Nyuuth 15:4 - RUAC KUƆTH IN RƐL RƆ

⁴ Ɛŋa mi /ci bi dual kɛ ji̱, kä /ci ciötdu bi puany, lö Kuäär ni Kuoth? Kɛ ɣöö ɛ ji̱n kärɔa rɛl gɔɔydu rɔ mɔ. Döör diaal bikɛ ben, kä bikɛ ben pal nhiamdu, kɛ ɣöö luɔ̱ɔ̱ku ca kɛ nyoth.”

Nyuuth 15:4 Iomraidhean Croise

Diit 105:7

Jɛn Kuoth Nhial ni Kuothdan lukdɛ tëë wi̱i̱ muɔ̱ɔ̱n kɛɛliw.

Diit 111:9

Kä jɛn cɛ nɛɛkɛ lonyɛ lɔr, kä cɛ mat ruacdɛ jak kä do̱raar. Kä ciötdɛ rɛl gɔɔydɛ rɔ kä luɔ̱thkɛ jɛ.

Diit 22:23

Kä yɛn nɛy tin luɔ̱thkɛ Kuoth Nhial puanyɛ jɛ! Kä liakɛ jɛ lö gaat Je-kɔb! Kä palɛ jɛ lö gaat I-thɛ-rɛl!

Diit 22:27

Bi pëk ɣɔaa diaal ɛ tim kä bikɛ rɔ̱ ri̱et Kuoth Nhial. Kä bi thuk duëli dööri diaal ben pal nhiamdɛ.

Diit 22:3

Kä ŋotdi rɛl gɔɔydu rɔ, kä liakɛ ni ji̱ ɛ ji̱ I-thɛ-rɛl.

Diit 86:9

Kä bi döör diaal tin ci cak ben pal nhiamdu lö Kuäär, kä bikɛ ciötdu puany.

Diit 89:7

Ɛn Kuoth Nhial luɔ̱thkɛ ni jɛ, ɛ buɔ̱n nɛɛni tin gɔw, luɔ̱thkɛ ni jɛ ɛlɔ̱ŋ kä tin diaal tin te gekädɛ?

Diit 97:8

Kä mëë ci ji̱ Dha-yɔn ɛ liŋ cu lo̱ckiɛn tɛth, kä cu lo̱c wi̱i̱ni Juda tɛth kɛ kui̱ luɔ̱kdu lö Kuoth Nhial.

Diit 99:5

Liakɛ Kuoth Nhial ni Kuothdan. Pal ɛ jɛ luaakdɛ kɔm ciöknikɛ jɛn rɛl gɔɔydɛ rɔ!

Diit 99:9

Liakɛ Kuoth Nhial ni Kuothdan, kä palɛ jɛ wi̱i̱ pa̱a̱mdɛ min rɛl gɔɔydɛ rɔ̱, kɛ ɣöö Kuoth Nhial ni Kuothdan rɛl gɔɔydɛ rɔ.

I-ca-yaa 24:15

Kɛ kui̱c ɛmɔ yɛn ji̱ kuec känyä ca̱ŋ liakɛ Kuoth Nhial, kä yɛn nɛy tin cieŋ dhuulä yiëër, puanyɛ ciöt Kuoth Nhial ni Kuoth I-thɛ-rɛl.

I-ca-yaa 25:3

Kɛ kui̱c ɛmɔ ba ji̱ liak ɛ nɛy ti buɔ̱m buɔ̱m, kä bi wi̱i̱ nɛɛni ti thil pälikä dual kɛ ji̱.

I-ca-yaa 26:9

Go̱o̱r ti̱eydä ta̱a̱ kɛ̈ɛ̈l kɛ ji̱ kɛ wäär, kä go̱o̱r yiëëdä ji̱ kɛ thuɔ̱k. Mi wä lukdu wä ben wi̱i̱ muɔ̱ɔ̱n, bi ji̱ muɔ̱ɔ̱n ciaaŋ cuŋni ŋa̱c.

