Nyuuth 18:10 - RUAC KUƆTH IN RƐL RƆ

¹⁰ Kä bikɛ cuɔ̱ŋ nänä, kɛ ɣöö dualkɛ, kɛ ɣöö bikɛ cuɔ̱cdɛ nyuak, kä ɛ kɛn i̱, “Riɛk kua riɛk mi di̱t ɛ di! Lö wec mi di̱i̱t, Ji̱n wec Bɛ̈-bi-lɔn mi bum! Cu lukdu cu ben kɛ thaak kɛl.”

Nyuuth 18:10 Iomraidhean Croise

I-ca-yaa 21:9

Kä nɛnɛ tëë kɛ ram mia̱a̱ bëëni kɛ thurbil, bëë kɛɛl kɛ ji̱ jiöŋkööri, ti jäl rɛw kɛɛl!” Kä cuɛ jɛ loc i̱, “Ci Bɛ̈-bi-lɔn pɛ̈ɛ̈n, cɛ pɛ̈ɛ̈n, kä pua̱ny kuthnikɛ diaal cikɛ to̱l ni piny.”

I-ca-yaa 47:9

Kɛn rɛw ti̱ti̱ bikɛ ben kä ji̱ kɛ gua̱a̱th mi tɔt kɛ cäŋ kɛl, bi gaatku bath kä bi ji̱n a ciek jɔkä, kɛn bikɛ tuɔɔk kä ji̱ kɛn da̱ŋ rɛw, a cäŋ ni mɔ ti̱i̱ kɛ ti̱t ti ŋuan ɔ kä ti̱i̱ kɛ wal ti buɔ̱m buɔ̱ɔ̱m.

Bok Go̱kä ni Yir-mɛ-yaa 30:7

Kua da̱k mi di̱t ɛ di kɛ jɛn cäŋ ɛ mɔ, /thil mi bi pa̱a̱r kɛ jɛ. Bɛ la gua̱a̱th cucä mi di̱i̱t kɛ kui̱ ji̱ Je-kɔb. Duundɛ ɣöö ba kɛ kän thi̱n.”

Yɛdh 32:9

‘Kä bä nɛy ti ŋuan jakä dual, mi wa̱a̱ yɛ naŋ dööri ti kɔ̱ŋ ala pɛ̈ɛ̈c. Wi̱i̱ni ti kui̱c yɛn kɛ.

Yo-el 1:15

Ɛn cäŋ ɛmɔ! Bi bɛ̈cdɛ ku lɛ ce̱tkɛ ŋu, kɛ ɣöö cɛ thia̱k ɛn cäŋ Kuɔth Nhial ɛmɔ, kä bɛ ben ce̱tnikɛ cäŋ däkä Kuɔth in leny buɔ̱mdɛ ti diaal.

A-mɔth 5:16

Kɛ kui̱ ɛmɔ, nɛmɛ ɛ min lar Kuoth Nhial in la Ruey Ɣɔaa ɛ i̱, “Bɛ tekɛ lul duɔ̱pni diaal, ba nɛy ti̱n te rɛy ka̱a̱kni cɔl, kä ba nɛy ti̱n la pär kok kɛ ɣöö bikɛ ben wiee.

Kuen 16:34

Kä cu ji̱ I-thɛ-rɛl diaal tëë te thi̱n rɔ bar kɛ luliɛn. Kɛ ɣöö laar kɛnɛ i̱, “Roc mun nɛy!”

Nyuuth 11:8

kä bi ri̱ŋkiɛn te piny dup wec in di̱i̱t guäth ëë ca Kuääriɛn ni Kuoth kɔŋ pua̱t jiaath thi̱n. Kä ciöt wec ɛmɔ ce̱tdɛ kɛ Thɔ-dɔm kiɛ I-jëp.

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 16:19

Cu wec in di̱i̱t rɔ da̱a̱k kä diɔ̱ɔ̱k, kä cu wi̱i̱ dööri tëth. Cu Kuoth Bɛ̈-bi-lɔn in di̱i̱t tim, cuɛ jɛ jakä mäthɛ kɛ kɔaŋ waŋä lɔaac Kuɔth in te rɛy lirä.

Nyuuth 17:12

Kä tuɔ̱ŋ da̱ŋ wäl tin ci nɛn kɛ kua̱r da̱ŋ wäl ti ŋot a /ken ni ben kuäärä, kä duundɛ ɣöö bikɛ lua̱ŋ jek ce̱tkɛ kua̱r kɛ thaak kɛl, kɛɛl kɛ ley.

Nyuuth 18:18

Kä cukɛ wiee mëë cikɛ tol waŋädɛ nɛn wäkɛ i̱, “Ɛ wec in mith ce̱tkɛ wec in di̱i̱t ɔ?”

Nyuuth 18:19

Kä cukɛ tup yuɔr wuɔ̱thnikiɛn min wieekɛ kä pärkɛ, kä wieekɛ kɛ jɔw mi di̱i̱t, wäkɛ i̱, “Riɛk kua riɛk mi di̱t ɛ di, lö wec in di̱i̱t, gua̱a̱th in ci ji̱ babuuri rɛy bar ria̱ŋ jek kä jɛ! Ca jɛ däk kɛ thaak kɛl!

Nyuuth 18:21

Kä cu jääk nhial mi bum päm mi ce̱tkɛ päm gua̱r mi di̱i̱t ka̱n, kä cuɛ jɛ yuɔr rɛy bar, wëë i̱, “Ce̱tkɛ ɛnɔ ba Bɛ̈-bi-lɔn wec in di̱i̱t yuɔr piny, kä /ca jɛ bi nyɔk kɛ jek.

Nyuuth 18:8

Kɛ kui̱c ɛmɔ, bi rikɛ ben kɛ cäŋ kɛl, liaw, kɛ pa̱r, kɛ buɔth, kä ba jɛ waŋ kɛ mac, kɛ ɣöö bum Kuäär ni Kuoth in luk jɛ.”