Nyuuth 17:17 - RUAC KUƆTH IN RƐL RƆ

¹⁷ Kɛ ɣöö ci Kuoth ɛ la̱th lo̱cnikiɛn i̱, ba ca̱pdɛ la̱t kɛ nhökdiɛn, kɛ tho̱p kuäärädiɛn ley, amäni mi wä ruaacni Kuɔth a thuɔ̱ɔ̱k.

Nyuuth 17:17 Iomraidhean Croise

Ɛdhra 7:27

A puɔ̱th tekɛ Kuoth Nhial, Kuoth gua̱a̱ri, min läth nɛmɛ lɔɔc kua̱r, min ci luak Kuɔth Nhial in te kä Jɛ-ru-tha-lɛm moc lɔ̱ɔ̱l,

Diit 105:25

Mëë cuɛ lɔcdɛ ri̱t kɛ ɣöö bɛ nɛɛkɛ lo̱k, kä cuɛ nɛɛkɛ ciɛŋ a jiäk.

Ruac Pɛli 19:21

Kä wi̱c ran tëë kɛ cär ti ŋuan, duundɛ ɣöö ku Kuoth Nhial kɛ la jakä thuɔ̱ɔ̱k.

Ruac Pɛli 21:1

Kä lɔc kua̱r ce̱tdɛ kɛ lo̱o̱l pi̱i̱ni kä Kuoth Nhial. La ri̱tdɛ jɛ ce̱tnikɛ min go̱o̱rɛ.

I-ca-yaa 45:17

Duundɛ ɣöö ca I-thɛ-rɛl kän ɛ Kuoth Nhial kɛ ka̱n mi thil pek, kä /ca ji̱ bi moc kɛ pöc kiɛ buar amäni cäŋ kɛl.

Bok Go̱kä ni Yir-mɛ-yaa 32:40

Kä ɣän bä mat ruac mi thiak la̱t kɛ kɛ, kɛ ɣöö cä rɔ̱ bi lɛ riet jɔk kɛ lätnikiɛn kä mi gɔaa. Kä bä kɛ jak kä luɔ̱th kɛ ɣä kɛ ɣöö dɔ̱ŋ cikɛ rɔ̱ bi riet jɔk kä ɣä.

Bok Go̱kä ni Da-ni-yel 12:7

Kä cu ram min ci rɔ rony kɛ bi̱i̱ in ca mɛn ɛgɔaa min te cuŋä wi̱i̱ pi̱i̱ni tet cuëëcdɛ kɛnɛ tët caamdɛ tar nhial. Kä cua̱ jɛ liŋ yaacɛ rɔ kɛ ciöt Kuɔth in do̱raar ɛn ɣöö, bi mɛmɛ tuɔɔk kɛ run da̱ŋ diɔ̱k kɛ nuth, mi wä buɔ̱m nɛɛni Kuɔth wä thuɔ̱k, bikɛn ti diaal ti̱ti̱ cu thuɔ̱k.

Luk 22:22

Kɛ ɣöö Gat Ran bɛ wä ce̱tkɛ min ca rialikä, kä riɛk a kä jɛn ram in bi jɛ kɔak!”

Luk 22:3

Cu Cɛy-tan wä lɔɔc Ju-däth min cɔal i̱ Ith-kɛ̈-ri-ɔt, ram kɛl kä jaak da̱ŋ wäl rɛw.

Luk 22:37

Kɛ ɣöö ɣän la̱rä jɛ yɛ bi ruac Kuɔth ëë ca gɔ̱r dhil a thuɔ̱k kɛ ɣä i̱, ‘Cua jɛ mat rɛy nɛɛni ti ji̱ nyuɔɔni’, kä ɛ thuɔ̱k ci min ca gɔ̱r kɛ kui̱dä a thuɔ̱k.”

Jɔ̱ɔ̱n 10:35

Kä ŋa̱ckɔ jɛ pa̱ny ɛn ɣöö mi ci ruac Kuɔth ɛ lar ɛ thuɔ̱k amäni cäŋ kɛl. Kä cu Kuoth nɛy tɔ̱tɔ̱ cɔl i̱ kuth, kɛn nɛy tin ca ka̱m ruacdɛ.

