Nyuuth 14:15 - RUAC KUƆTH IN RƐL RƆ

¹⁵ Kä cu jääk Kuɔth nhial dɔ̱diɛn ben raar luaak Kuɔth, cɔɔlɛ ram in nyuur wi̱i̱ puɔ̱rä kɛ jɔw mi di̱i̱t i̱, “Käni carcaaru, kä ŋeri kɛ ɣöö ci gua̱a̱th ŋër cop, kɛ ɣöö ci nyin wec muɔ̱ɔ̱n ciɛk.”

Nyuuth 14:15 Iomraidhean Croise

Tuk Cäkä Ɣɔaa 15:6

Cu Ab-ram ruac Kuɔth Nhial ŋäth, kä kɛ kui̱c ɛmɔ cu Kuoth Nhial ciɛŋkɛ nhɔk.

I-ca-yaa 62:1

Kɛ kui̱ Dha-yɔn ɣän /cä bi biɛt, kä kɛ kui̱ Jɛ-ru-tha-lɛm ɣän /cä bi lɔ̱ɔ̱ŋ, amäni mi ci cuŋkɛ mɛ̈r ce̱tnikɛ käny ca̱ŋ, kä ci ka̱ndɛ dɔap ce̱tnikɛ patariɛy.

Bok Go̱kä ni Yir-mɛ-yaa 51:33

Kɛ ɣöö ci Kuoth Nhial in la Ruey Ɣɔaa ni Kuoth I-thɛ-rɛl ɛ lar, ɛn ɣöö bi nyaa Dha-yɔn ce̱tnikɛ do̱r kɔ̱mä bɛɛl, mi wä gua̱a̱th kɔ̱a̱mdɛ ben. Jɛn a bëëni ci duɔth ni gua̱a̱th mi tɔt, ɛ jɛn gua̱th ŋër pua̱ny.”

Yo-el 3:13

Kɛ ɣöö di̱t dueerkiɛn ni kakä bɛɛl mi ci cop, kɛ kui̱ ɛmɔ rial ɛ carcaari ikä kɛ ŋër bɛɛl, kä bi kɔaŋdiɛn in ba dhiɛm thääk cu thia̱ŋ a lɛnykɛ.

Mɛ̈t 13:30

A kɛn diaal pith kɛɛl amäni gua̱a̱th ŋër. Kä mi wä gua̱a̱th ŋër cop, bä ji̱ ŋër jiök i̱, “Kɔanɛ ka̱m ni jol raar kä yianɛ jɛ tuɔthni, kɛ ɣöö ba jɛ waŋ, kä duɔlɛ bɛl luaakdä.” ’ ”

Mɛ̈t 13:39

Kä gua̱n tɛ̈r in ci jol pith ɛ jɛn gua̱n jiäkni. Kä gua̱a̱th ŋër ɛ jɛn guut ɣɔaa, kä ji̱ ŋër kɛ kɛn ja̱a̱k Kuɔth nhial.

Mɛ̈t 23:32

Kä inɔ cuɔ̱pɛ jiäk guurikun.

Mak 4:29

Kä min cikɛ ciɛk, ni ɛn guäth ɛmɔ, cuɛ ŋɔ̱mdɛ ka̱n, kɛ ɣöö ci gua̱a̱th ŋër cop.”

1 Thɛ 2:16

kä pënkɛ kɔ ruac kɛ Jur, kɛ ɣöö deekɛ kään. Kɛ lätni kä mɛmɛ cɛ naŋ ni dueerkiɛn ni peekdiɛn. Kä kɛ jɔak cu waŋ lɔaac Kuɔth cu ben kä kɛ.

Nyuuth 11:19

Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 13:12

Lätdɛ kɛ lua̱ŋ lɛ̱̈ɛ̱̈ in jio̱l. Kä cuɛ wi̱c muɔ̱ɔ̱n kɛnɛ nɛy tin ciaŋ kɛ jɛ kä palkɛ ley in jio̱l, min ca buɔ̱tdɛ in no̱ŋ jɛ lia̱a̱ jakä gɔaa.

Nyuuth 14:14

Kä cua guic, kä nɛnɛ, tëëkɛ pua̱r mi bo̱r, kä tëëkɛ ram mi nyuur wi̱i̱ puɔ̱rä mi ce̱tkɛ Gat Ran, kä te wi̱cdɛ kɛ kum kuäärä mi ca la̱t kɛ da̱a̱p, kä te tetdɛ kɛ carcaar mi moth!

Nyuuth 14:16

Kä ɛnɔ cu ram mi nyuur wi̱i̱ puɔ̱rä carcaarɛ yi̱th wi̱i̱ muɔ̱ɔ̱n, kä cua nyin wec muɔ̱ɔ̱n ŋɛr.

Nyuuth 14:17

Kä cu jääk nhial mi dɔ̱diɛn ben raar luaak Kuɔth in te nhial, kä jɛn bä tëëkɛ carcaar mi moth.

Nyuuth 14:18

Kä cu jääk nhial dɔ̱diɛn ben raar wi̱i̱ yi̱kä, ɛ jɛn jääk in tekɛ lua̱ŋ kɛ mac, kä cuɛ ram in tekɛ carcaar mi moth cɔl kɛ jɔw mi di̱i̱t i̱, “Käni carcaaru kä dol dɛy buɔ̱cni wec muɔ̱ɔ̱n, kɛ ɣöö ci dɛykiɛn lɔɔr.”

Nyuuth 15:6

Kä cu ja̱a̱k nhial da̱ŋ bärɔw tin nööŋkɛ rik da̱ŋ bärɔw ben raar luaak Kuɔth, ca rɔ rony kɛ bieyni ti buɔy ɛ pak, kä ca kathkiɛn yiɛn kɛ läk dääpä.

Nyuuth 16:17

Cu jääk nhial in bärɔwdiɛn min te rɛy thaakdɛ wuɔc rɛy jiɔam, kä cu jɔw mi di̱i̱t ben raar luaak Kuɔth bëë kɔam kuäärä, wëë i̱, “Ca jɛ la̱t!”

Nyuuth 6:10

Cukɛ wak kɛ jɔw mi di̱i̱t i̱, “Kuoth in Leny Buɔ̱mdɛ ti Diaal Kuäär ni Kuoth, min rɛl gɔɔydu rɔ, kä thuɔ̱k, ɛ gua̱a̱th mi ni̱n di ɛn nin bi luk ni ji̱ wec muɔ̱ɔ̱n, kä bi col ni riɛmda kä kɛ mɔ?”