Nyuuth 19:14 - RUAC KUƆTH IN RƐL RƆ

¹⁴ Cu rɛm nhial ti ca rony kɛ bieyni ti puath puaath ti bo̱o̱r ti gɔw jɛ guɔ̱ɔ̱r kɛ jio̱o̱k tuɔ̱ruɔ̱k ti bo̱o̱r.

Nyuuth 19:14 Iomraidhean Croise

Diit 68:17

Thurbiɛɛli Kuɔth kɛ bathdɔɔri ti kur kä bathdɔɔr, bathdɔɔri ni kä bathdɔɔri, Kuäär bëëkɛ kä Thi-nay wëë rɛy luaakdɛ min rɛl gɔɔydɛ rɔ.

Ruac Pɛli 31:22

La lätdɛ rɔ bieyni wec dhaŋä, kä la ciɛŋɛ bieyni ti gɔw ti yiël.

I-ca-yaa 3:23

kɛ neeni kɛ ruɔɔny bieyni tin gɔw kɛ kuɔ̱mni wec kɛ bieyni tin kuɔ̱mkɛ nhiam ɛ män.

Dhɛk 14:5

Kä bia rɔ̱ bar kɛ rɛy lo̱o̱lä pa̱a̱mdä kɛ ɣöö räthɛ nikä A-dhel. Kä bia rɔ̱ bar ce̱tnikɛ mëë barɛ rɔ̱ kɛ lath piɛny, mëë Ö-dhi-ya ɛ kuäär Juda. Kä bi Kuoth Nhial Kuothdä ben kɛɛl kɛ nɛy diaal tin lɛ̈ykɛ rɔ̱.

Mɛ̈t 21:5

“La̱rɛ jɛ nya Dha-yɔn i̱, ‘Nɛnɛ kuääru min di̱i̱t a bëë kä ji̱ ni, kɔ̱c lɔcdɛ, kä ko̱tdɛ jɔk muɔ̱l, kɛnɛ ruathdɛ.’ ”

Mɛ̈t 26:53

Caari jɛ ɛn ɣöö /cä Gua̱a̱r dee thiec, kä jɛn nikä kɛɛl bɛ ɣä jäkä bua̱n ja̱a̱kni nhial, ti la̱nykɛ bun wäl rɛw?

Mɛ̈t 28:3

Kä buɔy guec pua̱nydɛ ce̱tkɛ yiel nhial, kä bieynikɛ buɔykɛ ce̱tkɛ kɛ kën.

2 Thɛ 1:7

kä bɛ yɛ moc lɔ̱a̱ŋ yɛn nɛy tin tekɛ rik, amäni kɔn bä bɛ kɔ moc lɔ̱a̱ŋ, mi wä Kuäär ni Yecu jɔɔc nhial kɛɛl kɛnɛ ja̱a̱kɛ tin bum,

Juud 1:14

Cu Ä-nɔk min guur A-dam kɛ ka̱a̱th bärɔw, ruac go̱o̱kä lat bä kɛ kui̱ nɛɛni ti̱ti̱, mi wëë i̱, “Nɛ̈nɛ jɛ, Kuäär ni Kuoth bëëkɛ kɛnɛ ja̱a̱kɛ ti kur bathdɔɔri ti rɛ̈lkɛ rɔ̱.

Nyuuth 14:1

Kä cua guic, kä nɛnɛ, wi̱i̱ Pa̱a̱m Dha-yɔn cuŋ Ruath Dɛ̈ɛ̈l thi̱n! Kä te nɛy ti bathdɔɔri ti kuɔ̱r kɛl wi̱cdɛ jiɛn da̱ŋ ŋuan wi̱cdɛ ŋuan kɛɛl kɛ jɛ, ti ca ciötdɛ kɛnɛ ciöt Gua̱n gɔ̱a̱r nhiam kaandiɛn.

Nyuuth 14:20

Kä ɛn gua̱a̱th nhiecä dɛɛni wal tëë raar jɔk wec, kä cu riɛm lo̱o̱ny guäth nhiecä dɛɛni wal ce̱tkɛ yier mi cop luëŋdɛ ŋuäk jiöök tuɔ̱ruɔ̱k mi cu pal ni guäth mi tekɛ ki̱luni ti kur rɛw.

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 19:8

Ca jɛ nhök ɣöö bɛ rɔ rony kɛ bieyni ti ca tak agɔaa ti bo̱o̱r,” kɛ ɣöö bieyni tin ca tak agɔaa kɛ lät cuŋni nɛɛni tin ci Kuoth kɛ lɛy.

Nyuuth 3:4

Ŋot nɛy ti tɔt kä Thar-dith ti /ken bieynikiɛn lɔth, bikɛ ja̱l kɛ bieyni ti bo̱o̱r kɛ ɣä kɛɛl, kɛ ɣöö gɔwkɛ.

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 7:9

Kɛ kɔr kä mɛmɛ cua guic, kä nɛnɛ, tëëkɛ buɔ̱n nath mi di̱i̱t ɛlɔ̱ŋ mi thilɛ ram mi dee kɛ luäŋ kɛ kuën, bäkɛ röli kɛnɛ döör diaal, kɛ nɛy diaal, kɛnɛ ji̱ thukni diaal ti gööl, cuŋkɛ nhiam kɔam kuäärä kɛnɛ Ruath Dɛ̈ɛ̈l, ciaŋkɛ bieyni ti bo̱o̱r, kä te tetkiɛn kɛ kar kaanä.