6 Iomraidhean Croise

I-yob 40:9

Ɛ ku tekɛ buɔ̱m mi ce̱tkɛ buɔ̱m Kuɔth, kiɛ deri ma̱a̱r kɛ jɔw mi ce̱tkɛ jɔwdɛ?

Diit 47:2

Kɛ ɣöö Kuoth Nhial ni Kuoth in Dit ni Jɛn ɛ mi gääy naath, ɛ Kuäär in dit ni jɛn wi̱i̱ muɔ̱ɔ̱n kɛɛliw.

Diit 47:7

Kɛ ɣöö Kuoth ɛ Kuäär wec muɔ̱ɔ̱n kɛɛliw, puanyɛ jɛ kɛ diit liakä!

Diit 77:18

Cua ma̱a̱rku liŋ rɛy thuɔ̱ɔ̱l, kä cu biɛɛru ɣɔw mɛr ni kɛɛliw, kä cuɛ piny lath.

Diit 93:1

Jɛn Kuoth Nhial ɛ kuäär, kä cɛ rɔ rony kɛ gɔɔy kɛnɛ buɔ̱m, Kuoth Nhial cɛ rɔ kum kɛ buɔ̱m. Kä jɛn cɛ ɣɔw cak kä thilɛ mi bi jɛ wany.

Diit 97:1

Kuoth Nhial ɛ Kuäär, kä a piny lɔcdɛ tɛth, kä a dhuɔ̱li diaal lo̱ckiɛn tɛth!

Diit 97:12

A lo̱ckun tɛth rɛy Kuoth Nhial lö nɛy ti̱n gɔw, kä liakɛ ciötdɛ min rɛl gɔɔydɛ rɔ.

Diit 99:1

Kuoth Nhial ɛ kuäär, kä a naath diaal lathɛ kɛ dual! Kä jɛn cɛ nyuur wi̱i̱ kɔam kuäärädɛ, wi̱i̱ pua̱nyni ti tekɛ gɔ̱k, kä a piny kuɛ lath!

I-ca-yaa 52:7

Ku ciök nɛɛni tin nööŋkɛ thuk lɛ gɔw i̱di wi̱i̱ pa̱a̱m, nɛy tin latkɛ mal kä nööŋkɛ thuk ti gɔw, nɛy tin latkɛ ka̱n tin jiökɛ Dha-yɔn i̱, “Kuothdu ɛ Kuäär.”

Bok Go̱kä ni Yir-mɛ-yaa 51:48

Kä ɛ jɛn, bi pua̱a̱r kɛnɛ piny, kɛ tin diaal tin te rɛydiɛn, cu ki̱et kɛ tɛth lɔaac kɛ kui̱ Bɛ̈-bi-lɔn. Kɛ ɣöö bi da̱a̱kiɛn tin ba kɛ däk ben raar ni kui̱ caam,” ruac ni ɣän Kuoth Nhial.

Yɛdh 1:24

Mëë wä kɛ rɔ̱ wany, cua̱ jɔw gɔ̱ɔ̱kiɛn liŋ ce̱tdɛ nikɛ jɔw pi̱i̱ni ti ŋuan, cuɛ ce̱tnikɛ ma̱a̱r Kuɔth in leny buɔ̱mdɛ ti diaal kɛnɛ jɔw rɛ̈m mi di̱i̱t. Kä mɔ cikɛ cuɔ̱ŋɔ la luɔ̱ɔ̱ckɛ gɔ̱kiɛn piny.

Yɛdh 43:2

Kä ɛn wani, cu buay Kuɔth I-thɛ-rɛl ben kui̱c känyä ca̱ŋ. Kä ce̱t jɔwdɛ kɛ jɔw pi̱i̱ni ti ŋuan. Kä cuɛ piny riaw kɛ buaydɛ.

Mɛ̈t 6:13

/Cu kɔ bo̱th guäth mi ba kɔ ɣɔam thi̱n, kä kän kɔ kä jiäk.’ (Kɛ ɣöö ɛ ruacdu, ɛ lua̱ŋdu, amäni puɔnydu kɛ kɛn do̱raari. Inɔnɔ.)

Nyuuth 1:15

Kä ce̱t ciökɛ kɛ ciɛk in yian mi ca toth, bo̱lɛ ce̱tnikɛ mac tha̱t yieethä, kä ce̱t jɔwdɛ kɛ wuɔ̱w pi̱i̱ni ti ŋuan.

Nyuuth 1:8

“Ɛ ɣän ram min jio̱l kä ɛ ɣän ram min jɔak,” ruac ni Kuäär ni Kuoth, min te thi̱n, kä ci kɔŋ te thi̱n, kä bi ben, min Leny Buɔ̱mdɛ ti Diaal.

Nyuuth 12:10

Kä cua jɔw mi di̱i̱t liŋ nhial, wëë i̱, “Täämɛ ci ka̱n kɛnɛ buɔ̱m kɛ kuäär Kuɔthdan kɛ lua̱ŋ Mɛ-thiadɛ cop, kɛ ɣöö ca ram in gɔny dämanikɔn yuɔr piny, min gɔnykɛ kɛ cäŋ kɛnɛ wäär nhiam Kuɔthdan.

Nyuuth 14:2

Kä cua jɔw liŋ nhial mi ce̱tkɛ wuɔ̱w pi̱i̱ni ti ŋuan ti lo̱ny kɛnɛ ma̱a̱r nhial ti di̱t. Ɛn jɔw ëë cä liŋ ce̱tkɛ kɛ jɔw thuɔmni ti pua̱tkɛ kɛ thuɔmnikiɛn.

Nyuuth 19:1

Kɛ kɔr kä mɛmɛ cua mi ce̱tkɛ jɔw bunä nɛɛni ti ŋuan liŋ nhial, wäkɛ i̱, “Liaknɛ Kuoth! Ka̱n kɛnɛ puɔny kɛ buɔ̱m kɛ nyin Kuothdan,

Nyuuth 19:4

Kä cu di̱t ti jiɛn da̱ŋ rɛw wi̱cdɛ ŋuaan, kɛnɛ ley da̱ŋ ŋuaan tin tëk rɔ yuɔr piny palkɛ Kuoth in nyuur wi̱i̱ kɔam kuäärä, wäkɛ i̱, “Inɔnɔ. Liaknɛ Kuoth!”

Nyuuth 21:22

Kä cuɛ thil luak Kuɔth mi cua̱ nɛn rɛy wec, kɛ ɣöö luak Kuɔthdɛ ɛ jɛn Kuäär ni Kuoth in Leny Buɔ̱mdɛ ti Diaal, kɛnɛ Ruath Dɛ̈ɛ̈l.

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 6:1

Täämɛ cua̱ Ruath Dɛ̈ɛ̈l nɛn lɛpɛ di̱i̱l kɛl kä di̱i̱li da̱ŋ bärɔw, cua ley kɛl kä ley da̱ŋ ŋuan tin tëk liŋ cio̱tdɛ kɛ jɔw mi ce̱tkɛ mar nhial i̱, “Bër!”

Nyuuth 8:5

Kä cu jääk nhial thak ka̱n, cuɛ jɛ thiäŋ kɛ mac wi̱i̱ yi̱kä, kä cuɛ jɛ wuɔc wi̱i̱ muɔ̱ɔ̱n. Kä cuɛ tekɛ ma̱a̱r nhial, kɛnɛ wuɔ̱w mi di̱i̱t, kɛ yiel nhial, kɛnɛ lath piɛny.