Nyuuth 16:1 - RUAC KUƆTH IN RƐL RƆ

¹ Kä cua jɔw mi di̱i̱t liŋ rɛy luaak Kuɔth, jio̱kɛ ja̱a̱k nhial da̱ŋ bärɔw i̱, “Wiaa, wuɔcɛ thääk waŋä lɔaac Kuɔth da̱ŋ bärɔw wi̱i̱ muɔ̱ɔ̱n.”

Nyuuth 16:1 Iomraidhean Croise

Diit 79:6

Ɛ ŋɛ̈ɛ̈nydu wä kä döör tin kueckɛ ji̱, kɛnɛ kuääri tin /ca ji̱ pal.

Bok Go̱kä ni Yir-mɛ-yaa 10:25

Wucni gakdu döör tin /ca ji̱ ŋäc, kɛnɛ nɛy tin /ca cɔl kɛ ciötdu. Kɛ ɣöö ca dhɔr Je-kɔb däk, cikɛ jɛ da̱k ni piny kɛɛliwdɛ, kä ca ji̱kɛ riaw kä dɔɔr.

Yɛdh 10:2

Kä cu Kuoth Nhial ruac kɛ wut in ciɛŋ bi̱i̱ in ca tak agɔaa wëë i̱ “Wër cothni kɛ kam wi̱el wi̱eeli tin te piny leyni tin tekɛ gɔ̱k. Kä wër thiäŋ tetku kɛ mac miim in pɛt kamni leyni tin tekɛ gɔ̱k, kä ku mim tin pɛt kiɛth rɛy wec kɛɛliw.” Kä cuɛ coth rɛc min ta̱a̱ gui̱c.

Yɛdh 22:31

Kɛ kui̱ ɛmɔ ɣän cua̱ ŋɛ̈ɛ̈nydä cu wuɔ̱ckɛ. Cua̱kɛ cu näk kɛ waŋ lɔaacdä, cua lätkiɛn la̱th ni wi̱i̱diɛn ruac ni ɣän Kuäär ni Kuoth Nhial.”

Dhɛp 3:8

Kä cu Kuoth Nhial wee i̱, “Kɛ kui̱c ɛmɔ lipä kɛ cäŋ in wa̱a̱ rɔ wä jiɛc ala neen. Kɛ ɣöö ruacdä ɛ ɣöö bä döör ma̱a̱t, kä bä kuääri dol, kä bä waŋ lɔaacdä wuɔ̱ckɛ, kɛ waŋ lɔaacdä bä wi̱c muɔ̱ɔ̱n thuk kɛɛliw.

Nyuuth 11:19

Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 14:15

Kä cu jääk Kuɔth nhial dɔ̱diɛn ben raar luaak Kuɔth, cɔɔlɛ ram in nyuur wi̱i̱ puɔ̱rä kɛ jɔw mi di̱i̱t i̱, “Käni carcaaru, kä ŋeri kɛ ɣöö ci gua̱a̱th ŋër cop, kɛ ɣöö ci nyin wec muɔ̱ɔ̱n ciɛk.”

Nyuuth 14:18

Kä cu jääk nhial dɔ̱diɛn ben raar wi̱i̱ yi̱kä, ɛ jɛn jääk in tekɛ lua̱ŋ kɛ mac, kä cuɛ ram in tekɛ carcaar mi moth cɔl kɛ jɔw mi di̱i̱t i̱, “Käni carcaaru kä dol dɛy buɔ̱cni wec muɔ̱ɔ̱n, kɛ ɣöö ci dɛykiɛn lɔɔr.”

Nyuuth 15:1

Kä cua nyuuth dɔ̱diɛn mi di̱i̱t mi gääy naath nɛn nhial, tëëkɛ ja̱a̱k nhial da̱ŋ bärɔw kɛ rik da̱ŋ bärɔw, tin la rik tin jɔak, kä bi waŋ lɔaac Kuɔth thuuk kɛ kɛ.

Nyuuth 16:17

Cu jääk nhial in bärɔwdiɛn min te rɛy thaakdɛ wuɔc rɛy jiɔam, kä cu jɔw mi di̱i̱t ben raar luaak Kuɔth bëë kɔam kuäärä, wëë i̱, “Ca jɛ la̱t!”

1 Tham 15:18

Kä cɛ ji̱ ja̱k i̱, ‘Wër däk nɛy tɔ̱ ji̱ dueeri tɔ̱tɔ̱, ji̱ Ä-ma-lek, wër nyieenyni kɛ kɛ amäni mi cikɛ thuk.’

1 Tham 15:3

Wër ɛn täämɛ wër näk ji̱ Ä-ma-lek, näk tin diaal tin tekɛ kɛ. Cu duɔ̱ɔ̱r päl thi̱n, näk wutni diaal kɛ män, kɛ gaat, ɣɔ̱k, kɛ muɔ̱li kɛ det kɛ thɔ̱a̱rɔa̱a̱li.’ ”