Nyuuth 14:10 - RUAC KUƆTH IN RƐL RƆ

¹⁰ bikɛ maath kɛ kɔaŋ waŋä lɔaac Kuɔth, mi ca wuɔc a /ka̱n liɔm rɛy lirä ŋɛɛnyädɛ, kä bɛ pua̱nykiɛn jakä bɛc kɛ mac kɛnɛ wal tin kɛc ŋuänydiɛn nhiam ja̱a̱kni nhial tin rɛ̈lkɛ rɔ̱ kɛnɛ nhiam Ruath Dɛ̈ɛ̈l.

Nyuuth 14:10 Iomraidhean Croise

Tuk Cäkä Ɣɔaa 19:24

Kä cu Kuoth Nhial macdɛ mi bëë ni nhial wuɔc wi̱c Thɔ-dɔm kɛnɛ Go-mo-ra.

I-yob 18:15

Thilɛ mi ci duɔth dhɔrɛ, ci mac duelɛ däk.

I-yob 21:20

Akɛ nɛ̈nkɛ da̱k kɛ wäŋkiɛn, akɛ jëkɛ gak Kuoth in leny buɔ̱mdɛ ti diaal.

Diit 11:6

Bɛ ji̱ nyuɔɔni jäk kä mac miim mi ci bo̱o̱l, kä bɛ ka̱m nikɛ jiɔam ka̱lwa̱w.

Diit 37:34

Lipni Kuoth Nhial, kä tit ni duɔ̱pkɛ, bɛ ji̱ ka̱m luth kɛ ɣöö bi mun ka̱n, kä bi ji̱ nyuɔɔni guic guäth in tekɛ riɛk.

Diit 52:6

Kä bi ji̱ cuŋni guic kä bikɛ dual, kä bikɛ jɛ dɔl wäkɛ i̱,

Diit 60:3

Kä curi nɛɛku jakä cuc ɛlɔ̱ŋ. Curi moc ni kɔ kɛ kɔaŋ mi cu yɔ̱ŋ ni kɔ.

Diit 73:10

Kɛ kui̱c ɛmɔ cu nɛɛ Kuɔth guɔ̱ɔ̱r nikɛ, kä cu naath ŋäth ni min lat kɛn ɛ.

Diit 75:8

Kä tet Kuɔth Nhial te liɛɛr thi̱n, thieŋɛ kɛ kɔaŋ mi ca liɔm kɛ wal tin kɔp. Kä bɛ tha̱a̱ŋdɛ tith, kä bi ji̱ dueeri wec muɔ̱ɔ̱n diaal ɛ math amäni nuɔ̱ɔ̱rɛ.

Diit 91:8

Bi guic ni ji̱n kɛ waŋdu, bi duäc in ba duäc nɛy tin la̱a̱t jiäkni nɛn.

I-ca-yaa 29:9

Jakni rɔ kä dɔ̱a̱r bi cua̱ dɔ̱a̱r, kä jakni rɔ kä cɔr bi cu cɔr! Lätni ce̱tkɛ yɔ̱ŋ kɔŋä kä /ciɛ kɔaŋ, jakni rɔ kä yɔ̱ŋ mi /ci mɔ a yɔ̱ŋ kɔŋä!

I-ca-yaa 30:33

Ca gua̱a̱th maac rialikä nikɛ gua̱a̱th ëë ci wä. Ca rialikä kɛ kui̱ kua̱ri, ɛn pul maacdɛ ca rialikä lueŋɛ kä ɛ ɣäp ɣäp, kɛ mac mi di̱i̱t kɛ jiɛn ti ŋuan. Kä yiëë Kuɔth Nhial in ce̱tnikɛ lo̱o̱l maac, bɛ jɛ cua̱th.

I-ca-yaa 34:9

Kä bi kiɛr Ɛ-dɔm pɛ̈t kɛ mac, kä bi mundɛ waaŋ, kä bi mun kɛɛliw pɛ̈t ce̱tnikɛ ja̱th.

I-ca-yaa 51:17

Jiɛc rɔ jiɛc rɔ, jiecni rɔ cuɔ̱ŋ lö Jɛ-ru-tha-lɛm, ji̱n min ci yɔ̱ŋ kɛ gak Kuɔth Nhial, ci Kuoth ji̱ jak kä maathi jɛ amäni nuɔ̱ɔ̱rɛ, ci jɛ liɛli piny kɛɛliw ɛ ria̱th ni ji̱n.

