Nyuuth 18:23 - RUAC KUƆTH IN RƐL RƆ

²³ /Ci buay lɛmbärä bi met jɔɔc rɛydu. Kä /ca jɔw cɔa nyaal kɛnɛ kaw bi nyɔk kɛ li̱eŋ rɛydu, kɛ ɣöö ji̱ ko̱kädu bum ni kɛn wi̱i̱ muɔ̱ɔ̱n, kä ci ji̱ wec muɔ̱ɔ̱n diaal mɛ̈t kɛ lät ti̱i̱tädu.

Nyuuth 18:23 Iomraidhean Croise

2 Kua̱r 9:22

Kä min ci Yo-ram Yeɣu nɛn cuɛ wee, “Ɛ mal Yeɣu?” Kä cuɛ loc i̱, “Dera mal ŋukä, min ŋot pɛɛth muɔr ni I-dhɛ-bɛl kɛnɛ pal guäynikɛ kɛ ŋuan?”

I-yob 21:17

“Kä ca lɛmbär raam mi jiäk yieny nikä di̱? Kä ci riɛk kɛ jek nikä di̱? Kä ci Kuoth kɛ met däk kɛ gakdɛ?

Ruac Pɛli 24:20

Kɛ ɣöö thilɛ kɛ ŋu kɛ nhiam, bi lɛmbäriɛn li̱w.

I-ca-yaa 23:8

Ɛŋa mi caar nɛmɛ kɛ kui̱ Dhor, wec in gɔaa, min ji̱kɛ tin köök kɛ kua̱r, min la̱a̱tkɛ nɛy ti tekɛ luth?

I-ca-yaa 47:9

Kɛn rɛw ti̱ti̱ bikɛ ben kä ji̱ kɛ gua̱a̱th mi tɔt kɛ cäŋ kɛl, bi gaatku bath kä bi ji̱n a ciek jɔkä, kɛn bikɛ tuɔɔk kä ji̱ kɛn da̱ŋ rɛw, a cäŋ ni mɔ ti̱i̱ kɛ ti̱t ti ŋuan ɔ kä ti̱i̱ kɛ wal ti buɔ̱m buɔ̱ɔ̱m.

Bok Go̱kä ni Yir-mɛ-yaa 16:9

Kɛ ɣöö nɛmɛ ɛ min ci Kuoth Nhial in la Ruey Ɣɔaa ni Kuoth I-thɛ-rɛl ɛ lar. Ɛn ɣöö ni waaŋdun ɛn guäth ɛmɛ ni̱nikun, ɣän bä jɔw tɛthkä lɔaac kɛnɛ jɔw kuën jak kä /ci te wan ɔ.

Bok Go̱kä ni Yir-mɛ-yaa 25:10

Kä ɣän bä tɛ̈th lɔaac woc rɛydiɛn, kä bɛ thil tɛ̈th lɔaac kuën, kä bɛ thil bɛl ti ba guär kä bɛ thil liɛth kɛ kui̱ lɛmbärä.

Bok Go̱kä ni Yir-mɛ-yaa 7:34

Kä bä tɛ̈th lɔaac kɛnɛ puɔ̱t buɔ̱li kueni ji̱ Juda kɛnɛ ji̱ Jɛ-ru-tha-lɛm cu moc kɛ pek, kɛ ɣöö bi mun te baaŋ a thil ram mi cieŋ thi̱n.”

Nɛ̈m 3:4

Ɛn wec cɛ ce̱tnikɛ ciek mi riär, kä pɛɛl naath kɛ kuthkɛ, kä jakɛ döör kä kuaany kɛ leerɛ, kä jakɛ naath kä ja̱a̱ŋ kɛ walkɛ.

Lät Jaakni Yecu 8:11

Kä cu naath ruacdɛ liŋ agɔaa, kɛ ɣöö cɛ kɛ gäy kɛ ti̱i̱tdɛ kɛ gua̱a̱th mi bäär.

Nyuuth 12:9

Kä cua nyaŋ in di̱i̱t yuɔr piny, min la thɔ̱l ëë wal, in cɔalkɛ i̱ “Gua̱n Jiäkni”, kiɛ “Cɛy-tan”, mëë ci ɣɔw kɛɛliw mɛt. Cua jɛ yuɔr piny kɛnɛ ja̱a̱kɛ kɛɛl.

Nyuuth 17:2

Ci kua̱r wec muɔ̱ɔ̱n nyin leerä la̱t kɛ jɛ, kä kɛ kɔaŋ leerädɛ ci nɛy tin ciaŋkɛ wi̱c muɔ̱ɔ̱n yɔ̱ŋ kɛ jɛ.”

Nyuuth 17:5

Kä ca ciöt mi /ca luɔtdɛ ŋäc gɔ̱a̱r nhiam kaandɛ wëë i̱, “Bɛ̈-bi-lɔn in di̱i̱t, man lëëri kɛnɛ nyuɔɔn wec muɔ̱ɔ̱n.”

Nyuuth 18:22

Kä /ca jɔw pua̱a̱tni thuɔmni, kɛ këët din, kɛ kuɔ̱ɔ̱th kaaŋni, bi met li̱eŋ rɛydu. Kä /ca bël mi lät ti diaal bi nyɔk kɛ jek rɛydu, kä /ca jɔw piɛl pa̱a̱m bi met liŋ rɛydu.

Nyuuth 18:3

Kɛ ɣöö ci döör diaal yɔ̱ŋ kɛ kɔaŋ leerädɛ mi jiääk, kä ci kua̱r wec muɔ̱ɔ̱n leer la̱t kɛ jɛ, kä ci ji̱ ko̱kä wec muɔ̱ɔ̱n ria̱ŋ kɛ nyin leerädɛ.”

Nyuuth 18:9

Kä bi kua̱r wec muɔ̱ɔ̱n, tin ca nyin leerä kä ci cieŋ agɔaa kɛ jɛ wiee ɛlɔ̱ŋ, kä bikɛ jɛ par mi wäkɛ tol waŋädɛ nɛn.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”

Nyuuth 22:15

Kä te ni jio̱o̱k kɛnɛ ti̱t, kɛ lëër kɛnɛ na̱a̱k nath, kɛ ji̱ palä kuthni jiɛn, kɛ nɛy diaal tin nhɔakɛ ciaŋ kacä raar wec.

Nyuuth 22:5

Bɛ cu thil wäär. Kä /ci naath buay lɛmbärä kiɛ cäŋ bi lɛ go̱r, kɛ ɣöö bi Kuäär ni Kuoth a buaydiɛn, kä bikɛ ruëc a thil pek.

Nyuuth 6:15

Kä ɛnɔ kua̱r wec muɔ̱ɔ̱n kɛnɛ ruëëc, kɛ bööth rɛ̈m kɛnɛ nɛy tin riäŋ, kɛ nɛy tin buɔ̱m buɔ̱ɔ̱m, amäni nɛy diaal, kuany kiɛ ram mi lɔr, cukɛ rɔ tɛ̱̈ɛ̱̈ kɔ̱a̱kni päämni, kɛnɛ kam päämni.

Nyuuth 9:21

Kä /kenkɛ rɔ̱ ri̱t kä näk nath, kiɛ lät ti̱i̱tädiɛn, kiɛ ciaŋ leerädiɛn, kɛnɛ kuëliɛn.