Nyuuth 16:12 - RUAC KUƆTH IN RƐL RƆ

¹² Cu jääk nhial in bäkɛliɛn min te rɛy thaakdɛ wuɔc kiir Yu-pɛ-ree-tidh in di̱i̱t, kä cuɛ do̱n, kɛ ɣöö ba duɔ̱ɔ̱p rialikä kɛ kui̱ kua̱ri tin bëë kä käny ca̱ŋ.

Nyuuth 16:12 Iomraidhean Croise

I-ca-yaa 11:15

Bi Kuoth Nhial pi̱ baar I-jëp jak kä kööt, kä bɛ tetdɛ yi̱th wi̱i̱ Kiɛɛr Yu-pɛ-ree-tidh, kɛ jiɔam mi leth, kä bɛ jɛ dääk kä löli da̱ŋ bärɔw, kɛ ɣöö bi naath jɛ ŋok ko̱o̱tdä.

I-ca-yaa 41:25

Cä raan jak kä bëë kui̱c caam, ram mi bä kui̱ känyä ca̱ŋ mi bi ɣä cɔl kɛ ciötdä, bɛ ja̱l wi̱i̱ kua̱ri ce̱tkɛ mi jäälɛ ni tuäk, ce̱tkɛ min la tääth muɔ̱ɔ̱n mun a dɔny.

I-ca-yaa 42:15

Ɣän bä pääm thia̱a̱y, kä bä juaackiɛn diaal ko̱t, kä bä kiɛr loc ala dhuɔ̱li, kä bä puɔ̱l diaal ko̱t.

I-ca-yaa 44:27

ɛ ɣän jio̱k yier ɔ i̱, ‘Köötni, ɣän bä kiɛrku jak kä kööt,’

I-ca-yaa 46:11

Ɣän bä raan cɔl kui̱ känyä ca̱ŋ, ram mi bi ben ni muun mi nɔ̱a̱n, kɛ ɣöö bɛ cärkä ben la̱t. Ɛn min cä lat, bä jɛ jak kä tuɔɔk, min cä car, bä la̱t ni jɛ.

I-ca-yaa 8:7

kɛ kui̱c ɛmɔ ɣän Kuäär ni Kuoth, bäkɛ jak kä makɛ ɛ kuäär A-thi-ri-ya kɛnɛ rɛmdɛ. Bikɛ Juda ban ce̱tnikɛ pi̱w nyɔac ti bä raar Kiir Yu-pɛ-ree-tidh, ti thia̱ŋkɛ lölikɛ diaal.

Bok Go̱kä ni Yir-mɛ-yaa 51:36

Kä ɛnɔ cu Kuoth Nhial mɛmɛ laar wëë i̱, “Nɛ̈nɛ, ɣän bä yɛ ɣɔr kä riɛkdun, kä bä yɛ cuɔl riɛkdun. Kɛ ɣöö ɣän bä yierɛ jakä do̱n, kä bä lölikɛ jak kä kööt.

Nyuuth 11:14

Ci riɛk in rɛwdɛ thuuk. Kä bi riɛk in diɔ̱ɔ̱kdiɛn ben kɛ pɛ̈th.

Nyuuth 17:15

Kä cu jääk nhial ɣä jiök i̱, “Pi̱ tin ci nɛn, guäth in nyuur ler thi̱n, kɛ bua̱n nɛɛni ti ŋuan, kɛnɛ döör kɛ thuk ti gööl.

Nyuuth 7:2

Kä cua jääk nhial dɔ̱diɛn nɛn wëë nhial kä käny ca̱ŋ, kä tëëkɛ thääny Kuɔth in tëk. Kä cuɛ ja̱a̱k nhial da̱ŋ ŋuan tin ca ka̱m buɔ̱m kɛ ɣöö ba wi̱c muɔ̱ɔ̱n kɛnɛ bar däk cɔl kɛ jɔw mi di̱i̱t.

Nyuuth 9:14

jio̱kɛ jääk nhial in bäkɛliɛn in tekɛ kaaŋ i̱, “Lony ja̱a̱k da̱ŋ ŋuan tin ca yiɛn kiir Yu-pɛ-ree-tidh.”