I-ca-yaa 45:23

Ɣän puɔ̱nydä cä rɔ yac, ɣän cä ruac mi thuɔ̱k lat, ruac mi /cä bi nyɔk i̱, “Bi mua̱a̱l diaal rɔ̱ goŋ nhiamdä, kä bi lëëp diaal rɔ̱ yac.”

I-ca-yaa 57:15

Kä cu Kuoth in te nhial min rɛl rɔ, min tëk a thil pek, min rɛl ciötdɛ rɔ wëë i̱, “Ɣän ciëŋä nhial guäth mi rɛl rɔ, kä ciëŋä bä kɛɛl kɛ nɛy tin jiɛth lo̱ckiɛn kä kɔ̱c, kä muɔɔcä nɛy tin kɔ̱c kɛ tëk, kä lua̱kä nɛy tin jiɛth lo̱ckiɛn.

I-ca-yaa 6:3

Kä cɔalkɛ rɔ̱ wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ ɛ Kuoth Nhial in la Ruey Ɣɔaa, ci wi̱c muɔ̱ɔ̱n thia̱a̱ŋ kɛ buaydɛ.”

I-ca-yaa 60:5

Mi wi̱i̱kɛ wä nɛn bi lɔcdu buay, bi tekɛ tɛ̈th lɔaac mi di̱i̱t, kɛ ɣöö ba ria̱ŋ nɛɛni tin te kui̱ yiëër nöŋ ji̱, ɛn ria̱ŋ dööri bɛ ben kä ji̱.

Bok Go̱kä ni Yir-mɛ-yaa 10:7

Kä ɛŋa mi /ci ji̱ bi luɔ̱th, lö Kuäär dööri? Kä ro̱ŋ ni ji̱n kɛ luth rɛy nɛɛni diaal tin pɛl pɛɛl kä döör, kä rɛy kuäärädiɛn thilɛ ram mi cäät kɛ ji̱.

Bok Go̱kä ni Yir-mɛ-yaa 16:19

Kä lö Kuoth Nhial, ɛ ji̱n buɔ̱mdä kä ɛ ji̱n gääŋdä, kä la luäki ɣä kɛ gua̱a̱th rikädä, kä bi döör diaal ben kä ji̱ ni peek ɣɔaa kä bi kɛ wee i̱, “Gua̱nikɔ thilɛ mi tekɛ kɛ ɛ ni kuth jiɛn, kuth ti thil luɔt, kä thilɛ mi jëkɛ kä kɛ.

Bok Go̱kä ni Yir-mɛ-yaa 5:22

A /cia ɣä bi ku luɔ̱th? Kä /cia bi dual kɛ nhiamdä? Kä cä liɛt jak kä pek yiëër, ɛ pöm mi /ci pi̱w jɛ dee bäl. A cäŋ ni min la muaŋ a bä, /cɛ jɛ dee met bäl.

Ɣocä 3:5

Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.

Bok Go̱kä ni Ɣä-bɛ̈-kuk 1:12

Kä ciɛ ji̱n ɛn nëë te thi̱n ni wal inu lö Kuoth Nhial, ni Kuothdä min Rɛl Gɔɔydɛ rɔ? A kɔ /cakɔ li̱w. Kä lö Kuoth Nhial, ci ji̱ Bɛ̈-bi-lɔn kuany kɛ ɣöö ba naath kuk. Kä cikɛ mɛk kɛ ɣöö /ba naath duäc, lö Päm teekä.

Dhɛk 14:16

Kä nɛy diaal tɔ̱ bi tëk tɔ̱ kä döör diaal tin ci ben nyiëëny kɛ ji̱ Jɛ-ru-tha-lɛm tɔ̱, run kä run bɛ Kuäär ni Kuoth Nhial in la Ruey Ɣɔaa ben a palɛ, kä ba ŋar ti̱mä luaak Kuɔth a ŋarkɛ.

