Nyuuth 15:3 - RUAC KUƆTH IN RƐL RƆ

³ Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!

Nyuuth 15:3 Iomraidhean Croise

Tuk Cäkä Ɣɔaa 17:1

Mëë ci Ab-ram tekɛ run ti jiɛn bäŋuan wi̱cdiɛn bäŋuan, cu Kuoth Nhial rɔ nyuɔ̱th jɛ kä cuɛ jɛ jiök i̱, “Ɛ ɣän Kuoth in le̱ny buɔ̱mdɛ ti diaal. Liŋ ruaacnikä kä lätni ni min la thuɔ̱k.

1 Kuɛ̈n 6:49

Duundɛ ɣöö cua Ä-ron kɛnɛ gaatkɛ la muc a thop wi̱i̱ yi̱kä min la waŋkɛ muc thi̱n, kɛnɛ wi̱c yi̱kä min la waŋkɛ wal thi̱n kɛ tin diaal tin la̱tkɛ gua̱th in di̱t ni gɔɔydɛ, kɛ luel ji̱ I-thɛ-rɛl, ce̱tnikɛ tëë diaal tëë ci Muthɛ ja̱ŋ Kuɔth kɛ lat.

2 Kuɛ̈n 24:6

Kä cu kuäär bo̱o̱th palä min di̱i̱t ni Yɛ-ɣo-ya-da cɔl, kä cuɛ jiök i̱, “Ɛŋu /ci ruac kɛ ji̱ Lii-bay ɔ, kɛ ɣöö dëë tho̱lbo̱k ëë ci Muthɛ ja̱ŋ Kuɔth Nhial ɛ thiec kä ji̱ I-thɛ-rɛl rɛl wä thol ɔ kä Juda kɛnɛ Jɛ-ru-tha-lɛm, kɛ kui̱ luaak Kuɔth ɔ?”

Nɛ-ɣɛm-yaa 9:14

Kä cikɛ jak kä ŋa̱ckɛ cäŋ lɔ̱ŋädu min rɛl rɔ, kä cikɛ la̱t luëëku kɛnɛ ciɛŋku kɛ ŋuɔ̱tku kɛ ja̱ŋdu ni Muthɛ.

I-yob 36:24

“Kä timɛ ɛn ɣöö bi lätkɛ la̱t tëë puanykɛ ni jɛ ɛ naath kɛ dit.

I-yob 5:9

Jɛn la lätdɛ ti ga̱ykɛ naath ti /ca luɔtdiɛn ŋäc, ti ŋuan ti /ca dëë luäŋ kɛ kuën.

Diit 100:5

Kɛ ɣöö Kuoth Nhial gɔaa ɛ, kä nhökdɛ min thil pek tëë thi̱n ala do̱raar, kä ŋa̱thdɛ tëë thi̱n ri̱cni diaal.

Diit 105:5

Kä tiɛmɛ lätkɛ tin ga̱ykɛ naath tëë cɛ la̱t, lätkɛ tin ga̱ykɛ naath kɛnɛ ŋukdɛ kɛ luk,

Diit 111:2

Kä lät Kuɔth Nhial di̱tkɛ ɛlɔ̱ŋ, kä görkɛ ŋäcdiɛn ɛ nɛy tin nhɔakɛ kɛ.

Diit 111:7

Kä lätkɛ diaal kɛ thuɔ̱ɔ̱k kɛnɛ cuŋ, kä ŋuɔ̱tkɛ diaal tekɛ kɛ luth.

Diit 139:14

Ɣän liakä ji̱ kɛ ɣöö ci ɣä cak ɛla mi gääy naath kä yi̱i̱c wi̱c nath. Kä lätku kɛ ti ga̱ykɛ naath. Kä ŋa̱cä kɛ agɔaa.

Diit 145:17

Kä Kuoth Nhial lätkɛ diaal kɛ cuŋ, kä gɔaaɛ kɛ tin diaal tin cɛ la̱t.

Diit 145:6

Bi naath lätku tin ci la̱t tin bum lat, ɣän bä jɛ lat ɛn ɣöö di̱tdi.

Diit 18:30

Duɔ̱p Kuɔth ɛmɛ cuɔ̱ŋkɛ, kä ruac Kuɔth Nhial tëë guäthdɛ, kä jɛn ɛ ko̱t nɛɛni diaal tin lua̱kɛ rɔ̱ jɛ.

