Nyuuth 16:13 - RUAC KUƆTH IN RƐL RƆ

¹³ Kä cua yiey da̱ŋ diɔ̱k ti jiäk ti ce̱tkɛ guëëk nɛn bäkɛ raar thok nyaŋ in di̱i̱t kɛnɛ thok lɛ̱̈ɛ̱̈, kɛ thok go̱kä mi gua̱n kacä.

Nyuuth 16:13 Iomraidhean Croise

Diit 105:30

Kä cu wecdiɛn thia̱ŋ kɛ guëëk, cu mäni duël kua̱rikiɛn.

Diit 78:45

Kä cuɛ rɛydiɛn jäk kä luaŋ mi di̱i̱t mi cukɛ cam, kä cuɛ kɛ jäk kä guëëk ti cukɛ däk.

Mɛ̈t 7:15

“Niɛkɛ rɔ̱ kɛ göök ti guäy, tin bëë kä yɛ a ca rɔ̱ moc kɛ tuac rɔɔmä, kä ce̱t rɛydiɛn kɛ jio̱o̱k nyapëc ti näk buɔth kɛ.

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.

Nyuuth 18:2

Kä cuɛ ciöt kɛ jɔw mi bum, wëë i̱, “Cɛ pɛ̈ɛ̈n, cɛ pɛ̈ɛ̈n, ɛn Bɛ̈-bi-lɔn in di̱i̱t! Cɛ la ni gua̱a̱th cieŋä kuthni ti jiäk, ɛ gua̱a̱th cieŋä din ti jiäk, kä ɛ gua̱a̱th leeyni diaal tin jiäk.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.