Nyuuth 16:9 - RUAC KUƆTH IN RƐL RƆ

⁹ Cu naath waaŋ kɛ leth mi di̱i̱t, kä cukɛ ciöt Kuɔth in tekɛ buɔ̱m wi̱i̱ rikni ti̱ti̱ kuëth. Kä /kenkɛ rɔ ri̱t dueeri kɛ ɣöö dëë jɛ ka̱m liak.

Nyuuth 16:9 Iomraidhean Croise

2 Kua̱r 6:33

Kä min ŋotdɛ kɛ ruac kɛ kɛ, cu jaak ben kä jɛ kä cu Kuäär wee, “Kɛn rik ti̱ti̱ bäkɛ kä Kuoth Nhial! Kuɛ la ŋu bä lɛ lip Kuoth Nhial ɔ?”

2 Kuɛ̈n 28:22

Kɛ jɛn gua̱a̱th in te kuäär ni A-ɣadh kɛ rik, cu gul tuɔ̱l ni thil ŋäthädɛ kɛ Kuoth Nhial.

I-ca-yaa 1:5

Ɛŋu go̱o̱ri duäc mi dɔ̱ŋ ɔ? Ɛŋu ciɛŋi ni kac raar ɔ? Kä wi̱cdu cɛ thia̱a̱ŋ kɛ buɔ̱ɔ̱t kɛɛliw, kä bɛc lɔcdu kɛɛliw.

I-ca-yaa 8:21

Kɛn bikɛ wi̱el muun kɛ da̱k mi di̱i̱t kɛnɛ buɔth, mi wä buɔthkɛ näk bikɛ cu gaak ba guic ni nhial, kä bikɛ kuääriɛn lam kɛnɛ Kuothdiɛn.

Bok Go̱kä ni Yir-mɛ-yaa 13:6

Kä kɛ kɔr ni̱ni ti ŋuan cu Kuoth Nhial ɣä jiök i̱, “Jiɛc rɔ, kä wër kä Yu-pɛ-ree-tidh, kä wër käni bi̱i̱ lɛtdä mëë cä la̱t ji̱ kɛ ɣöö bi jɛ wä tɛ̱̈ɛ̱̈ ɛn wi̱ni.”

Bok Go̱kä ni Yir-mɛ-yaa 5:3

Kä lö Kuoth Nhial, a /ci waŋdu ku guic ni thuɔ̱k? Cikɛ näk, kä /ka̱n bɛ̈cdɛ jek, cikɛ thum, kä cikɛ luek lo̱k. Cukɛ jak ni wi̱cdiɛn kä bum ce̱tnikɛ päm, cukɛ riet kɛ rɔ̱ lo̱k.

Yɛdh 24:13

Kä ŋotdɛ, mëë cä ɣɔ̱n i̱ lakä ji̱, kä leeru, ji̱n /keni rɔ luäŋ kɛ la̱k leerädu. Ji̱n /ci rɔɔdu bi nyɔk kɛ gɔɔy, amäni mi cä ŋɛ̈ɛ̈nydä jakä thuk kä ji̱.’

Luk 13:3

Ëëy, ɣän la̱rä jɛ yɛ, ɛ ni mi /cia rɔ̱ ri̱t dueerikun, bi yɛn diaal li̱w ce̱tkɛ kɛ.

Luk 13:5

Ëëy, ɣän la̱rä jɛ yɛ, ɛ ni mi /cia rɔ̱ ri̱t dueerikun, bi yɛn diaal li̱w ce̱tkɛ kɛ.”

2 Kor 12:21

Ɣän dualä ɛn ɣöö mi wa̱a̱ rɔ nyɔk kɛ ben, bi Kuothdä ɣä jakä po̱c nhiamdun, kä bä ben pa̱r kɛ ruɔ̱t kɛ kui̱ nɛɛni ti ŋuan tëë ci duer mëëdan, kä /ka̱n rɔ̱ ri̱t nyuɔɔni, kɛ ciaŋ leerä, kɛnɛ nyin po̱cä tin jiäk tin ci kɛn kɛ la̱t.

Jɔ-cua 7:19

Cu Jɔ-cua A-ka̱n ku jiök i̱, “Gatdä, luthni Kuoth Nhial ni Kuoth ji̱ I-thɛ-rɛl, kä lat thuɔ̱k lɔaacdu, kä moc Kuoth liak. Lar min ci lɛl täämɛ. /Cu jɛ bi tɛ̱̈ɛ̱̈ kɛ ɣä.”

Nyuuth 11:13

Kä ɛn guäth ɛmɔ cuɛ tekɛ lath piɛny mi di̱i̱t, kä cu kui̱c wec in wäliɛn tɛɛth. Cu nɛy ti bathdɔɔri da̱ŋ bärɔw näk ɛ lath piɛny, kä cu duɔth nath dual ɛlɔ̱ŋ, kä cukɛ Kuoth puɔ̱ɔ̱rä liak.

Nyuuth 14:7

Kä cuɛ jɛ lat kɛ jɔw mi di̱i̱t i̱, “Luɔ̱thɛ Kuoth kä puanyɛ jɛ, kɛ ɣöö ci gua̱a̱th luɔ̱kdɛ cop. Kä palɛ jɛ ɛn ram min ci nhial kɛnɛ piny cak, kɛ bar kɛnɛ löli pi̱i̱ni.”

Nyuuth 16:21

Kä cuɛ tekɛ nhiaal guiyni ti di̱t ti ce̱t thiakdiɛn kɛ ki̱lu gɛrɛ̈mni ti jiɛn dhieec, cukɛ pɛn kä naath, amäni mëë wäkɛ Kuoth kuëth kɛ kui̱ rikä nhiaal guiyni, kɛ ɣöö ɛ riɛk guiyni mi jiääk.

Nyuuth 2:21

Ɣän cä jɛ moc gua̱a̱th kɛ ɣöö bɛ rɔ ri̱t kä jiäkɛ, kä duundɛ ɣöö lo̱kɛ riet kɛ rɔ kä leerɛ.

Nyuuth 9:20

Kä duɔth nath, tin /ka̱n näk ɛ rik ti̱ti̱, /ka̱n rɔ ri̱t kä lät tetnikiɛn tin jiäk. Kä /ka̱n pal yieeni ti jiäk kɛnɛ kuth tin ca la̱t kɛ da̱a̱p, kɛ ciɛk in bo̱r, kɛ ciɛk in yian, kɛnɛ päm, kɛ jiɛn, tin /ci dee guic, kiɛ li̱eŋ, kiɛ ja̱l päl.