Nyuuth 14:5 - RUAC KUƆTH IN RƐL RƆ

⁵ Kä thilɛ thukiɛn kac, kɛ ɣöö thilɛ kɛ bɛ̈l.

Nyuuth 14:5 Iomraidhean Croise

Diit 32:2

Tɛ̈th lɔaac akɛ ram in /ken Kuoth Nhial dueerkɛ kuën jɛ, kɛnɛ ram in thil rɛydɛ kac.

Diit 34:13

Tit lɛpdu kɛ lat kä ti jiäk, kä /cu ruac kacä lat.

Diit 55:11

Da̱k a thi̱n rɛydɛ, la̱tkɛ ni yaak kɛnɛ ciaaŋ jiääk rɛy duɔ̱pni wec.

Ruac Pɛli 8:8

Kä rieetkä diaal kɛ cuŋ. Thilɛ mi gɔ̱a̱ŋ rɛydiɛn.

Thɔl 4:7

Gɔaa i̱ ɛlɔ̱ŋ luumdä, thilɛ mi jiäk kä ji̱.

I-ca-yaa 53:9

Kä cua jɛ la̱th kɔ̱k kɛɛl kɛ nɛy ti jiäk, kä cua jɛ kony kɛɛl kɛ ram mi riäŋ riäŋ, cäŋ ni mëë thilɛ riɛk mi cɛ la̱t, kä thilɛ kac mi cɛ lat.”

Bok Go̱kä ni Da-ni-yel 6:4

Kä cu kua̱r kɛnɛ ruëëc jɛ ɣɔ̱n ɛn ɣöö görkɛ ca̱p mi dëë woc ni Da-ni-yel kɛ ciaŋ la̱tdɛ min lätdɛ rɛy kuäärä. Duundɛ ɣöö cuɛ thil duɔ̱ɔ̱p mi cua gɔny ni jɛ, kä cuɛ thil mi jiääk mi cu Da-ni-yel ɛ la̱t, kɛ ɣöö jɛn ɛ ram mi gɔaa, kɛ ɣöö tëë kɛ yoop, thilɛ talaaŋ mi cua jek kä jɛ.

Ɣocä 10:2

Kä /cikɛ ji̱ cuŋni, kɛ kui̱ ɛmɔ bikɛ riɛkdiɛn jëk. Kä bi Kuoth Nhial yi̱knikiɛn da̱k piny amäni riäknikiɛn.

Dhɛp 3:13

Kä duɔth ji̱ I-thɛ-rɛl tin tëk, /cikɛ bi lɛ duer. Kä /ca kac bi lat, kä /ca mi la kaŋ bi lat. Bikɛ mi̱th kä bikɛ tɔ̱ɔ̱c, kä thilɛ mi bikɛ jak kä dual.”

Mɛ̈l 2:6

Kä cuɛ la̱t ni thuɔ̱k, cuɛ thil duer mi cuɛ la̱t. Kä cuɛ la̱t ni cuŋ, kä cuɛ nɛy ti ŋuan ri̱t dueeri.

Mɛ̈t 12:34

Yɛn dɛy thɔ̱ɔ̱li! Dërɛ ruac agɔaa i̱di, mi lapɛ ji̱ jiäkni? Kɛ ɣöö mi te lɔc ran kɛ duɔ̱ɔ̱r, lat thokdɛ jɛ.

Luk 23:4

Cu Pay-lɛt bööth palä tin di̱t kɛnɛ buɔ̱n jiök i̱, “Thilɛ duer mi cä jek kä wut ɛmɛ.”

Jɔ̱ɔ̱n 1:47

Kä mëë ci Yecu Na-than-el nɛn a bä kä jɛ, cuɛ ruac kɛ kui̱dɛ, cuɛ wee i̱, “Nɛ̈nɛ, ɛ raan I-thɛ-rɛl mi thuɔ̱k pa̱ny, mi thil kac!”

Ji̱ Ɛ-pɛ-thäth 5:27

Cɛ nɔmɔ la̱t kɛ ɣöö bi duel Kuɔth ben cuɔ̱ŋ nhiamdɛ kɛ gɔɔydɛ kɛɛliw, kɛ ɣöö bɛ a wic wic mi thil pia̱a̱r, kiɛ biɛl mi jiääk kiɛ duɔ̱ɔ̱r mi ce̱tkɛ nɔ, kɛ ɣöö derɛ a mi rɛl rɔ mi thil bɛ̈l.

Ji̱ Ko-lɔ-thi 1:22

kä täämɛ cɛ yɛ luɔ̱c maarä kɛ puɔ̱nydɛ pa̱ny kɛ lia̱a̱dɛ, kɛ ɣöö bɛ yɛ naŋ nhiam Kuɔth a cia rɔ̱ rɛl, a thil bɛ̈l, kä /ca yɛ dee cäkikä.

Ji̱ Ɣi-bɛ-ru 9:14

Kä bi riɛm Kritho kulɛ la̱t ni mi ni̱n di. Jɛn cɛ rɔ thöp kɛ Yiëë mi do̱raar ala muc mi thil mɛ̈ɛ̈ny kä Kuoth. Kä bi riɛmdɛ lo̱ckɔn jak kä gɔw kä lät tin jiäk kɛ ɣöö dënɛ cu lät ni Kuoth in tëk ikä.

1 Pit 1:19

Kä duundɛ ɣöö ca yɛ luɛl kɛ riɛm Kritho mi gɔaa mi ce̱tkɛ riɛm ruath dɛ̈ɛ̈l rɔɔmä mi thil mɛ̈ɛ̈ny kiɛ gua̱r.

1 Pit 2:22

“Thilɛ duer mi cɛ la̱t, kä thilɛ ruac kacä mi ca met jek thokdɛ.”

1 Pit 3:10

Kä ca jɛ gɔ̱r i̱, “Ram mi go̱o̱r ɣöö bi lɔcdɛ tɛɛth kɛ tëk, kä go̱o̱rɛ ɣöö bɛ tekɛ ni̱n ti gɔw, a jɛ tiit lɛpdɛ kä ruac mi jiääk, kä a jɛ gaŋ thokdɛ kä lat ka̱a̱cni.

Juud 1:24

Täämɛ a Kuoth min tekɛ lua̱ŋ kɛ ɣöö bɛ yɛ gaŋ kä tëth, kä bɛ yɛ jakä cuŋ a thil bɛ̈l nhiam Kuɔth kɛ tɛ̈th lɔaac.