Nyuuth 17:4 - RUAC KUƆTH IN RƐL RƆ

⁴ Ɛn ciek tëëkɛ bi̱i̱ mi mɛr, kɛnɛ bi̱i̱ mi lual, kä cɛ rɔ pik kɛ da̱a̱p, kɛnɛ guiy ti nyin gɔw kɛ dɔ̱a̱kni. Kä kääpɛ liɛɛr dääpä mi thiäŋ kɛ nyuɔɔn kɛnɛ jiäk leerädɛ kɛ tetdɛ.

Nyuuth 17:4 Iomraidhean Croise

1 Kua̱r 14:24

Kä te wec kɛ wutni kɛnɛ män ti ria̱r. Kä cukɛ la̱t ni jiäk dööri diaal tëë ci Kuoth Nhial kɛ joc nhiam ji̱ I-thɛ-rɛl.

2 Kua̱r 21:2

Kä cuɛ la̱t ni dueer nhiam Kuɔth Nhial, ce̱tnikɛ jiäk dööri tëë juɔc Kuoth Nhial kɛ raar nhiam ji̱ I-thɛ-rɛl,

Ɛdhra 9:11

tëë ci ŋun kɛ ja̱a̱ŋku ni go̱o̱k mëë wi̱i̱ i̱, ‘Ɛn mun ɛ wiaa thi̱n ɛ bia wä ciɛŋɛ, ɛ mun mi ca ya̱r ɛ nɛy tin cieŋ thi̱n, kɛ lätkiɛn tin jiäk. Ci kɛn ɛ thiäŋ kɛ lät jiäkiɛn kui̱ni diaal.

I-ca-yaa 66:3

“Kä ram mi ŋoot thäk ce̱tdɛ kɛ ram mi näk ni raan, kä ram mi tho̱p ruath dɛ̈ɛ̈l rɔɔmä ala muc, ce̱tdɛ nikɛ ram mi to̱l ni ŋuäk jiöök, kä ram mi no̱o̱ŋni muc bɛɛl, ce̱tdɛ nikɛ ram no̱o̱ŋni riɛm kuɔ̱ndhuɔ̱ɔ̱r, kä ram mi waaŋni wal tin kuɔ̱r kuɔ̱ɔ̱r, ce̱tdɛ nikɛ ram mi palni kuoth jiaath. Kɛn nɛy tɔ̱tɔ̱ ca mɛk ni dupkiɛn, kä nhɔk kɛn ni jiäkiɛn,

Bok Go̱kä ni Yir-mɛ-yaa 51:7

Bɛ̈-bi-lɔn ɛ liɛɛr dääpä tetdä Kuɔth Nhial, cɛ ji̱ wec diaal jak kä dui̱r, ci döör diaal dueerkɛ guɔ̱ɔ̱r, kɛ kui̱c ɛmɔ, ci döör diaal cu duer.

Jiɛth 1:9

Kä cua jiääkdɛ nɛn, kä /kenɛ ca̱r kɛ kui̱ däkädɛ. Kɛ kui̱c ɛmɔ cuɛ da̱k ɛlɔ̱ŋ, kä thilɛ ram mi dee lɔcdɛ jak kä gɔaa. “Ɣa Kuoth Nhial nɛn riɛkdä, kɛ ɣöö ci ji̱ tɛ̈rä ɣä joc!”

Yɛdh 20:30

Kɛ kui̱c ɛmɔ, ji̱n ruacni kɛ thok duëël I-thɛ-rɛl i̱ laar Kuäär ni Kuoth Nhial ɛ ɛn ɣöö, yɛn bia cuarɛ rɔ̱ɔ̱dun yär ce̱tkɛ guurikun tëë cua guɔ̱ɔ̱r ni jiäk tëë kɔn?

Yɛdh 24:11

La̱thɛ puɔ̱ny cukä rɛy maac miim, amäni mi cɛ le̱e̱th a ci tɛɛkdɛ waaŋ, kä bi kɔlɛ lëër, kä bi gɔakdɛ pɛ̈t ala miɛm.

