Nyuuth 13:8 - RUAC KUƆTH IN RƐL RƆ

⁸ kä bi ji̱ wec muɔ̱ɔ̱n diaal jɛ pal, nɛy diaal tin /ka̱n ciöötkiɛn gɔ̱r ni tukä ɣɔaa rɛy warɛgakä teekä Ruath Dɛ̈ɛ̈l min ca ŋot.

Nyuuth 13:8 Iomraidhean Croise

Tuk Cäkä Ɣɔaa 22:7

Min jälkɛ, cu Ay-dhɛk gua̱n ku jiök i̱, “Gua̱.” Cu gua̱n wee i̱, “Ɛ ji̱n i̱di gatdä.” Cuɛ gua̱n jiök i̱, “Kɔn ja̱lnɛ kɛ mac kɛnɛ tɔŋ, kä dɛl in bi ku la muc mi ba waŋ ani?”

Diit 69:28

Ɛ ciöötkiɛn ka̱mkɛ raar rɛy buɔk teekä, kä akɛ /ca bi mat rɛy nɛɛni tin gɔw.

Ɣöth 32:32

Kä täämɛ mi lotdɛ rɔ, ɛ nɛ latdä mi kɛ Ji̱, ni kɛ ruacdu, päli kɛ dueerkiɛn, kä mi /ci lɔcdu bi luɔ̱ɔ̱c piny kɛ duerkiɛn, la̱ŋä ni ji̱, kɛkni ciötdä raar rɛy warɛgakädu min ci gɔ̱r.”

I-ca-yaa 4:3

Kä nɛy tin ŋot kɛ tëk kä Dha-yɔn tin ci duɔth kä Jɛ-ru-tha-lɛm bakɛ cɔli ti rɛ̈lkɛ rɔ̱, kɛn nɛy tin ca ciöötkiɛn gɔ̱r tin tëk kä Jɛ-ru-tha-lɛm.

Bok Go̱kä ni Da-ni-yel 12:1

“Kɛ jɛn gua̱a̱th ɛ mɔ bi jääk Kuɔth ni Mi-ka-el in la gääŋ nɛɛniku in di̱i̱t rɔ jiɛc. Kä bɛ tekɛ gua̱a̱th pärä mi /ken met tuɔɔk ni mëë ku döör rɔ̱ tok. Duundɛ ɣöö ɛn guäth ɛmɔ ba nɛɛku kän, kɛn nɛy diaal tin ca ciöötkiɛn jek a ca gɔ̱r rɛy buɔk.

Mɛ̈t 25:34

Kä bi Kuäär nɛy tin te cueecdɛ jiök i̱, ‘Bia, lö nɛy tin ca poth ɛ Gua̱a̱r, ka̱nɛ nyin kuäärä tëë ca rialikä kɛ kui̱dun ni tukä ɣɔaa.

Luk 10:20

A lo̱ckun /ci tɛth kɛ ɣöö ci yiey ti jiäk rɔ̱ lua̱r yɛ, a lo̱ckun tɛth kɛ ɣöö ca ciöötkun gɔ̱r nhial.”

Jɔ̱ɔ̱n 1:29

Mëë ruɔ̱n cu Jɔ̱ɔ̱n Yecu nɛn a bä kä jɛ, cuɛ wee i̱, “Nɛ̈nɛ jɛ, ɛ jɛn Ruath Dɛ̈ɛ̈l Kuɔth in bi dueer ɣɔaa woc!

Ji̱ Ɛ-pɛ-thäth 1:4

Kä cɛ kɔn mɛk a /ka̱n ɣɔw ni cak rɛy Kritho kɛ ɣöö bi kɔn a nɛy ti rɛ̈l kɛ rɔ̱, ti thil bɛ̈l nhiamdɛ rɛy nho̱kä.

Ji̱ Pi-li-pi 4:3

Kä ɣän thiëëcä ji̱ bä, ji̱n läät kɛ̈ɛ̈l kɛ ɣä, luäk män ti̱ti̱ kɛ ɣöö cikɛ lät kɛɛl kɛ ɣä rɛy thukni ti gɔw kɛɛl kɛ Kä-lɛ-mɛnt, kɛ nɛy tin kɔ̱kiɛn tin lät kɛ ɣä kɛɛl, tin te ciöötkiɛn rɛy buɔk teekä.

