Nyuuth 18:3 - RUAC KUƆTH IN RƐL RƆ

³ Kɛ ɣöö ci döör diaal yɔ̱ŋ kɛ kɔaŋ leerädɛ mi jiääk, kä ci kua̱r wec muɔ̱ɔ̱n leer la̱t kɛ jɛ, kä ci ji̱ ko̱kä wec muɔ̱ɔ̱n ria̱ŋ kɛ nyin leerädɛ.”

Nyuuth 18:3 Iomraidhean Croise

I-ca-yaa 47:15

Ɛ jɛn ta̱a̱ in bi tekɛ nɛy tëë lät kɛɛl kɛ ji̱, nɛy tëë ja̱lɛ kɛɛl ni mëë kɛ yɛn ŋuɛ̈tni, bi ram ɔ wä wi̱el nikɛ duɔ̱ɔ̱pdɛ, thilɛ ram mi bi ji̱ kän.

Bok Go̱kä ni Yir-mɛ-yaa 51:34

“Ci Nɛ-bu-kad-nɛ-dhar kuäär Bɛ̈-bi-lɔn cu dup ni kɔ, cɛ nɛy cu nor, cɛ nɛy jak kä doth ni baaŋ ce̱tnikɛ tuɔ̱k mi ca kuändɛ woc, cɛ roc ni kɔ ce̱tkɛ min la nyaŋ in di̱t ɛlɔ̱ŋ rɛc ti tɔatni a roc. Cɛ jicdɛ thiäŋ kɛ ti cuɔm cuɔɔm, cɛ thuk ni ɣä.

Bok Go̱kä ni Yir-mɛ-yaa 51:7

Bɛ̈-bi-lɔn ɛ liɛɛr dääpä tetdä Kuɔth Nhial, cɛ ji̱ wec diaal jak kä dui̱r, ci döör diaal dueerkɛ guɔ̱ɔ̱r, kɛ kui̱c ɛmɔ, ci döör diaal cu duer.

Jiɛth 4:5

Kä nɛy tëë ca mi gɔaa kɔn cam, li̱w ni kɛn duɔ̱pni. Kä nɛy tëë pith rɛy riäŋä, cikɛ li̱w wuɔ̱thni di̱rä jiäkni kɛ go̱r mi̱eth.

Nɛ̈m 3:4

Ɛn wec cɛ ce̱tnikɛ ciek mi riär, kä pɛɛl naath kɛ kuthkɛ, kä jakɛ döör kä kuaany kɛ leerɛ, kä jakɛ naath kä ja̱a̱ŋ kɛ walkɛ.

Luk 7:25

Ɛŋu görɛ nëndɛ raar ɔ? Ɛ ɣöö bia ram mi ciɛŋ bieyni ti kɔ̱a̱c kɔa̱a̱c wä guic? Nɛ̈nɛ jɛ, nɛy ti ciaŋkɛ bieyni ti kɔ̱a̱c kɔa̱a̱c, kä cieŋkɛ riäŋä, tekɛ rɛy duëli kua̱ri ti di̱t.

1 Tim 5:11

Kä lo̱k gɔ̱a̱r mään jɔɔkni tin tiɛtni. Kɛ ɣöö mi wäkɛ piith yäämä, ci nɔ̱a̱n kɛ Kritho, kä go̱o̱r kɛn ni kuën,

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 17:2

Ci kua̱r wec muɔ̱ɔ̱n nyin leerä la̱t kɛ jɛ, kä kɛ kɔaŋ leerädɛ ci nɛy tin ciaŋkɛ wi̱c muɔ̱ɔ̱n yɔ̱ŋ kɛ jɛ.”

Nyuuth 18:19

Kä cukɛ tup yuɔr wuɔ̱thnikiɛn min wieekɛ kä pärkɛ, kä wieekɛ kɛ jɔw mi di̱i̱t, wäkɛ i̱, “Riɛk kua riɛk mi di̱t ɛ di, lö wec in di̱i̱t, gua̱a̱th in ci ji̱ babuuri rɛy bar ria̱ŋ jek kä jɛ! Ca jɛ däk kɛ thaak kɛl!

Nyuuth 18:23

/Ci buay lɛmbärä bi met jɔɔc rɛydu. Kä /ca jɔw cɔa nyaal kɛnɛ kaw bi nyɔk kɛ li̱eŋ rɛydu, kɛ ɣöö ji̱ ko̱kädu bum ni kɛn wi̱i̱ muɔ̱ɔ̱n, kä ci ji̱ wec muɔ̱ɔ̱n diaal mɛ̈t kɛ lät ti̱i̱tädu.

Nyuuth 18:7

Ce̱tkɛ min liakɛ rɔɔdɛ, kä cieŋɛ agɔaa, ka̱mɛ jɛ pek bɛcä mi päär kɛnɛ lul lɔaac. Kɛ ɣöö laarɛ jɛ kɛ lɔcdɛ i̱, ‘Ɣän, ruëcä ala kuäär ciëk. /Ci ɣän a ciek jɔkä, kä /ci lɔcdä bi met jiath.’

Nyuuth 18:9

Kä bi kua̱r wec muɔ̱ɔ̱n, tin ca nyin leerä kä ci cieŋ agɔaa kɛ jɛ wiee ɛlɔ̱ŋ, kä bikɛ jɛ par mi wäkɛ tol waŋädɛ nɛn.