Nyuuth 14:6 - RUAC KUƆTH IN RƐL RƆ

⁶ Kä cua jääk nhial dɔ̱diɛn mi pär kɛ nhial nɛn, mi tekɛ thuk Kuɔth ti gɔw ti thil pek ti bɛ la̱t nɛy ti cieŋ wi̱i̱ muɔ̱ɔ̱n, kɛ döör diaal kɛnɛ thuk duëli, kɛ thuk ti gööl kɛ nɛy diaal.

Nyuuth 14:6 Iomraidhean Croise

Tuk Cäkä Ɣɔaa 1:6

Kä cu Kuoth wee i̱, “A jɛ tekɛ dääk ni däär pi̱i̱ni, bɛ kam pi̱i̱ni da̱a̱k kɛnɛ pi̱ tin kɔ̱ŋ.”

2 Tham 23:5

/Ciɛ jɛn bi dhɔrä te kɛɛl kɛ Kuoth ɔ? Kɛ ɣöö cɛ mat ruac mi thil pek lat kɛ ɣä, latdɛ ti diaal kä tekɛ gua̱thnikiɛn. Kä /ciɛ jɛn bi ka̱ndä jak kä te thi̱n ɔ kɛnɛ tin göörä?

Diit 119:142

Kä cuɔ̱ɔ̱ŋdu ɛ do̱raar, kä ŋuɔ̱tdu ɛ thuɔ̱k.

Diit 139:24

Kä guic lɔcdä mi tëë kɛ nyuɔɔn ti te thi̱n, kä bo̱th ɣä kɛ duɔ̱ɔ̱pdu min do̱raar.

Diit 145:13

Kä kuääru ɛ kuäär mi do̱raar, kä ruecdu bɛ te thi̱n ri̱cni diaal. Kä Kuoth Nhial tiitdɛ rieetkɛ diaal, kä lätkɛ diaal gɔwkɛ.

I-ca-yaa 40:8

Kɛn juaac cikɛ rɔɔl, kä ci gaakni pɛ̈ɛ̈n, duundɛ ɣöö bi ruac Kuɔthda te thi̱n amäni cäŋ kɛl.

I-ca-yaa 45:17

Duundɛ ɣöö ca I-thɛ-rɛl kän ɛ Kuoth Nhial kɛ ka̱n mi thil pek, kä /ca ji̱ bi moc kɛ pöc kiɛ buar amäni cäŋ kɛl.

I-ca-yaa 51:6

Kapni wäŋku nhial guic pua̱a̱r, kä guic piny ni piny muɔ̱ɔ̱n. Ɛn pua̱a̱r bɛ thuɔ̱k ce̱tnikɛ tol, kä bi piny da̱k ce̱tnikɛ bi̱i̱, kä tin cieŋ thi̱n bikɛ li̱w ce̱tnikɛ luaŋ, duundɛ ɣöö bi ka̱ndä te thi̱n amäni cäŋ kɛl, kä ci cuŋkä bi met guut.

I-ca-yaa 51:8

Bi diɛɛr kɛ cam ce̱tnikɛ bi̱i̱, kä bi rɛl kɛ cam ce̱tnikɛ thi̱et, duundɛ ɣöö bi cuŋkä te thi̱n amäni cäŋ kɛl, kä bi ka̱ndä tekɛ ri̱c diaal.”

I-ca-yaa 6:2

Wi̱i̱dɛ te nyin nhial thi̱n, te mɔ kɛ gɔ̱k da̱ŋ bäkɛl. La mɔ nhiamdɛ a kum kɛ gɔ̱k da̱ŋ rɛw kä bɛ puɔ̱nydɛ kum kɛ rɛw tin kɔ̱ŋ, kä bɛ rɔ bar kɛ rɛw tin kɔ̱kiɛn.

Yɛdh 1:14

Kä kɛn ley tin tëk la riŋkɛ nhiam kä ri̱i̱ŋkɛ jɔk kɛ pɛ̈th mi ce̱tkɛ pɛ̈th yi̱lä.

Bok Go̱kä ni Da-ni-yel 4:1

Kä cu Kuäär ni Nɛ-bu-kad-nɛ-dhar ruaacni ti̱ti̱ jäkä naath diaal kɛnɛ döör diaal kɛ nɛy tin ruac kɛ thuk ti gööl wi̱i̱ muɔ̱ɔ̱n wëë i̱, “Ɛ mal tekɛ yɛ!