Jɔ̱ɔ̱n 13:18

Ɣän /cä ruac kɛ kui̱dun yɛn diaal, ɣän ŋa̱cä nɛy tin cä mɛk. Duundɛ ɣöö bi ruaacni Kuɔth tëë ca gɔ̱r a thuɔ̱k mëë wee i̱, ‘Ram mi ci mi̱eth cam kɛ ɣä kɛɛl, cuɛ ɣä la̱t jiäk kɛ ka̱p ŋul cio̱kädɛ nhial kɛ kui̱dä.’

Jɔ̱ɔ̱n 13:2

Min nyuurkɛ guäth mi̱eth, kä ci gua̱n jiäkni ku thuŋ wä lɔɔc Ju-däth Ith-kɛ̈-ri-ɔt, gat Thay-mɔn, kɛ ɣöö bɛ Yecu kɔak.

Jɔ̱ɔ̱n 19:24

Cukɛ ruac kä rɔ̱ i̱, “/Cuar nɛ jɛ rɛt, yuɔrnɛ ni gaakni kä bɛ jɔɔc i̱ ɛ duŋ ŋa.” Mɛmɛ ɛ ɣöö bi ruac Kuɔth ëë ca gɔ̱r a thuɔ̱k i̱, “Cikɛn bieynikä da̱a̱k kamnikiɛn, kä cikɛ yor gaakni la̱t kɛ kui̱ lutädä.”

Jɔ̱ɔ̱n 19:28

Kɛ kɔr kä mɛmɛ, mëë ci Yecu ɛ ŋa̱c ɛn ɣöö ci ŋɔaani diaal ku thuuk, cuɛ mɛmɛ lat kɛ ɣöö bi ruacni Kuɔth tëë ca gɔ̱r a thuɔ̱k, cuɛ wee i̱, “Ci rɛw ɣä näk.”

2 Kor 8:16

A tɛ̈th lɔaac tekɛ Kuoth in ci nhök mi ce̱tkɛ min tekɛ ɣä la̱th lɔɔc Tay-täth.

Nyuuth 10:7

Kä ni̱n tɔ̱ bi jääk nhial in bärɔwdiɛn ɛ koth ni kaaŋ, bi ruac Kuɔth in cuäŋ naath a thuɔ̱k, ce̱tkɛ mëë cɛ la̱r ja̱a̱ŋkɛ ni göök.”

Nyuuth 15:1

Kä cua nyuuth dɔ̱diɛn mi di̱i̱t mi gääy naath nɛn nhial, tëëkɛ ja̱a̱k nhial da̱ŋ bärɔw kɛ rik da̱ŋ bärɔw, tin la rik tin jɔak, kä bi waŋ lɔaac Kuɔth thuuk kɛ kɛ.

Nyuuth 17:13

Kɛn cikɛ rɔ̱ mat kɛl, ka̱mkɛ lua̱ŋdiɛn kɛnɛ buɔ̱mdiɛn ley.

Nyuuth 19:9

Kä cu jääk nhial ɣä jiök i̱, “Gɔ̱r mɛmɛ. A puɔ̱th tekɛ nɛy tin ca cɔal guäth mi̱thni kuën Ruath Dɛ̈ɛ̈l.” Kä cuɛ ɣä jiök i̱, “Ti̱ti̱ kɛ rieet Kuɔth ti thuɔ̱ɔ̱k.”

Nyuuth 6:11

Kä ca ramɔ kä kɛ moc kɛ bi̱i̱ mi bo̱r, kä cua kɛ jiök kɛ ɣöö bikɛ lɔ̱ɔ̱ŋ kɛ gua̱a̱th mi bär kä tɔt, amäni mi wa̱a̱ pek ji̱ la̱t kɛ̈ɛ̈liɛn kɛnɛ dämanikiɛn näk kɛn diaal, ce̱tkɛ mëë cakɛ näk.