Bok Go̱kä ni Yir-mɛ-yaa 25:27

Kä cu Kuoth Nhial in la Ruey Ɣɔaa ni Kuoth I-thɛ-rɛl wee i̱, “Bi kɛ la̱t nɛmɛ i̱, ‘Ma̱thɛ, a bia yɔ̱ŋ kä bia ŋɔk, piɛkɛ rɔ kä /cia rɔ bi jiɛc kɛ kui̱ köör in ja̱kä kä rɛydun.’

Bok Go̱kä ni Yir-mɛ-yaa 49:12

Kɛ ɣöö ci Kuoth Nhial wee i̱, “Mi ci nɛy tin /ca dee duäc riɛk jek, deri lɛ wä a /ka̱n duäc? /Ci dee met wä ɛ /ka̱n duäc, ba ji̱ yi̱k duäc.

Bok Go̱kä ni Yir-mɛ-yaa 51:57

Bä ruëëckiɛn kɛnɛ wutnikiɛn tin pɛl pɛɛl jak kä yɔ̱ŋ kɛ kɔaaŋ. Kua̱r kɛnɛ guɔ̱ɔ̱rkiɛn amäni wutni köör bä, bi kɛn diaal niɛɛn kɛ nien mi /cikɛ bi lɛ keer thi̱n,” ruac ni ɣän Kuäär, min cɔalkɛ ciötdɛ i̱ Kuoth Nhial in la Ruey Ɣɔaa.

Jiɛth 4:21

A lɔcdu tɛth lö nya Ɛ-dɔm min cieŋ kä Udh, duuŋdɛ ɣöö bi lɛni da̱k bä, a bi ja̱l ni juutdä.

Yɛdh 20:48

Kä bi naath diaal ɛ cu nɛn ɛn ɣöö ɛ ɣän Kuoth Nhial ɛ nëë dɔp mac, kä /ca jɛ bilɛ luäŋ kɛ yieny.”

Yɛdh 38:22

Kɛ liaw kɛnɛ ko̱r ɣän bä Gog luk kɛ kɛ. Ɣän bä nhiaal thuɔ̱ɔ̱l kɛnɛ nhiaal guiiyni, kɛ mac kɛnɛ tol mi tekɛ ŋuäny mi jiääk, jakä dɛm kä jɛ kɛnɛ rɛmdɛ kɛ nɛy tin ŋuan tin te kɛɛl kɛ jɛ.

Bok Go̱kä ni Ɣä-bɛ̈-kuk 2:16

Kä bi thia̱a̱ŋ ni ji̱n kɛ pöc kɛ gua̱th wutädu. Ji̱n puɔ̱nydu bi maath kɛ kɔaŋ, kä bi yɔ̱ŋ a bi te ni baaŋ! Liɛɛr kɔŋä min te tetdä cuëëc Kuɔth Nhial a luc rɔ ji̱ ni, a bi pöc wuɔ̱tdu kuɔ̱m ni piny!

Mɛ̈t 20:22

Kä cu Yecu ɛ loc i̱, “Kuecɛ min thiëcɛ. Dërɛ jɛ luäŋ ɛn ɣöö bia maath kɛ liɛɛr in bä maath kɛ jɛ?” Cukɛ jɛ loc i̱, “Lua̱ŋkɔ rɔ̱.”

Mɛ̈t 25:41

Kä jɛn bɛ nɛy tin te caamdɛ jiök i̱, ‘Wuɔcɛ rɔ̱ kutdä, yɛn nɛy ti ca bit. Wiaa rɛy maac in thil pek in ca rialikä kɛ kui̱ gua̱n jiäkni kɛnɛ ja̱a̱kɛ.

Mɛ̈t 26:39

Kä min wëë nhiam kä mi tɔt, cuɛ wi̱cdɛ guɔ̱l piny kä cuɛ pal i̱, “Gua̱di̱n, mi lotdɛ rɔ, ɛ liɛɛr ɛmɛ wooc rɔ kä ɣä. Kä /ci mɔ a min göörä, ɛ min go̱o̱ri.”

Mak 8:38

Kɛ ɣöö mi wä raan pöc kɛ ɣä kɛnɛ ruaacnikä rɛy ri̱cä mɛ jiääk ɛmɛ mɛ thil ŋa̱th, bi Gat Ran pöc kɛ jɛ bä, mi wëë wä ben kɛ gɔɔy puɔnyä Gua̱n kɛɛl kɛ ja̱a̱k nhial tin rɛl gɔɔydiɛn rɔ.”

Mak 9:44

Ɛ jɛn gua̱a̱th in /ci lɔa̱a̱t li̱w thi̱n, kä /ca mac bi met yieny.]

