Nyuuth 14:4 - RUAC KUƆTH IN RƐL RƆ

⁴ Ti̱ti̱ kɛ kɛn nɛy tin /ka̱n rɔ̱ ya̱r kɛ män, kɛ ɣöö kɛ nɛy ti thil nyuɔɔn. Kɛ kɛn nɛy tin guɔ̱ɔ̱rkɛ Ruath Dɛ̈ɛ̈l Kuɔth gua̱thni diaal tin wëë thi̱n. Kɛ nɛy ti ca kuɛl kä duɔth nath kɛ ɣöö bakɛ thöp Kuɔth kɛnɛ Ruath Dɛ̈ɛ̈l.

Nyuuth 14:4 Iomraidhean Croise

Diit 45:14

Cua jɛ nöŋ kuäär ɛ te bi̱i̱ biɛɛlidɛ puɔ̱ɔ̱nydɛ, kä guɔ̱ɔ̱rkɛ jɛ ɛ mäthnikɛ kä cuakɛ nöŋ jɛ.

Diit 74:2

Car nɛɛku tëë ci kuëny rɔɔdu ni wal, nɛy tëë ci luɛl kɛ ɣöö bi kɛn ɛ ji̱ thuɔk duëëlu. Kä car Päm Dha-yɔn min la gua̱a̱th ëë ci kɔŋ cieŋ thi̱n.

Thɔl 1:3

Kä wäl yi̱i̱rädu tëë kɛ ŋuäny mi gɔaa. Kä ciötdu gɔaaɛ ce̱tdɛ kɛ ŋuäny yi̱i̱rä, kɛ kui̱c ɛmɔ nhɔk nyier ji̱.

Thɔl 6:8

A kuäär tekɛ män kua̱r ti jiɛn bäkɛl, kɛ luɔɔm ti jiɛn bädäk, kɛ nyier ti ŋuan ti ca luäŋ kɛ kuën.

Bok Go̱kä ni Yir-mɛ-yaa 2:3

Kä ji̱n I-thɛ-rɛl gɔaa i̱ mëëdan kɛ ɣä, ce̱tdi nikɛ dɛy jiɛn tin nhiam ŋer. Kä nɛy diaal tëë ɛ kɛn i̱ muɔckɛ ji̱ riɛk cä kɛ moc duer cu riɛk kɛ pen ikä,’ ruac ni ɣän Kuoth Nhial.”

A-mɔth 6:1

“Riɛk akɛ yɛn nɛy ti̱n tɛth lo̱cdiɛn kä Dha-yɔn, amäni yɛn ti̱n car kɛ jɛ i̱ cia kään kä päm Tha-mɛ-ria, yɛn nɛy ti̱n jɔc kɛ̈kdiɛn rɛy rööl in dit ni jɛn, kä liŋ ji̱ I-thɛ-rɛl ni ruacdun.

Mɛ̈t 19:12

Kɛ ɣöö te ɣöwni thi̱n ni däpädiɛn, kä te jiöwni thi̱n ti ca kuit ɛ nɛy kɔ̱kiɛn, kɛ jiöwni kɔ̱kiɛn tin ca rɔ̱ jakä jiöwni kɛ kui̱ kuäärä nhial. Ɛ ram mi nhɔk ŋi̱i̱c ɛmɛ, lät jɛ.”

Mɛ̈t 25:1

“Kä ba ciaŋ kuäärä nhial pa̱a̱r kɛ nyier da̱ŋ wäl ti ca lɛmbärnikiɛn ka̱n, wäkɛ cɔw nyaal lor.

Mɛ̈t 8:19

Kä cu ram mi gɔ̱ɔ̱r ben kä jɛ, cuɛ jɛ jiök i̱, “Ŋi̱i̱c, ɣän bä ji̱ guɔ̱ɔ̱r gua̱thni diaal tin bi wä thi̱n.”

Jɔ̱ɔ̱n 10:27

Liŋ detkä jɔwdä. Kä ŋa̱cä kɛ, kä guɔ̱ɔ̱rkɛ ɣä.

Jɔ̱ɔ̱n 12:26

Kä ram ɔ lät ɣä ikä mɔ, bɛ ɣä dhil guɔ̱ɔ̱r. Kä gua̱a̱th ɔ ta̱a̱ thi̱n ɔ ɛ jɛn gua̱a̱th in bi läätdä te thi̱n bä. Ram ɔ bi ɣä lätikä mɔ, bi Gua̱a̱r ɛ thiɛk.”

Jɔ̱ɔ̱n 13:37

Cu Pi-tɔr jɛ jiök i̱, “Kuäär, kä ɛŋu /cä ji̱ dee guɔ̱ɔ̱r ɔ ɛn täämɛ? Ɣän bä tëkdä thöp kɛ kui̱du.”

Jɔ̱ɔ̱n 8:12

Cu Yecu lɛni ruac kɛ kɛ, wëë i̱, “Ɛ ɣän buay ɣɔaa. Kä ram mi guur ɣä /cɛ bi ja̱l rɛy muɔ̱th, bɛ tekɛ buay teekä.”

