Nyuuth 19:10 - RUAC KUƆTH IN RƐL RƆ

¹⁰ Kä cua rɔ yuɔr piny ciöknikɛ kɛ ɣöö, bä jɛ pal, kä duundɛ ɣöö cuɛ ɣä jiök i̱, “/Cu mɔmɔ lät! Ɛ ɣän läät kɛ ji̱ kɛɛl yɛnɛ dämuɔɔri tin ka̱pkɛ ruac nenä Yecu. Pal ni Kuoth. Kɛ ɣöö ruac nenä min ci Yecu ɛ lat ɛ jɛn yiëë göökni.”

Nyuuth 19:10 Iomraidhean Croise

2 Kua̱r 17:36

Duundɛ ɣöö bia Kuoth Nhial pal, mëë käm yɛ raar muun I-jëp kɛ tet mi bum. Bia rɔ̱ goŋ kɛ jɛ, kä bia thöp ni jɛ muc.

Diit 45:11

bi Kuäär lɔcdɛ tɛɛth kɛ gɔɔydu, luthni jɛ kɛ ɣöö ɛ kuääru ba.

Ɣöth 34:14

a thil kuoth dɔ̱diɛn mi bi pal, kɛ ɣöö, lapä Kuoth mi gua̱n tiilä.

Bok Go̱kä ni Da-ni-yel 2:46

Kä cu Kuäär ni Nɛ-bu-kad-nɛ-dhar rɔ ka̱mua̱a̱l nhiam Da-ni-yel kä cuɛ Da-ni-yel ka̱m luth, kä cuɛ ruac thöp kɛ ɣöö ba muc bɛɛl kɛnɛ wäl in kur waŋ kɛ kui̱ Da-ni-yel.

Bok Go̱kä ni Da-ni-yel 7:10

Kä te nhiamdɛ kɛ kir maac mi lo̱ny ce̱tkɛ pi̱w. Kä la̱tkɛ jɛ ikä ɛ ja̱a̱ŋ ti bathdɔɔri ti ŋuan kä te nɛy ti bathdɔɔri ti kur wäl kä kuɔ̱r cuŋä nhiamdɛ. Kä cua luk nyuɔ̱ɔ̱r i̱ nɔ, kä ca buɔkni lɛp.

Mɛ̈t 4:10

Kä cu Yecu jɛ jiök i̱, “Woc rɔ, Cɛy-tan, kɛ ɣöö ca jɛ gɔ̱r i̱, ‘Pal ni Kuäär in la Kuothdu, kä bi lät ni jɛ ikä kärɔa.’ ”

Mak 5:22

Cu bo̱o̱th dolä ji̱ Juudh kɛl mi cɔal ciötdɛ i̱ Jay-räth ben kä jɛ. Mëë cɛ Yecu nɛn, cuɛ rɔɔdɛ yuɔr piny ciöknikɛ,

Mak 7:25

Kä ni ɛn guäth ɛmɔ cu ciek mi te nyaadɛ mi tɔt kɛ yiëë mi jiääk ben kä jɛ, kɛ ɣöö cɛ kɛ̈kdɛ liŋ, kä cuɛ rɔ yuɔr piny ciöknikɛ.

Luk 1:19

Kä cu jääk nhial ɛ loc i̱, “Ɛ ɣän Gab-ri-yel. Ɣän cuɔ̱ŋä nhiam Kuɔth, kä cɛ ɣä ja̱k kɛ ɣöö bä ben ruac kɛ ji̱, nöŋä ji̱ thuk ti gɔw ti̱ti̱.

Luk 24:44

Kä cuɛ kɛ jiök i̱, “Ti̱ti̱ kɛ kɛn rieetkä tëë cä la̱r yɛ, mëë ŋuɔtdä kɛɛl kɛ yɛ, ɛn ɣöö ti diaal tëë ca gɔ̱r kɛ kui̱dä rɛy ŋuɔ̱tni Muthɛ kɛnɛ ruaacni göökni, kɛ Diit bikɛ dhil a thuɔ̱ɔ̱k.”

Jɔ̱ɔ̱n 5:39

“Go̱o̱rɛ yɛn Ruac Kuɔth in Rɛl Rɔ, kɛ ɣöö caar yɛn ɛ i̱ rɛydɛ te yɛn kɛ tëk mi do̱raar, kä kɛ jɛn min lat ruac nenä kɛ kui̱dä.

Lät Jaakni Yecu 10:43

Ci göök diaal nëndiɛn lat ɛn ɣöö nɛy diaal tin ŋa̱thkɛ jɛ bikɛ päl dueeri jek kɛ ciötdɛ.”

Lät Jaakni Yecu 13:27

Kɛ ɣöö nɛy tin cieŋ kä Jɛ-ru-tha-lɛm kɛ kua̱rkiɛn, /kenkɛ jɛ ŋic, kä /ken ruaacni göökni tin la kuɛ̈nkɛ kɛ cäŋ lɔ̱ŋni diaal cop lo̱cnikiɛn. Kä cukɛ ruaacni ti̱ti̱ jakä thuɔ̱k kɛ kuɛthdɛ li̱th.