Lät Jaakni Yecu 10:22

Cukɛ jɛ loc i̱, “Tëëkɛ ram mi cɔal i̱ Kor-ni-läth kuäär lathkëëri ti kuɔ̱r. Ɛ wut mi gua̱n cuŋni kä luthɛ Kuoth, kä luɔthkɛ jɛ ɛ do̱r ji̱ Juudh kɛɛliw. Ca jɛ jiök ɛ jääk in rɛl rɔ, ɛn ɣöö bɛ ji̱ jäk kä raan kɛ ɣöö bi wä dueelɛ kä bɛ mɔ bi lat ɔ liŋ.”

Ŋuɔ̱t 29:23

(Bi mun kɛɛliw ayian ce̱tkɛ wäl in waŋkɛ kɛnɛ milɛ, kä ɛn mun in /ci waaŋ, /ca dëë pi̱th, kä /cɛ dëë do̱ny kɛ wal ce̱tdɛ nikɛ Thɔ-dɔm, kɛnɛ Go-mo-ra kɛ A-dɛ-ma, kɛ Dhɛ-bo-yim, tëë däk Kuoth Nhial kɛ kɛ kɛ̈cdɛ).

2 Thɛ 1:7

kä bɛ yɛ moc lɔ̱a̱ŋ yɛn nɛy tin tekɛ rik, amäni kɔn bä bɛ kɔ moc lɔ̱a̱ŋ, mi wä Kuäär ni Yecu jɔɔc nhial kɛɛl kɛnɛ ja̱a̱kɛ tin bum,

Juud 1:7

Kä timɛ bä ɛn ɣöö wec Thɔ-dɔm kɛnɛ Go-mo-ra kɛ rɛ̈k tëë thia̱k kɛ kɛ, tëë ci ji̱kiɛn lät ce̱tkɛ ja̱a̱k ti̱ti̱ tëë ci ciaaŋ tɔ̱ɔ̱cä kɛ leerä mi jiääk la̱t kä cukɛ kac raar. Kä cukɛ cuuc kɛ duäc maac mi do̱raar ala nyuuth kɛ kui̱ nɛɛni diaal.

Nyuuth 15:7

Kä cu ley kɛl kä ley da̱ŋ ŋuan tin tëk ja̱a̱k nhial da̱ŋ bärɔw ka̱m thääk dääpä da̱ŋ bärɔw ti thiäŋ kɛ waŋ lɔaac Kuɔth, min tëk kɛ tëk mi do̱raar.

Nyuuth 16:19

Cu wec in di̱i̱t rɔ da̱a̱k kä diɔ̱ɔ̱k, kä cu wi̱i̱ dööri tëth. Cu Kuoth Bɛ̈-bi-lɔn in di̱i̱t tim, cuɛ jɛ jakä mäthɛ kɛ kɔaŋ waŋä lɔaac Kuɔth in te rɛy lirä.

Nyuuth 18:3

Kɛ ɣöö ci döör diaal yɔ̱ŋ kɛ kɔaŋ leerädɛ mi jiääk, kä ci kua̱r wec muɔ̱ɔ̱n leer la̱t kɛ jɛ, kä ci ji̱ ko̱kä wec muɔ̱ɔ̱n ria̱ŋ kɛ nyin leerädɛ.”

Nyuuth 18:6

La̱tdɛ jɛ kä mi ce̱tkɛ min cɛ lät kä yɛ, kä cuɔ̱lɛ jɛ ikä kä rɛɛw kɛ kui̱ lätnikɛ. Liömɛ jɛ kɔaŋ mi kɛc mi thiääŋ liɛɛr ëë la kämɛ yɛ.

Nyuuth 19:15

Kä bä thɛp mi moth moth raar thokdɛ mi bɛ näk ni döör, kä bɛ kɛ ruac kɛ kɛɛt yieethä. Kä bɛ kɔaŋ nhiac raar gua̱a̱th nhiecä dɛɛni wal kɛ ŋɛ̈ny waŋä lɔaac Kuɔth in Leny Buɔ̱mdɛ ti Diaal.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.

Nyuuth 20:14

Kä ɛnɔ cua Lia̱a̱ kɛnɛ Ro̱l Jɔɔkni yuɔr bar maac. Jɛn bar maac ɛmɛ ɛ lia̱a̱ in rɛwdɛ.

Nyuuth 21:8

Kä kɛ kui̱ nɛɛni ti dual duaal, ti thil ŋa̱th, kɛ ji̱ nyuɔɔni kɛnɛ na̱a̱k nath, kɛ lëër, kɛnɛ ti̱t, kɛ pa̱a̱l kuthni jiɛth, kɛnɛ ji̱ ka̱a̱cni diaal, bi gua̱a̱thdiɛn a bar maac mi pɛt kɛ wäl mi kɛc ŋuänydɛ min la lia̱a̱ in rɛwdɛ.”