Bok Go̱kä ni Da-ni-yel 9:21

Kä min palä cu jääk ni Gab-ri-yel ëë cä kɔŋ nɛn kɛ la̱k ben kä ɣä kɛ pɛ̈th kɛ gua̱a̱th thiaŋ in la thöpkɛ muc tin waŋkɛ.

Mɛ̈t 10:27

Mi cä la̱t yɛ rɛy muɔ̱th, latdɛ jɛ rɛy buɔyä, kä mi cia liŋ kɛ mua̱th mua̱th, latdɛ jɛ wi̱i̱ duëël.

Mak 16:15

Kä cuɛ kɛ jiök i̱, “Wiaa rɛy ɣɔaa kɛɛliw kä la̱tdɛ thuk Kuɔth ti gɔw nɛy diaal wi̱i̱ muɔ̱n.

Ji̱ Röm 16:25

A puɔny tekɛ Kuoth! Jɛn tëë kɛ lua̱ŋ kɛ ɣöö bɛ yɛ jakä bum rɛy ŋäthädun ce̱tnikɛ thuk ti gɔw tëë cä la̱t yɛ kɛ kui̱ Yecu Kritho. Kä ce̱tkɛ thuɔ̱ɔ̱k tëë ca nyoth tëë /ca ŋäc ni wal kɛ run tëë ci wä.

Ji̱ Ko-lɔ-thi 1:23

Bi nɔmɔ tuɔɔk mi wä yɛn kɛ wä nhiam, kä buɔ̱mɛ kä ta̱yɛ rɛy ŋäthä. /Cuarɛ rɔ woc ŋäthä min ca lar ɛ thuk ti gɔw tin cia liŋ, kä ca la̱t ji̱ piɛny diaal, kä ɣän, Puɔl, cua kɛ lat kɛn thuk ti̱ti̱.

2 Thɛ 2:16

Täämɛ a Kuääran ni Yecu Kritho puɔ̱nydɛ kɛnɛ Kuoth in la Gua̱a̱ra min nhɔk kɔn kä kɛ puɔ̱th cɛ kɔn ka̱m cuum mi do̱raar kɛnɛ ŋa̱th mi gɔaa,

Ji̱ Ɣi-bɛ-ru 13:20

Täämɛ a Kuoth malä, mëë jiɛc Kuääran ni Yecu li̱th, min la yieen deet in di̱i̱t, kɛ riɛm matdä ruac mi do̱raar,

1 Pit 1:25

kä ruac Kuɔth tëë thi̱n a thil pek.” Ruac ɛmɔ ɛ jɛn thok in gɔaa min ca la̱t yɛ.

Nyuuth 10:11

Kä cukɛ ɣä jiök i̱, “Bi ruac Kuɔth dhil nyɔk kɛ lat kɛ kui̱ nath, kɛ döör, kɛnɛ thuk ti gööl, kɛ kua̱r.”

Nyuuth 10:7

Kä ni̱n tɔ̱ bi jääk nhial in bärɔwdiɛn ɛ koth ni kaaŋ, bi ruac Kuɔth in cuäŋ naath a thuɔ̱k, ce̱tkɛ mëë cɛ la̱r ja̱a̱ŋkɛ ni göök.”

Nyuuth 13:7

Kä ɛnɔ bä cua jɛ pa̱l ɣöö bɛ ko̱r tɛr kɛ nɛy tin ci Kuoth kɛ lɛy, kä bɛ kɛ tiam. Ca jɛ ka̱m buɔ̱m wi̱i̱ thukni duëli diaal, kɛ naath kɛnɛ ji̱ thukni, kɛ döör diaal,

Nyuuth 3:10

Kɛ ɣöö cia ruacdä käp kɛ ruɔ̱t bitdä, bä yɛ gaŋ kä riɛk in bëë rɛy ɣɔaa kɛɛliw, kɛ ɣöö bɛ nɛy tin cieŋ wi̱i̱ muɔ̱ɔ̱n ben ɣɔ̱n.

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,

Nyuuth 8:13

Kä cua̱ guic, cua̱ kuey mi pär kɛ där puɔ̱ɔ̱rä liŋ, wieeɛ kɛ jɔw mi di̱i̱t, “Riɛk, riɛk, riɛk akɛ nɛy tin cieŋ wi̱i̱ muɔ̱ɔ̱n, kɛ gua̱a̱th in bi päl kɛ jɔw kaaŋni tin bi ja̱a̱k nhial da̱ŋ diɔ̱k tin kɔ̱kiɛn kɛ koth!”