Diit 78:12

Cɛ ti ga̱ykɛ naath la̱t nhiam gua̱ni, rɛy rööl I-jëp kɛnɛ mun Dho-an.

Diit 92:5

Kä ku lätku lɛ ŋuan i̱di lö Kuoth Nhial! Kä cärku nɔ̱a̱nkɛ ɛlɔ̱ŋ!

Diit 99:4

Kuäär mi bumɛ, kä ɛ nho̱o̱k cuŋni, ji̱n ci päär rialikä, ji̱n ci cuŋ kɛnɛ thuɔ̱ɔ̱k la̱t kɛ kui̱ thuɔk duëël Je-kɔb.

I-ca-yaa 33:22

Kɛ ɣöö Kuoth Nhial ɛ luukda, Kuoth Nhial ɛ rueecda, ɛn Kuoth Nhial ɛ kuäär, jɛn bɛ kɔ kän.

I-ca-yaa 45:21

Bia latdɛ ruacdun guäth luɔ̱k, akɛ ca̱a̱tkɛ ruac kɛɛl! Ɛŋa mi ci ti̱ti̱ lat ni wal? Ɛŋa mi ci jɛ lat mëëdan? /Ciɛ ɣän Kuoth Nhial ɛ nëë lat kɛ? Kä thilɛ Kuoth mi dɔ̱ŋ mi /ci mɔ a ɣän, ɛ ɣän Kuoth cuŋni kä kään, thilɛ Kuoth mi dɔ̱ŋ ɛ ni ɣän.

Bok Go̱kä ni Da-ni-yel 6:20

Mëë cɛ ben thiäkä kɔ̱a̱k in te Da-ni-yel thi̱n, cuɛ Da-ni-yel cɔl kɛ jɔw jiɛthä lɔaac mi di̱i̱t wëë i̱, “Aɣ Da-ni-yel, ja̱ŋ Kuɔth in tëk, ji̱n ci Kuothdu min ŋääthi kä lätikä ji̱ luäŋ kɛ ka̱n jɔɔk kä loony?”

Bok Go̱kä ni Da-ni-yel 9:11

Ji̱ I-thɛ-rɛl diaal cikɛ ŋuɔ̱tku töl, kä cikɛ rɔ̱ ri̱t kä ji̱ kä /kenkɛ jɔwdu luɔ̱th. Kɛ kui̱ ɛmɔ, ci kuëth kɛnɛ bit kɛ ya̱c tin ca gɔ̱r rɛy ŋuɔ̱tni Muthɛ in la ja̱ŋ Kuɔth, cikɛ pɛn wi̱i̱da, kɛ ɣöö cakɔ ji̱ duer duer.

Ɣocä 14:9

A dee nɛy tin ŋa̱ckɛ ŋɔak ti̱ti̱ mal liŋ, ti ca gɔ̱r wa̱nɛ mɔ ti, a dee kɛn kɛ cu käp kɛ lo̱ckiɛn. Kɛ ɣöö dup Kuɔth Nhial cuŋkɛ, kä nɛy tin ŋa̱th kɛ jɛ jälkɛ thi̱n. Kä nɛy tin ji̱ dueeri kɔ̱th kɛ kɔ̱a̱a̱th ikä, a teth kɛ.

Mikaa 7:20

Kä bi cua̱ thuɔ̱k kä Je-kɔb kä nhök mi thil pek kä A-bɛ-ram, nikɛ mëë ci la̱r gua̱a̱ri mëëdan.

Dhɛp 3:5

Kä Kuoth Nhial ɛ cuɔ̱ɔ̱ŋ rɛydɛ, /cɛ duer a lätdɛ. Kä kɛ runwaŋni diaal la latdɛ cuŋ, kä /kenɛ met pa̱k kɛ cäŋ kɛl. Kä ŋotdɛ kui̱c gua̱n dueeri pöc.

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Jɔ̱ɔ̱n 1:17

Kɛ ɣöö ci Kuoth ŋuɔ̱t ŋun kɛ Muthɛ, kä bä puɔ̱th kɛnɛ thuɔ̱k kɛ Yecu Kritho.

Ŋuɔ̱t 31:30

Cu Muthɛ rieet diɛɛt ɛ mi la̱t duɔl ji̱ I-thɛ-rɛl diaal, mäni mëë cɛ kɛ thuk.

