Nyuuth 17:5 - RUAC KUƆTH IN RƐL RƆ

⁵ Kä ca ciöt mi /ca luɔtdɛ ŋäc gɔ̱a̱r nhiam kaandɛ wëë i̱, “Bɛ̈-bi-lɔn in di̱i̱t, man lëëri kɛnɛ nyuɔɔn wec muɔ̱ɔ̱n.”

Nyuuth 17:5 Iomraidhean Croise

I-ca-yaa 3:9

Kɛ guec nhiamdiɛn nyoothɛ jɛ ɛn ɣöö tekɛ kɛ duer, liakɛ rɔ̱ kɛ dueerkiɛn ce̱tkɛ ji̱ Thɔ-dɔm, ɛ /ci kɛn jɛ tëë. Riɛk akɛ kɛ! Kɛ ɣöö cikɛ rɔ̱ nöŋ riɛk.

Yɛdh 16:35

“Kɛ kui̱ ɛmɔ lö ler liŋ ruac Kuɔth Nhial min latdɛ.

Ji̱ Pi-li-pi 3:19

Pekdiɛn ɛ lia̱a̱, kä kuothdiɛn ɛ jicdiɛn, kä liakdiɛn ɛ pöcdiɛn, kä cikɛ ca̱riɛn la̱th kä nyin piɛny.

2 Thɛ 2:7

Kɛ ɣöö tɛ̱̈ɛ̱̈ bumä gua̱n jiäkni tëë lät, kä duundɛ ɣöö ram in käp jɛ jɔk täämɛ te thi̱n, amäni mi ca jɛ woc.

Nyuuth 1:20

Mɛmɛ ɛ jɛn luɔt kä min dhal ji̱ kɛ kui̱ kuɛli da̱ŋ bärɔw tin ci nɛn tetdä cuëëcdä, kɛnɛ cuuŋni lɛmbärni dääpä da̱ŋ bärɔw. Kä kɛn kuɛl da̱ŋ bärɔw kɛ ja̱a̱k nhial duëli Kuɔth da̱ŋ bärɔw, kä cuuŋni lɛmbärni da̱ŋ bärɔw kɛ kɛn duël Kuɔth da̱ŋ bärɔw.

Nyuuth 11:8

kä bi ri̱ŋkiɛn te piny dup wec in di̱i̱t guäth ëë ca Kuääriɛn ni Kuoth kɔŋ pua̱t jiaath thi̱n. Kä ciöt wec ɛmɔ ce̱tdɛ kɛ Thɔ-dɔm kiɛ I-jëp.

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 16:19

Cu wec in di̱i̱t rɔ da̱a̱k kä diɔ̱ɔ̱k, kä cu wi̱i̱ dööri tëth. Cu Kuoth Bɛ̈-bi-lɔn in di̱i̱t tim, cuɛ jɛ jakä mäthɛ kɛ kɔaŋ waŋä lɔaac Kuɔth in te rɛy lirä.

Nyuuth 17:1

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ben, kä ɣä cuɛ wee i̱, “Bër, bä ji̱ ben nyuɔ̱th luk lerä in di̱i̱t in ci nyuur wi̱i̱ pi̱i̱ni ti ŋuan.

Nyuuth 17:2

Ci kua̱r wec muɔ̱ɔ̱n nyin leerä la̱t kɛ jɛ, kä kɛ kɔaŋ leerädɛ ci nɛy tin ciaŋkɛ wi̱c muɔ̱ɔ̱n yɔ̱ŋ kɛ jɛ.”

Nyuuth 17:7

Kä duundɛ ɣöö cu jääk nhial ɣä jiök i̱, “Ɛŋu mi ga̱a̱c kɛ ji̱ ɛlɔ̱ŋ? Bä ji̱ la̱r luɔt kä min gääy naath kä ciek, kɛnɛ ley in tekɛ wuɔ̱th da̱ŋ bärɔw kɛ tuɔ̱ŋ da̱ŋ wäl min kap ciek.

Nyuuth 18:2

Kä cuɛ ciöt kɛ jɔw mi bum, wëë i̱, “Cɛ pɛ̈ɛ̈n, cɛ pɛ̈ɛ̈n, ɛn Bɛ̈-bi-lɔn in di̱i̱t! Cɛ la ni gua̱a̱th cieŋä kuthni ti jiäk, ɛ gua̱a̱th cieŋä din ti jiäk, kä ɛ gua̱a̱th leeyni diaal tin jiäk.

Nyuuth 18:21

Kä cu jääk nhial mi bum päm mi ce̱tkɛ päm gua̱r mi di̱i̱t ka̱n, kä cuɛ jɛ yuɔr rɛy bar, wëë i̱, “Ce̱tkɛ ɛnɔ ba Bɛ̈-bi-lɔn wec in di̱i̱t yuɔr piny, kä /ca jɛ bi nyɔk kɛ jek.

Nyuuth 19:2

kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”

Nyuuth 7:3

Ɛn jääk cuɛ wee i̱, “/Cuarɛ wi̱c muɔ̱ɔ̱n kiɛ bar kiɛ jiɛn däk, amäni mi wakɔ la̱a̱t Kuɔthda nhiam kaandiɛn wä moc biɛl kɛ thääny.”