2 Kor 8:7

Täämɛ yɛn ria̱ŋɛ kɛ ti diaal, ria̱ŋɛ rɛy ŋäthä, kɛnɛ lat ruaacni, kɛ rɛy ŋäcä ŋɔaani, kɛnɛ görun kɛ luäk nath, kɛ nhökdun kɛ kɔ. Kɛ jɛn duɔ̱ɔ̱p ɛmɔ buɔ̱mɛ bä rɛy puthä mucä mɛmɛ.

Ji̱ Ɛ-pɛ-thäth 5:15

Niɛkɛ rɔ̱ kɛ ɣöö bia cieŋ i̱di. /Cuarɛ cieŋ ce̱tkɛ nɛy ti dɔa̱a̱r, duundɛ ɣöö ciëŋɛ ti pɛl.

Ji̱ Ɛ-pɛ-thäth 5:33

Kä a ramɔ kä yɛ nhɔk ciekdɛ ce̱tkɛ rɔɔdɛ, kä a ciek luth cɔwdɛ.

Ji̱ Pi-li-pi 3:3

Kɛ ɣöö kɛ kɔn ca cuɛl tɔ̱ kɛ thuɔ̱k, kɔn nɛy tin palkɛ Kuoth rɛy Yieekä, kä liakdan tëë rɛy Kritho Yecu, kä thilɛ kɔn ŋa̱th kɛ ri̱ŋ,

1 Thɛ 5:15

Nɛ̈nɛ jɛ ɛn ɣöö thilɛ ram kɛl kä yɛ mi bi mi jiääk col kɛ mi jiääk, kä ni ciaŋ görɛ ni la̱t kä mi gɔaa kamnikun amäni nɛy diaal.

Ji̱ Ɣi-bɛ-ru 1:14

Kä /ci ja̱a̱k diaal a yiey ti la̱tkɛ Kuoth ikä kä ja̱kɛ kɛ, kɛ kui̱ lua̱k nɛɛni tin ba ka̱n jek?

Ji̱ Ɣi-bɛ-ru 12:25

Guɛcɛ jɛ ɛn ɣöö /cia ruacdɛ bi lo̱k ɛn ram ɛ ruacɛ. Kɛ ɣöö mi /ka̱n rɔ̱ leny, mëë cikɛ jɛ lo̱k ɛn ram mëë ci kɛ luek wi̱i̱ muɔ̱ɔ̱n, /canɛ rɔ̱ bi leny mi löknɛ ram in lueek kɔn nhial.

1 Jɔ̱ɔ̱n 5:10

Kɛ ɣöö nɛy tin ŋa̱thkɛ Gat Kuɔth tekɛ kɛ nën rɛydiɛn. Kä nɛy tin /ci Kuoth ŋäth, jakä ni jɛ kä gua̱n kacä, kɛ ɣöö /cikɛ nën in ci Kuoth ɛ lar kɛ kui̱ Gatdɛ ŋäth.

1 Jɔ̱ɔ̱n 5:21

Nyin tiɛtnikä, tiɛtdɛ rɔ̱ kä kuth guäyni diaal.

Nyuuth 1:1

Nyuuth Yecu Kritho mëë ca ka̱m jɛ ɛ Kuoth kɛ ɣöö bɛ ja̱ŋdɛ nyuɔ̱th tin bi bi dhil ben kɛ gua̱a̱th mi tɔt. Kä cuɛ jɛ jakä ŋa̱ckɛ, mëë cɛ jääkdɛ jäkä ja̱ŋdɛ ni Jɔ̱ɔ̱n,

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 12:11

Kä cukɛ jɛ tiam kɛ riɛm Ruath Dɛ̈ɛ̈l kɛnɛ ruac nenädiɛn, kɛ ɣöö /cikɛ tëkdiɛn nhɔk a cukɛ li̱w.

Nyuuth 12:17

Kä cu nyaŋ gaak kɛ ciek, cuɛ rɔ ri̱t cuɛ ko̱r wä tɛr kɛ duɔth gan ciek, nɛy tin ka̱pkɛ ŋuɔ̱t Kuɔth, kä tiɛtkɛ nën Yecu.

Nyuuth 14:7

Kä cuɛ jɛ lat kɛ jɔw mi di̱i̱t i̱, “Luɔ̱thɛ Kuoth kä puanyɛ jɛ, kɛ ɣöö ci gua̱a̱th luɔ̱kdɛ cop. Kä palɛ jɛ ɛn ram min ci nhial kɛnɛ piny cak, kɛ bar kɛnɛ löli pi̱i̱ni.”

Nyuuth 15:4

Ɛŋa mi /ci bi dual kɛ ji̱, kä /ci ciötdu bi puany, lö Kuäär ni Kuoth? Kɛ ɣöö ɛ ji̱n kärɔa rɛl gɔɔydu rɔ mɔ. Döör diaal bikɛ ben, kä bikɛ ben pal nhiamdu, kɛ ɣöö luɔ̱ɔ̱ku ca kɛ nyoth.”

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 4:10

la di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam raam in nyuur wi̱c kɔam kuäärä Kuɔth, kä palkɛ jɛn ram min tëk kɛ tëk mi thil pek. Kä yuɔrkɛ kuɔ̱mnikiɛn nhiam kɔam kuäärä wäkɛ i̱,