Ŋuɔ̱t 32:3

Kɛ ɣöö bä cɔl ni ciöt Kuɔth Nhial. Puanyɛ ni Kuothdan!

Ŋuɔ̱t 34:5

Ɛ jɛn cu Muthɛ kuany Kuɔth Nhial cu li̱w ɛn wi̱i̱ni muun Mo-ab, nikɛ ruac Kuɔth Nhial,

1 Tim 1:17

A Kuäär in di̱i̱t mi do̱raar, mi /ci bi met li̱w, mi /ca nɛn, Kuoth in kɛl kärɔa, tekɛ luth kɛnɛ puɔny amäni cäŋ kɛl. Inɔnɔ.

Ji̱ Ɣi-bɛ-ru 3:5

Täämɛ, cu Muthɛ a läät dhɔaar Kuɔth mi ŋa̱thkɛ, kɛ cuɛ ruac kɛ kui̱ kä ti bi Kuoth kɛ lat cäŋ kɛl.

Jɔ-cua 22:5

Kɛl in te ni jɛn thi̱n, tiɛtdɛ jɛ agɔaa ɛn ɣöö bia la̱t ni guɔ̱k kɛnɛ ŋuɔ̱t tëë ci Muthɛ in la kuany Kuɔth Nhial kɛ guk kä yɛ, ɛ bia Kuoth Nhial ni Kuothdun ka̱m nhök, kä bia guɔ̱ɔ̱r ni dupkɛ diaal, kä bia ruaacnikɛ käp, kä bia rɔ̱ ka̱p jɛ kä bia jɛ lätikä kɛ lɔcdun kɛɛliw, kɛ tieeydun kɛɛliw.”

Nyuuth 1:8

“Ɛ ɣän ram min jio̱l kä ɛ ɣän ram min jɔak,” ruac ni Kuäär ni Kuoth, min te thi̱n, kä ci kɔŋ te thi̱n, kä bi ben, min Leny Buɔ̱mdɛ ti Diaal.

Nyuuth 11:17

cukɛ di̱t kɛt i̱, “La̱rkɔ ji̱ tɛ̈th lɔaac, ji̱n Kuäär ni Kuoth in Leny Buɔ̱mdu ti Diaal, min te thi̱n, kä ci kɔŋ te thi̱n, kɛ ɣöö ci buɔ̱mdu min di̱i̱t ka̱n, kä ci ruëc tok.

Nyuuth 14:3

Kä cukɛ dit mi pay cak kɛt nhiam kɔam kuäärä kɛnɛ nhiam leeyni da̱ŋ ŋuan tin tëk, kɛ nhiam di̱tni. Thilɛ ram mi dee dit ɛmɔ ŋa̱c ɛ ni nɛy ti bathdɔɔri ti kuɔ̱r kɛl wi̱cdɛ jiɛn da̱ŋ ŋuan wi̱cdɛ ŋuan, tin ca luɛl wi̱i̱ muɔ̱ɔ̱n.

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 19:16

Kä tëëkɛ ciöt mi ca gɔ̱a̱r puɔ̱ny bieydɛ, kɛnɛ ɣämdɛ i̱, “Kuäär kua̱ri kä Rueec ruëëcni.”

Nyuuth 19:2

kɛ ɣöö luɔ̱ɔ̱kɛ kɛ thuɔ̱ɔ̱k, kä kɛ cuŋ, cɛ ler in di̱i̱t luk, min ci wi̱c muɔ̱ɔ̱n ya̱r kɛ ciaŋ leerädɛ, kä cɛ riɛm la̱a̱tnikɛ col.”

Nyuuth 4:8

Kä kɛn ley da̱ŋ ŋuan tin tëk, te mɔ kä kɛ kɛ gɔ̱k da̱ŋ bäkɛl tin thiäŋ kɛ nyin amäni piny gɔ̱ɔ̱kiɛn. Kä /cikɛ kiet päl kɛ cäŋ kɛnɛ wäär, wäkɛ i̱, “Mi rɛl gɔɔydɛ rɔ, mi rɛl gɔɔydɛ rɔ, mi rɛl gɔɔydɛ rɔ, Ɛ jɛn Kuäär ni Kuoth in Leny Buɔ̱mdɛ ti Diaal, mi ci kɔŋ tey, kä te thi̱n täämɛ, kä bi ben.”