Dhɛk 2:11

Kä ɛn cäŋ ɛmɔ, bi döör ti ŋuan ben kä Kuoth Nhial, kä bi kɛna nɛɛkɛ. Kä bɛ cieŋ rɛydun, kä bia cu ŋa̱c ɛn ɣöö ɛ jɛn jäk ɣä kä yɛ mɔ.

Mɛ̈l 1:11

Kä bi ciötdä di̱t rɛy dööri, a känɛ kä käny ca̱ŋ a wä nikä kony ca̱ŋ. Kä ba wal tin kuɔ̱r kuɔ̱ɔ̱r kɛnɛ muc ti kök köök nööŋ kɛ kui̱dä gua̱thni diaal. Kɛ ɣöö di̱t ciötdä rɛy dööri.

Ji̱ Röm 15:9

Kä dee Jur Kuoth puany kɛ kui̱ kɔ̱cä lɔaacdɛ. Ce̱tkɛ min ca gɔ̱r i̱, “Kɛ kui̱c ɛmɔ bä ji̱ liak rɛy Juri, kä bä ciötdu puany kɛ diit.”

1 Pit 1:16

Kä ca jɛ gɔ̱r rɛy buɔk i̱, “A gɔɔydun rɔ rɛl kɛ ɣöö rɛl gɔɔydä rɔ.”

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 14:7

Kä cuɛ jɛ lat kɛ jɔw mi di̱i̱t i̱, “Luɔ̱thɛ Kuoth kä puanyɛ jɛ, kɛ ɣöö ci gua̱a̱th luɔ̱kdɛ cop. Kä palɛ jɛ ɛn ram min ci nhial kɛnɛ piny cak, kɛ bar kɛnɛ löli pi̱i̱ni.”

Nyuuth 16:5

Kä cua jääk pi̱i̱ni liŋ wëë i̱, “Luɔ̱ɔ̱ku tin ci la̱t kɛ cuŋ, lö Kɛl in Rɛl Gɔɔydɛ Rɔ, ji̱n min te thi̱n kä ci dɔŋ te thi̱n.

Nyuuth 16:7

Kä cua jɔw liŋ wi̱i̱ yi̱kä wëë i̱, “Ɣɔ̱ɔ̱n, Kuäär ni Kuoth, in Leny Buɔ̱mdu ti Diaal. Luɔ̱ɔ̱ku kɛ thuɔ̱ɔ̱k kä kɛ cuŋ!”

Nyuuth 19:2

kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”

Nyuuth 19:8

Ca jɛ nhök ɣöö bɛ rɔ rony kɛ bieyni ti ca tak agɔaa ti bo̱o̱r,” kɛ ɣöö bieyni tin ca tak agɔaa kɛ lät cuŋni nɛɛni tin ci Kuoth kɛ lɛy.

Nyuuth 3:7

“Kä gɔ̱ri nɛmɛ jääk nhial in te dueel Kuɔth kä Pi-la-dɛl-pia i̱, ‘Ti̱ti̱ kɛ rieet raam in rɛl gɔɔydɛ rɔ, jɛn min la thuɔ̱k, kä tekɛ leep Dee-bid, mi lɛpɛ duɔ̱ɔ̱r thilɛ ram mi gääk jɛ, kä mi gääkɛ duɔ̱ɔ̱r thilɛ ram mi lɛp jɛ.

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”

Nyuuth 6:10

Cukɛ wak kɛ jɔw mi di̱i̱t i̱, “Kuoth in Leny Buɔ̱mdɛ ti Diaal Kuäär ni Kuoth, min rɛl gɔɔydu rɔ, kä thuɔ̱k, ɛ gua̱a̱th mi ni̱n di ɛn nin bi luk ni ji̱ wec muɔ̱ɔ̱n, kä bi col ni riɛmda kä kɛ mɔ?”

1 Tham 2:2

“Thilɛ mi päär gɔɔydɛ kɛ Kuoth Nhial, thilɛ mi päär kɛ ji̱. Kä thilɛ gääŋ mi päär kɛ Kuothda.