Nyuuth 16:4 - RUAC KUƆTH IN RƐL RƆ

⁴ Cu jääk nhial in diɔ̱ɔ̱kdiɛn min te rɛy thaakdɛ wä wuɔc rɛy kiɛri kɛnɛ löli pi̱i̱ni, kä cukɛ rɔ̱ loc ala riɛm.

Nyuuth 16:4 Iomraidhean Croise

Diit 78:44

Cuɛ yiër ji̱ I-jëp pi̱kiɛn locni riɛm, kɛ ɣöö /cikɛ pi̱kiɛn bi maath.

Ɣöth 8:5

Ɛ jɛn, cu Kuoth Nhial Muthɛ ku jiök i̱, “Jio̱kni Ä-ron i̱, ‘Riny tetdu min tekɛ kɛɛt wuɔ̱thni yiëri kɛnɛ wuɔ̱th liɛli kɛ wuɔ̱th puɔ̱li, bɛ guëëk jak kä bëë raar wi̱i̱ muɔ̱ɔ̱n I-jëp.’ ”

I-ca-yaa 50:2

Ɛŋu thilɛ raan ɔ mëë ba̱kɛ? Kä ɛŋu thilɛ ram mi loc ɣä mɔ mëë cä ciöt? Ɛ ku tetdä ciak a /cä yɛ dëë luɛl? Kiɛ thilɛ ɣä buɔ̱m mi dëë luäk ni yɛ? Kä nɛnɛ cua̱ bar ko̱t kɛ riet, kä cua̱ kiɛr jak kä dɔr rɛ̈w, cu rɛckiɛn ŋuɔ̱th kɛ thil pi̱i̱ni, kä cu rɛwkɛ cu näk.

Yɛdh 35:8

Kä bä päämkɛ thiäŋ kɛ nɛy ti ca näk. Kä wuɔ̱th päämniku, kɛnɛ rɛy löliku, kɛ rɛy yiëriku bi nɛy tin ca näk ko̱o̱r tɛth thi̱n.

Ɣocä 13:15

“A cäŋ bi piith I-thɛ-rɛl ce̱tkɛ wal, bi jiɔam Kuoth Nhial ben, jiɔam känyä ca̱ŋ, putdɛ bëë därdɔaar. Bi yiërku kɛnɛ puɔ̱lku kööt, kä bɛ gɔy riäŋädu diaal naŋ.

Nyuuth 11:6

Tekɛ kɛ lua̱ŋ kɛ ɣöö ba pua̱a̱r gäk, kɛ ɣöö /ci nhiaal bi dɛ̈m kɛ ni̱n tin lat kɛn ɛ ruac Kuɔth, kä tekɛ kɛ lua̱ŋ kɛ ɣöö dëë pi̱ loc ni riɛm, kɛnɛ ɣöö dëë wi̱c muɔ̱ɔ̱n duäc kɛ rik diaal, ce̱tkɛ gua̱a̱th in go̱o̱r kɛn ɛ.

Nyuuth 14:7

Kä cuɛ jɛ lat kɛ jɔw mi di̱i̱t i̱, “Luɔ̱thɛ Kuoth kä puanyɛ jɛ, kɛ ɣöö ci gua̱a̱th luɔ̱kdɛ cop. Kä palɛ jɛ ɛn ram min ci nhial kɛnɛ piny cak, kɛ bar kɛnɛ löli pi̱i̱ni.”

Nyuuth 16:5

Kä cua jääk pi̱i̱ni liŋ wëë i̱, “Luɔ̱ɔ̱ku tin ci la̱t kɛ cuŋ, lö Kɛl in Rɛl Gɔɔydɛ Rɔ, ji̱n min te thi̱n kä ci dɔŋ te thi̱n.