Tay-täth 1:2

Jɛn ŋa̱th ɛmɔ bëë kä ŋa̱th teekä mi do̱raar, min ci Kuoth in kui̱c kac ɛ lar ɛ /ka̱n gua̱a̱th ni tok.

Nyuuth 12:15

Cu thɔ̱l pi̱ ti ce̱tkɛ kir ŋɔak kɔɔr ciëk kɛ thokdɛ, kɛ ɣöö bɛ jɛ lɔak dɔɔr kɛ nyɔc.

Nyuuth 13:12

Lätdɛ kɛ lua̱ŋ lɛ̱̈ɛ̱̈ in jio̱l. Kä cuɛ wi̱c muɔ̱ɔ̱n kɛnɛ nɛy tin ciaŋ kɛ jɛ kä palkɛ ley in jio̱l, min ca buɔ̱tdɛ in no̱ŋ jɛ lia̱a̱ jakä gɔaa.

Nyuuth 17:8

Ley in ci nɛn cɛ kɔŋ te thi̱n, kä /cɛ lɛ ŋot thi̱n, bëë raar rɛy kɔ̱kä mi thil piny kä wëë däkä. Kä nɛy tin ciaŋkɛ wi̱c muɔ̱ɔ̱n tin /ka̱n ciöötkiɛn gɔ̱a̱r rɛy warɛgakä teekä ni tukä ɣɔaa, bikɛ ga̱a̱c mi wa ley wä nɛn. Kɛ ɣöö cɛ kɔŋ te thi̱n, kä /cɛ lɛ ŋot thi̱n, kä bɛ ben.

Nyuuth 21:27

Kä thilɛ duɔ̱ɔ̱r mi jiääk mi bi wä rɛydɛ, kiɛ ram mi lät nyuɔɔn, kiɛ ka̱a̱cni, ɛ ni nɛy tin ca ciöötkiɛn gɔ̱a̱r rɛy buɔk teekä Ruath Dɛ̈ɛ̈l.

Nyuuth 3:10

Kɛ ɣöö cia ruacdä käp kɛ ruɔ̱t bitdä, bä yɛ gaŋ kä riɛk in bëë rɛy ɣɔaa kɛɛliw, kɛ ɣöö bɛ nɛy tin cieŋ wi̱i̱ muɔ̱ɔ̱n ben ɣɔ̱n.

Nyuuth 3:20

Liŋɛ! Ɣän cuɔ̱ŋä thok duëël kä dɔaŋä thi̱i̱k. Mi tëë kɛ ram mi liŋ jɔwdä kä lɛpɛ thi̱i̱k, bä ben rɛc kä jɛ, bä mi̱th kɛ jɛ kɛɛl, kä bɛ mi̱th kɛ ɣä kɛɛl.

Nyuuth 3:5

Ram mi wä tiëm ba jɛ rony kɛ bieyni ti bo̱o̱r, kä /cä ciötdɛ bi cuɔ̱th raar rɛy warɛgakä teekä. Bä ciötdɛ lat nhiam Gua̱a̱r kɛnɛ nhiam ja̱a̱knikɛ.

Nyuuth 5:12

Kä cukɛ kiet kɛ jɔw mi di̱i̱t i̱, “Gɔaa Ruath Dɛ̈ɛ̈l ëë ca näk, kɛ ɣöö bɛ buɔ̱m kɛnɛ ria̱ŋ, kɛ pɛl kɛnɛ lua̱ŋ, kɛ luth kɛnɛ puɔny, amäni puɔ̱th ka̱n!”

Nyuuth 5:13

Kä cua ti diaal tin ca cak tin te nhial kɛnɛ wi̱c muɔ̱ɔ̱n kɛ piny kɛnɛ bar, kɛ ti diaal tin te rɛydiɛn liŋ, ki̱tkɛ i̱, “A puɔ̱th mi thil pek, kɛnɛ luth kɛ puɔny kɛnɛ buɔ̱m, tekɛ ram min nyuur wi̱i̱ kɔam kuäärä, kɛnɛ Ruath Dɛ̈ɛ̈l!”

Nyuuth 6:1

Täämɛ cua̱ Ruath Dɛ̈ɛ̈l nɛn lɛpɛ di̱i̱l kɛl kä di̱i̱li da̱ŋ bärɔw, cua ley kɛl kä ley da̱ŋ ŋuan tin tëk liŋ cio̱tdɛ kɛ jɔw mi ce̱tkɛ mar nhial i̱, “Bër!”