Lät Jaakni Yecu 20:28

Inɔ tiɛtdɛ rɔ̱ kä tiɛtdɛ det diaal, tin ci Yiëë in Gɔaa in Rɛl Rɔ yɛ jakä ga̱a̱ŋkiɛn. Kä jakɛ rɔ̱ kä yiëën duëël Kuɔth, min cɛ jek kɛ riɛm Gatdɛ pa̱ny.

1 Kor 16:15

Täämɛ dämaari, ŋa̱cɛ jɛ ɛn ɣöö ji̱ gɔaal Thɛ-pa-näth kɛ kɛn nɛy tëë jio̱l tëë rietkɛ rɔ̱ dueeri kä A-ke-ya, kä cikɛ rɔ̱ ka̱m luäk nɛɛni tin ci Kuoth kɛ lɛy.

1 Kor 6:20

kɛ ɣöö ca yɛ kɔk kɛ ko̱k. Kɛ kui̱c ɛmɔ liakɛ Kuoth kɛ pua̱nykun.

1 Kor 7:28

Kä mi ci kuɛɛn thilɛ ji̱ duer, kä mi ca nyal kuɛn, jɛn thilɛ jɛ duer. Kä nɛy tin ci kuɛɛn bikɛ rik jek rɛy teekä ɛmɛ, kä göörä ɣöö dëë yɛ gaŋ kä riɛk ɛmɔ.

2 Kor 11:2

Ɣän ta̱a̱ kɛ tiɛɛl kɛ kui̱dun, tiɛɛl mi bëë kä Kuoth. Ɣän cä jɛ lar ɛn ɣöö bä yɛ ka̱m Kritho, a thil diw ce̱tkɛ nyam mi ka̱mkɛ ni cɔwdɛ kärɔa.

Ji̱ Ɛ-pɛ-thäth 1:14

Jɛn Yiëë ɛmɔ ɛ jɛn läär in thuɔ̱k min banɛ jek min ci Kuoth ɛ la̱r nɛɛkɛ, kä nɔmɔ nyuthɛ jɛ kɔn ɛn ɣöö bi Kuoth ciaaŋ lɔrä ka̱m nɛɛkɛ. Kä bikɛ buaydɛ liak!

Ji̱ Ɛ-pɛ-thäth 5:27

Cɛ nɔmɔ la̱t kɛ ɣöö bi duel Kuɔth ben cuɔ̱ŋ nhiamdɛ kɛ gɔɔydɛ kɛɛliw, kɛ ɣöö bɛ a wic wic mi thil pia̱a̱r, kiɛ biɛl mi jiääk kiɛ duɔ̱ɔ̱r mi ce̱tkɛ nɔ, kɛ ɣöö derɛ a mi rɛl rɔ mi thil bɛ̈l.

1 Tim 4:3

Kɛn pënkɛ naath kuën, kä pënkɛ naath tha̱a̱ŋ mi̱thni tin ci Kuoth kɛ cak, kɛ ɣöö dëëkɛ cam kɛ tɛ̈th lɔaac ɛ nɛy tin ŋa̱th kä ŋa̱ckɛ thuɔ̱k.

Ji̱ Ɣi-bɛ-ru 12:23

Cia ben matdä keyni gan Kuɔth tin ca ciöötkiɛn gɔ̱r cieŋ nhial, cia ben kä Kuoth in la luuk nɛɛni diaal, kɛ yiey ji̱ cuŋni tin ca jak gɔw a thil diw.

Je-mɛth 1:18

Kɛ ca̱rɛ kärɔaadɛ cɛ kɔn di̱eth kɛ ruacdɛ min thuɔ̱k, kɛ ɣöö bi kɔn a key nɛɛnikɛ tin nhiam tin cɛ cak.

1 Pit 2:9

Yɛn lapɛ thok duëël mi ca mɛk, ti bööth palä, mi la do̱r mi rɛl rɔ, nɛɛ Kuɔth ti rɛlɛ, kɛ ɣöö dee yɛn lätkɛ tin buɔ̱m buɔ̱ɔ̱m lat jɛn ram min cɔl yɛ raar rɛy muɔ̱th, cɔlɛ yɛ rɛy buɔyädɛ min gɔaa.

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 21:22

Kä cuɛ thil luak Kuɔth mi cua̱ nɛn rɛy wec, kɛ ɣöö luak Kuɔthdɛ ɛ jɛn Kuäär ni Kuoth in Leny Buɔ̱mdɛ ti Diaal, kɛnɛ Ruath Dɛ̈ɛ̈l.

Nyuuth 21:23

Kä /ci wec buay ca̱ŋ kɛnɛ pay lɛ go̱r, kɛ ɣöö gɔɔy puɔnyä Kuɔth ɛ jɛn la buaydɛ mɔ, kä lɛmbärɛ ɛ Ruath Dɛ̈ɛ̈l.

Nyuuth 3:4

Ŋot nɛy ti tɔt kä Thar-dith ti /ken bieynikiɛn lɔth, bikɛ ja̱l kɛ bieyni ti bo̱o̱r kɛ ɣä kɛɛl, kɛ ɣöö gɔwkɛ.

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,