Nyuuth 15:2 - RUAC KUƆTH IN RƐL RƆ

² Kä cua mi ce̱tkɛ bar mi ti̱l ti̱l mi ca lia̱a̱p kɛ mac nɛn. Kä cua nɛy tin ca ley kɛnɛ cätdɛ puɔ̱t, kɛ pek cio̱tädɛ cuŋä gëëkni bar in ti̱l ti̱l, a te thuɔmni Kuɔth tetnikiɛn.

Nyuuth 15:2 Iomraidhean Croise

Mɛ̈t 3:11

“Ɣän lakä yɛ kɛ pi̱ kɛ kui̱ ri̱tädun kɛ rɔ̱ dueeri, kä ram mi bum ni jɛn kä ɣä a bëë kɔɔrä ni, kä /cä ro̱ŋ kɛ ɣöö bä wa̱a̱rikɛ kap. Jɛn bɛ yɛ lak kɛ Yiëë in Gɔaa in Rɛl Rɔ kɛnɛ mac.

1 Pit 1:7

Kä luɔt rikni ɛ ɣöö bɛ thuɔ̱k ŋäthädun ŋa̱c, min gɔaa ni jɛn kä da̱a̱p in la däk mi ca jɛ ɣɔ̱n kɛ mac. Ŋa̱thdun bɛ yɛn nöŋ liak kɛnɛ wuɔ̱t kɛ luth mi wa Yecu Kritho nyoth.

1 Pit 4:12

Nhöökä, /cuarɛ ga̱a̱c kɛ riɛk mi bɛc bɛc mi bi tuɔɔk kä yɛ kɛ ɣɔ̱ndun, ce̱t tëëkɛ mi yi̱i̱c naath mi tuɔɔk kä yɛ.

Nyuuth 12:11

Kä cukɛ jɛ tiam kɛ riɛm Ruath Dɛ̈ɛ̈l kɛnɛ ruac nenädiɛn, kɛ ɣöö /cikɛ tëkdiɛn nhɔk a cukɛ li̱w.

Nyuuth 13:1

Kä cu nyaŋ cuɔ̱ŋ rɛy litdä thuɔk bar. Ley mi päl raar bar Kä cua ley nɛn känyɛ raar bar, kä tëëkɛ tuɔ̱ŋ da̱ŋ wäl, kä tëëkɛ wuɔ̱th da̱ŋ bärɔw. Kä tëëkɛ kuɔ̱mni kuäärä da̱ŋ wäl tuɔ̱ŋnikɛ kä wuɔ̱thnikɛ te ciöt mi kueth Kuoth thi̱n.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 13:17

Kä thilɛ ram mi dee duɔ̱ɔ̱r kɔk kiɛ dee duɔ̱ɔ̱r kɔak, ɛ ni mi tëëkɛ biɛl min la ciöt lɛ̱̈ɛ̱̈, kiɛ pek cio̱tädɛ.

Nyuuth 21:18

Kä ca pänydɛ la̱t kɛ pääm ti jaŋ jaaŋ, kä wec puɔ̱nydɛ ɛ da̱a̱p mi lɛy lɛy mi ce̱tkɛ neen.

Nyuuth 4:6

kä nhiam kɔam kuäärä ɛmɔ tëëkɛ mi ce̱tkɛ bar neenä mi wi̱r wi̱r. Kä gëëkni kɔam kuäärä tëëkɛ ley da̱ŋ ŋuan ti tëk, ti ci thia̱a̱ŋ kɛ wäŋ nhiam kɛnɛ jɔk.

Nyuuth 5:8

Mëë cɛ ko̱l gɔ̱rä ka̱n, cu ley da̱ŋ ŋuan tin tëk, kɛnɛ di̱t ti jiɛn da̱ŋ rɛw wi̱cdɛ ŋuan rɔ yuɔr piny nhiam Ruath Dɛ̈ɛ̈l, käp ramɔ thom kɛnɛ thääk dääpä ti thiäŋ kɛ wal ti waŋkɛ, tin la pal nɛɛni ti ci Kuoth kɛ lɛy.