Nyuuth 17:3 - RUAC KUƆTH IN RƐL RƆ

³ Kä cuɛ ɣä naŋ däär dɔaar kɛ yiëë, kä cua ciek nɛn nyuurɛ jɔk lɛ̱̈ɛ̱̈ mi lual mi ci thia̱a̱ŋ kɛ ciööt kuethni Kuɔth, kä tëëkɛ wuɔ̱th da̱ŋ bärɔw kɛnɛ tuɔ̱ŋ da̱ŋ wäl.

Nyuuth 17:3 Iomraidhean Croise

1 Kua̱r 18:12

Kä niɛ mɔ bä jiɛn kä ji̱ mɔ, bi yiëë Kuɔth Nhial ji̱ naŋ guäth mi /ca bi ŋa̱c. Kä mi wa̱a̱ jɛ wä la̱r Ɛ̈-ɣab, kä /cɛ ji̱ bi jek, bɛ ɣä cu näk. A cäŋ ni mɔ ŋa̱a̱thä Kuoth Nhial ɛ ni mëë ɛ ɣän ŋuɛ̈t.

2 Kua̱r 2:16

Kä cukɛ jɛ jiök i̱, “Nɛnɛ, täämɛ te la̱a̱tku kɛ nɛy ti jiɛn dhieec ti buɔ̱m buɔ̱ɔ̱m. Akɛ wä kuääru go̱r. Dɔ̱ŋ ci yiëë Kuɔth Nhial ɛ naŋ nhial kä cɛ wä yuɔr wuɔ̱thni päämni kiɛ rɛy löli.” Kä cu Ɛ-li-cä wee, “/Cuarɛ naath jäk.”

Thɔl 8:5

Kä ɛŋa ɛn ni bëë rɛy dɔaari, mi ci rɔ thi̱ŋ kɛ luumdɛ mi? Cua̱ ji̱ ker thaar jiaath mi gɔaa. Guäth ëë ruët muɔɔrkɛ ji̱ thi̱n.

Yɛdh 11:24

Ɛn wan ɔ cu yiëë Kuɔth ɣä kap nhial cuɛ ɣä nöŋ pɛ̈ɛ̈c kä Bɛ̈-bi-lɔn. Kä cu nyuuth in cä nɛn cu jiɛɛn kä ɣä.

Yɛdh 3:12

Kä cu yiëë Kuɔth ɣä kap nhial, kä cua̱ jɔw mi di̱i̱t liŋ jɔkdä ruacɛ wëë i̱, “Liakɛ gɔɔy Kuɔth Nhial rɛy puɔ̱rä.”

Yɛdh 8:3

Kä cuɛ mi ce̱tkɛ tet riny. Kä cuɛ ɣä käp kɛ miem wecdä. Kä cu yiëë ɣä kap nhial kam piɛny kɛnɛ pua̱a̱r. Kä cuɛ ɣä naŋ kä Jɛ-ru-tha-lɛm kɛ nyuuth Kuɔth kɛ duɔ̱ɔ̱p thuɔk kal in te rɛci, min lot ni kui̱c caam, min te puɔ̱ny kuɔth guääyni min la jak Kuoth kä ŋɛ̈ɛ̈ny thi̱n.

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Bok Go̱kä ni Da-ni-yel 7:20

Kä göörä ɣöö bä thuɔ̱k ŋa̱c kɛ kui̱ tuɔ̱ŋnikɛ da̱ŋ wäl tin te wi̱i̱dɛ amäni tuŋ in dɔ̱diɛn in ci päl, min cu tuɔ̱ŋ da̱ŋ diɔ̱k thuɔ̱c raar, jɛn tuŋ in tekɛ nyin kɛnɛ thok min ruac ni liakä, min ce̱t di̱t ni jɛn kä tin kɔ̱ŋ.

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Bok Go̱kä ni Da-ni-yel 7:8

Kä min ta̱a̱ gui̱c tuɔ̱ŋni, cu tuŋ mi dɔ̱ŋ päl, ɛ tuŋ mi tɔt, cuɛ päl dääriɛn, kɛ ɣöö bɛ kulɛ tekɛ gua̱a̱th, cua tuɔ̱ŋ da̱ŋ diɔ̱k ka̱m raar kä tuɔ̱ŋ tin nhiam. Kä ɛn tuŋ ɛmɔ tëë kɛ nyin ti ce̱tkɛ nyin ran, kɛ thok mi ruac ni liakä.”

Mɛ̈t 27:28

Cukɛ bieynikɛ ka̱m raar, kä cukɛ bi̱i̱ mi do̱l la̱th puɔ̱ɔ̱nydɛ.

