Nyuuth 16:6 - RUAC KUƆTH IN RƐL RƆ

⁶ Kɛ ɣöö ci naath riɛm nɛɛni ti ci Kuoth kɛ lɛy kɛnɛ göök wuɔ̱th piny, cikɛ moc riɛm mi ba math. Ɛ jɛn min ro̱ŋ kɛ kɛ!”

Nyuuth 16:6 Iomraidhean Croise

2 Kua̱r 24:4

kɛ kui̱ riɛm ëë cɛ wuɔ̱th piny baaŋ. Kä cɛ Jɛ-ru-tha-lɛm thiäŋ kɛ riɛm baaŋ, kä /ci Kuoth Nhial jɛ bi pälikä.

Ɣöth 21:24

kɛ waŋ kɛ waŋ, kɛ le̱y kɛ le̱y, kɛ tet kɛ tet, cio̱o̱k kɛ cio̱o̱k,

Ɣöth 7:17

Täämɛ, biɛ ŋa̱c i̱ ɛ ɣän Kuoth Nhial kɛ nɛmɛ, nɛn ɛ, ɣän bä pi̱ tɔ̱ te kiir tɔ̱ yɔ̱t kɛ kɛɛt ɛ te te̱tädä mi, kä bi pi̱ rɔ̱ looc ni riɛm.

I-ca-yaa 49:26

Ɣän bä nɛy tin ciaŋkɛ yɛ ɛ jiäk jak kä camkɛ ni ri̱ŋdiɛn, kä bikɛ math ni riɛmdiɛn ce̱tnikɛ kɔaŋ. Kä ba jɛ cu ŋa̱c ɛ nɛy diaal ɛn ɣöö ɛ ɣän Kuoth Nhial min la Käändu, min la Lueelu ni Kuoth Je-kɔb.”

Bok Go̱kä ni Yir-mɛ-yaa 2:30

Ɣän cä gaatkun näk, kä thilɛ mi cɛ lot kä yɛ, kä cuarɛ göökun näk nikɛ thɛpnikun ce̱tnikɛ lony mi näk buɔthɛ.

Bok Go̱kä ni Yir-mɛ-yaa 26:11

Kä cu bööth palä kɛnɛ go̱o̱k ruac kɛ ruëëc kɛnɛ nɛy diaal wä kɛ i̱, “Wut ɛmɛ ro̱ŋɛ nikɛ lia̱a̱, kɛ ɣöö cɛ ruac go̱o̱kä lat kɛ kui̱ wec ɛmɛ ce̱tnikɛ min ci yɛn ɛ liŋ nikɛ ji̱thkun.”

Bok Go̱kä ni Yir-mɛ-yaa 26:16

Kä cu ruëëc kɛnɛ nɛy diaal, bööth palä kɛnɛ go̱o̱k jiök i̱, “Ɛn wut ɛmɛ /cɛ ro̱ŋ kɛ lia̱a̱, kɛ ɣöö ruacɛ kɛ kɔn kɛ ciöt Kuɔth Nhial min la Kuothdan.”

Jiɛth 4:13

Ɛn nɛmɛ bëë kɛ kui̱ dui̱rä gööknikɛ, kɛnɛ bööth palädɛ, tëë wuɔ̱thkɛ riɛm nɛɛni ti thil ŋu piny rɛydɛ.

Yɛdh 32:6

Ɣän bä mun luäny kɛ riɛmdu min bi lo̱ny amäni wuɔ̱th päämni, kä bi yiër diaal thia̱a̱ŋ kɛ riɛmdu.

Mɛ̈t 7:2

Kɛ ɣöö ba yɛ luk kɛ duɔ̱ɔ̱p in luk yɛnɛ naath, kä ba yɛ kum kɛ ŋut in kum yɛnɛ nɛy kɔ̱kiɛn.

Luk 12:48

Kä läät mi kui̱c min göör kuäärɛ jɛ, kä cɛ jiäk ti ro̱ŋ kɛ duäcdɛ la̱t, bɛ duäc mi tɔt jek. Ram mi wa ka̱m mi di̱i̱t, ba mi di̱i̱t go̱r kä jɛ, kä ram mi wa ti nyin ŋuan kuëŋ tetädɛ, ba ti ŋuan ni kɛn go̱r kä jɛ bä.”

Ji̱ Ɣi-bɛ-ru 10:29

Kuɛ tɔ̱a̱ŋ mi jiääk mi te di ɛnɔ caarɛ mɔ i̱ ba jek ɛ nɛy tin /ca Gat Kuɔth luth, kä guɛckɛ riɛm matdä ruac ëë ca lɛy ni kɛ ce̱tkɛ mi /ciɛ mi gɔaa, kä kueth Yiëë nho̱kä Kuɔth?

Nyuuth 11:18

Cu döör ŋɛ̈ny, kä cu waŋ lɔaacdu ben, gua̱a̱th in ba luk ni nɛy tin ci li̱w. Kä ci gua̱a̱th ben min bi col ni ja̱a̱ŋku ni göök, nɛy tin ci lɛy, kɛ nɛy diaal tin luɔ̱thkɛ ciötdu, nɛy tin tiɛtni kɛnɛ nɛy tin di̱t, kä cu gua̱a̱th ben min ba däk ni nɛy tin ca ɣɔw däk.”

Nyuuth 13:10

“Mi ba raan naŋ ala pɛ̈c, bɛ wä ala pɛ̈c. Kä ram mi näk raan kɛ thɛp, ba jɛ dhil näk kɛ thɛp.” Mɛmɛ ɛ jɛn ciöt kɛ kui̱ rutdä kɛnɛ ŋa̱th nɛɛni tin ci Kuoth kɛ lɛy.

Nyuuth 13:15

Kä cua jɛ pa̱l ɣöö bɛ puɔ̱ny in ce̱tkɛ ley ŋök yiëë, kɛ ɣöö dee puɔ̱ny cu ruac, kɛ ɣöö bɛ nɛy tin lökɛ pal pua̱a̱ny in ce̱tkɛ ley näk.

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 18:24

Kä ca jek ni riɛm göökni kɛnɛ nɛy tin ci Kuoth kɛ lɛy rɛydɛ, kɛn nɛy diaal tëë ca ŋuɔ̱t wi̱i̱ muɔ̱ɔ̱n.”

Nyuuth 19:2

kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”