Yɛdh 24:13

Kä ŋotdɛ, mëë cä ɣɔ̱n i̱ lakä ji̱, kä leeru, ji̱n /keni rɔ luäŋ kɛ la̱k leerädu. Ji̱n /ci rɔɔdu bi nyɔk kɛ gɔɔy, amäni mi cä ŋɛ̈ɛ̈nydä jakä thuk kä ji̱.’

Yɛdh 28:13

Ti rɛy E-dɛn in la kak Kuɔth. Kä ci rɔ kum kɛ pääm diaal tin di̱t kökdiɛn, min määl kɛnɛ mi tëë maan mi gɔaa, kɛ mi tok kɛnɛ mi gui̱i̱r kɛ mi tɔ̱c kɛnɛ mi riaw riaw, kɛ mi thiäŋ kɛnɛ mi dɛ̈ɛ̈r kɛ mi yian. Kuak pua̱a̱nydu diaal kɛ da̱a̱p cakɛ rialikä ni mëë /ka̱n ji̱ ni cak.

Yɛdh 36:25

Kä bä yɛ kith kɛ pi̱w ti gɔw, bia cu gɔw kä jiäkun diaal, kä bä yɛ jakä gɔw kä kuth guäynikun diaal.

Bok Go̱kä ni Da-ni-yel 11:38

Kä bɛ luɔ̱th ni kuoth in la gaŋ gua̱th tin buɔ̱m buɔ̱ɔ̱m kä kɛn kuth ti diaal ti̱ti̱. Bɛ luɔ̱th ni kuoth in kui̱c gua̱ndɔɔŋnikɛ jɛ, bɛ luɔ̱th kɛ tho̱pdɛ kɛ jɛ da̱a̱p kɛnɛ ciɛk in bo̱r kɛ guiy tin di̱t kökdiɛn ala muc.

Ɣocä 9:10

Kä mëë jëkä I-thɛ-rɛl ce̱tdɛ nikɛ thoŋɛdit därdɔaar, kä mëë nɛ̈ɛ̈nä guuri, ce̱tkɛ nikɛ dɛy jiaath ŋɔa̱a̱p tin nhiam. Min cikɛ ben kä Baal-pɛ-or, cikɛ rɔ cu ley kuoth ni Baal. Kä cikɛ cu jiääk ce̱tnikɛ min nhɔk kɛn ɛ.

Ŋuɔ̱t 29:17

Kä cia jiäkiɛn nɛn, kuth jiɛnkiɛn, kɛnɛ kuth päämnikiɛn, kɛ kuth ciikni, kɛnɛ da̱a̱pni tëë te rɛydiɛn.

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 18:12

thilɛ ram mi kɔk da̱a̱pdiɛn, kɛ ciɛk in bo̱r, kɛ guiy kɛnɛ dɔ̱a̱kni ti gɔw ɛlɔ̱ŋ, kɛ bieyni ti ca tak agɔaa, kɛ ti mɛ̈ri, kɛnɛ bieyni ti luaal, kɛ jiɛn diaal ti gɔw ŋuänydiɛn, kɛnɛ kuak diaal ti ca la̱t kɛ guɔ̱r, kɛ ti ca la̱t kɛ jiɛn ti di̱t kökdiɛn, kɛnɛ ciɛk in yian, kɛ yiëëth, amäni päm mi puɔth puɔth,

Nyuuth 18:16

“Riɛk kua riɛk mi di̱t ɛ di, kɛ kui̱ wec in di̱i̱t, mi ca rony kɛ bieyni ti ca tak agɔaa, ti mɛ̈ri kɛnɛ ti luaal, kä ca jɛ pik kɛ da̱a̱p, kɛnɛ guiy ti gɔw, kɛ dɔ̱a̱kni ti gɔw!

Nyuuth 19:2

kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”

Nyuuth 21:21

Kä ca thiekni da̱ŋ wälrɛw la̱t kɛ dɔ̱a̱kni da̱ŋ wälrɛw. Ca thi̱i̱kɔ la̱t kɛ dɔ̱k kɛl, kä ca caar la̱t kɛ da̱a̱p mi lɛy lɛy mi ce̱tkɛ neen.

Nyuuth 9:21

Kä /kenkɛ rɔ̱ ri̱t kä näk nath, kiɛ lät ti̱i̱tädiɛn, kiɛ ciaŋ leerädiɛn, kɛnɛ kuëliɛn.