Lät Jaakni Yecu 8:39

Mëë cikɛ ben raar rɛy pi̱i̱ni, cu Yiëë Kua̱r ni Kuoth Pi-lip naŋ. Kä /ken jio̱w ɛ nyɔk kɛ nën, kä cuɛ wä dupdɛ kɛ tɛ̈th lɔaac.

2 Thɛ 2:4

Kä jɛn bɛ mɔ cɔalkɛ mɔ i̱ Kuoth kiɛ mɔ palkɛ mɔ gak, kä bɛ rɔ kap nhial wi̱i̱diɛn diaal. Kä jɛn bä bɛ wä nyuur ni rɛy Luaak Kuɔth, kä bɛ wee ɛ jɛn Kuoth.

Nyuuth 1:10

Ɣän ta̱a̱ rɛy yieekä kɛ cäŋ Kua̱r ni Kuoth, kä cua jɔw mi di̱i̱t mi ce̱tkɛ jɔw kaaŋä liŋ jɔkdä,

Nyuuth 12:14

Kä duundɛ ɣöö cua ciek ka̱m gɔ̱k kuëth in di̱i̱t da̱ŋ rɛw, kɛ ɣöö derɛ rɔ bar kɛ thɔ̱l barɛ rɔ däär dɔaar, guäth in ba jɛ wä mi̱eeth thi̱n kɛ run da̱ŋ diɔ̱k kɛ nuth.

Nyuuth 12:3

Kä cu nyuuth dɔ̱diɛn jɔɔc nhial. Tëëkɛ nyaŋ mi lual mi di̱i̱t, mi tekɛ wuɔ̱th da̱ŋ bärɔw kɛ tuɔ̱ŋ wäl, kɛ kuɔ̱mni kuäärä da̱ŋ bärɔw wuɔ̱thnikɛ.

Nyuuth 12:6

Kä cu ciek rɔ bar guäth mi te baaŋ, mi ci Kuoth ɛ rialikä kɛ kui̱dɛ, guäth in ba mi̱eth thi̱n kɛ ni̱n ti bathdɔɔr kɛl wi̱cdɛ kur rɛw, wi̱cdɛ jiɛn bäkɛl.

Nyuuth 17:18

Kä ciek in ci nɛn ɛ wec in di̱i̱t in ruaac kua̱r wec muɔ̱ɔ̱n.”

Nyuuth 17:4

Ɛn ciek tëëkɛ bi̱i̱ mi mɛr, kɛnɛ bi̱i̱ mi lual, kä cɛ rɔ pik kɛ da̱a̱p, kɛnɛ guiy ti nyin gɔw kɛ dɔ̱a̱kni. Kä kääpɛ liɛɛr dääpä mi thiäŋ kɛ nyuɔɔn kɛnɛ jiäk leerädɛ kɛ tetdɛ.

Nyuuth 18:12

thilɛ ram mi kɔk da̱a̱pdiɛn, kɛ ciɛk in bo̱r, kɛ guiy kɛnɛ dɔ̱a̱kni ti gɔw ɛlɔ̱ŋ, kɛ bieyni ti ca tak agɔaa, kɛ ti mɛ̈ri, kɛnɛ bieyni ti luaal, kɛ jiɛn diaal ti gɔw ŋuänydiɛn, kɛnɛ kuak diaal ti ca la̱t kɛ guɔ̱r, kɛ ti ca la̱t kɛ jiɛn ti di̱t kökdiɛn, kɛnɛ ciɛk in yian, kɛ yiëëth, amäni päm mi puɔth puɔth,

Nyuuth 18:16

“Riɛk kua riɛk mi di̱t ɛ di, kɛ kui̱ wec in di̱i̱t, mi ca rony kɛ bieyni ti ca tak agɔaa, ti mɛ̈ri kɛnɛ ti luaal, kä ca jɛ pik kɛ da̱a̱p, kɛnɛ guiy ti gɔw, kɛ dɔ̱a̱kni ti gɔw!

Nyuuth 21:10

Rɛy yieekä cuɛ ɣä naŋ wi̱i̱ pa̱a̱m mi di̱i̱t mi bäär, kä cuɛ ɣä nyuɔ̱th wec Jɛ-ru-tha-lɛm mi rɛl rɔ bëë piny nhial kä Kuoth.

Nyuuth 4:2

Kä nikä kɛɛl cua ɣä käp ɛ yiëë, kä nɛnɛ, te ciëŋ nhial kɛ kɔm kuäärä mi te ram mi nyuur thi̱n!