Nyuuth 17:2 - RUAC KUƆTH IN RƐL RƆ

² Ci kua̱r wec muɔ̱ɔ̱n nyin leerä la̱t kɛ jɛ, kä kɛ kɔaŋ leerädɛ ci nɛy tin ciaŋkɛ wi̱c muɔ̱ɔ̱n yɔ̱ŋ kɛ jɛ.”

Nyuuth 17:2 Iomraidhean Croise

Bok Go̱kä ni Yir-mɛ-yaa 51:7

Bɛ̈-bi-lɔn ɛ liɛɛr dääpä tetdä Kuɔth Nhial, cɛ ji̱ wec diaal jak kä dui̱r, ci döör diaal dueerkɛ guɔ̱ɔ̱r, kɛ kui̱c ɛmɔ, ci döör diaal cu duer.

Nɛ̈m 3:4

Ɛn wec cɛ ce̱tnikɛ ciek mi riär, kä pɛɛl naath kɛ kuthkɛ, kä jakɛ döör kä kuaany kɛ leerɛ, kä jakɛ naath kä ja̱a̱ŋ kɛ walkɛ.

Jɔ̱ɔ̱n 2:10

Kä cu gua̱n bo̱thni jɛ jiök i̱, “La nɛy diaal kɔaŋ dɛɛni wal ti gɔw a käm naath kɛ nhiam, kä mëë ci naath diaal ku maath a com, ba kɔaaŋ ti ba̱l ba̱a̱l nööŋ kɔɔr, kä cu ji̱n kɔaaŋ ti gɔw gän amäni täämɛ.”

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 17:13

Kɛn cikɛ rɔ̱ mat kɛl, ka̱mkɛ lua̱ŋdiɛn kɛnɛ buɔ̱mdiɛn ley.

Nyuuth 17:17

Kɛ ɣöö ci Kuoth ɛ la̱th lo̱cnikiɛn i̱, ba ca̱pdɛ la̱t kɛ nhökdiɛn, kɛ tho̱p kuäärädiɛn ley, amäni mi wä ruaacni Kuɔth a thuɔ̱ɔ̱k.

Nyuuth 17:5

Kä ca ciöt mi /ca luɔtdɛ ŋäc gɔ̱a̱r nhiam kaandɛ wëë i̱, “Bɛ̈-bi-lɔn in di̱i̱t, man lëëri kɛnɛ nyuɔɔn wec muɔ̱ɔ̱n.”

Nyuuth 17:8

Ley in ci nɛn cɛ kɔŋ te thi̱n, kä /cɛ lɛ ŋot thi̱n, bëë raar rɛy kɔ̱kä mi thil piny kä wëë däkä. Kä nɛy tin ciaŋkɛ wi̱c muɔ̱ɔ̱n tin /ka̱n ciöötkiɛn gɔ̱a̱r rɛy warɛgakä teekä ni tukä ɣɔaa, bikɛ ga̱a̱c mi wa ley wä nɛn. Kɛ ɣöö cɛ kɔŋ te thi̱n, kä /cɛ lɛ ŋot thi̱n, kä bɛ ben.

Nyuuth 18:23

/Ci buay lɛmbärä bi met jɔɔc rɛydu. Kä /ca jɔw cɔa nyaal kɛnɛ kaw bi nyɔk kɛ li̱eŋ rɛydu, kɛ ɣöö ji̱ ko̱kädu bum ni kɛn wi̱i̱ muɔ̱ɔ̱n, kä ci ji̱ wec muɔ̱ɔ̱n diaal mɛ̈t kɛ lät ti̱i̱tädu.

Nyuuth 18:3

Kɛ ɣöö ci döör diaal yɔ̱ŋ kɛ kɔaŋ leerädɛ mi jiääk, kä ci kua̱r wec muɔ̱ɔ̱n leer la̱t kɛ jɛ, kä ci ji̱ ko̱kä wec muɔ̱ɔ̱n ria̱ŋ kɛ nyin leerädɛ.”

Nyuuth 18:9

Kä bi kua̱r wec muɔ̱ɔ̱n, tin ca nyin leerä kä ci cieŋ agɔaa kɛ jɛ wiee ɛlɔ̱ŋ, kä bikɛ jɛ par mi wäkɛ tol waŋädɛ nɛn.

Nyuuth 2:22

Nɛnɛ, bä jɛ moc kɛ juey, kä bä nɛy tin ca nyin leerä kɛ la̱t jɛ kɛɛl yuɔr rɛy rikä mi bɛc bɛc. Ɛ ni mi pa̱lkɛ lätkɛ tin jiäk.

Nyuuth 3:10

Kɛ ɣöö cia ruacdä käp kɛ ruɔ̱t bitdä, bä yɛ gaŋ kä riɛk in bëë rɛy ɣɔaa kɛɛliw, kɛ ɣöö bɛ nɛy tin cieŋ wi̱i̱ muɔ̱ɔ̱n ben ɣɔ̱n.

Nyuuth 9:21

Kä /kenkɛ rɔ̱ ri̱t kä näk nath, kiɛ lät ti̱i̱tädiɛn, kiɛ ciaŋ leerädiɛn, kɛnɛ kuëliɛn.