Nyuuth 19:2 - RUAC KUƆTH IN RƐL RƆ

² kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”

Nyuuth 19:2 Iomraidhean Croise

2 Kua̱r 9:7

Kä bi dhɔr Ɛ̈-ɣab kuääru däk, kɛ ɣöö bä riɛm göökni kä, kɛnɛ nɛɛkä diaal tëë ca näk ɛ I-dhɛ-bɛl col.

Diit 19:9

Luth Kuɔth Nhial gɔaaɛ ɛlɔ̱ŋ, kä bɛ te thi̱n amäni cäŋ kɛl. Kä luɔ̱ɔ̱k Kuɔth Nhial kɛ cuŋ, kä kɛn diaal kɛ thuɔ̱ɔ̱k.

I-ca-yaa 25:1

Lö Kuoth Nhial ɛ ji̱n Kuothdä, ɣän bä ji̱ liak, kä bä ciötdu puany, kɛ ɣöö ci ti ga̱ykɛ naath la̱t, ti ci car ni wal ɛgɔaa kɛ ŋa̱th.

Bok Go̱kä ni Da-ni-yel 7:26

Kɛ kɔrɛ bi luk nyuur luɔ̱kɛ luk, kä ba buɔ̱mdɛ cu woc kä jɛ, kä ba jɛ cu däk amäni cäŋ kɛl.

Ŋuɔ̱t 32:35

Tɛr ɛ duŋdä, gua̱a̱th in cikɛ ku duer. Cäŋ in ci da̱kdiɛn ku thia̱k, kä ci muthdiɛn cop.

Ŋuɔ̱t 32:4

“Ɛn Kuoth, latdɛ cuŋ. Kɛ ɣöö dupkɛ diaal cuŋkɛ. Ɛ Kuoth mi gɔaa mi thil duer, ɛ cuɔ̱ŋ ni kä rɔ.

Ŋuɔ̱t 32:43

“Liakɛ nɛɛ Kuɔth Nhial lö dör. Kɛ ɣöö colɛ riɛm ja̱a̱ŋnikɛ, kä bɛ tɛɛr kɛ ji̱ tɛ̈rɛ, kä bɛ duer nɛɛnikɛ päl.”

Nyuuth 15:3

Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 18:3

Kɛ ɣöö ci döör diaal yɔ̱ŋ kɛ kɔaŋ leerädɛ mi jiääk, kä ci kua̱r wec muɔ̱ɔ̱n leer la̱t kɛ jɛ, kä ci ji̱ ko̱kä wec muɔ̱ɔ̱n ria̱ŋ kɛ nyin leerädɛ.”

Nyuuth 6:10

Cukɛ wak kɛ jɔw mi di̱i̱t i̱, “Kuoth in Leny Buɔ̱mdɛ ti Diaal Kuäär ni Kuoth, min rɛl gɔɔydu rɔ, kä thuɔ̱k, ɛ gua̱a̱th mi ni̱n di ɛn nin bi luk ni ji̱ wec muɔ̱ɔ̱n, kä bi col ni riɛmda kä kɛ mɔ?”