Nyuuth 13:7 - RUAC KUƆTH IN RƐL RƆ

⁷ Kä ɛnɔ bä cua jɛ pa̱l ɣöö bɛ ko̱r tɛr kɛ nɛy tin ci Kuoth kɛ lɛy, kä bɛ kɛ tiam. Ca jɛ ka̱m buɔ̱m wi̱i̱ thukni duëli diaal, kɛ naath kɛnɛ ji̱ thukni, kɛ döör diaal,

Nyuuth 13:7 Iomraidhean Croise

Ɣöth 9:16

kä ɣän ci jak kä tëk kɛ luɔt kä ɣöö bä yɛ nyuɔ̱th buɔ̱mdä kɛnɛ ɣöö dëë ciötdä cu këëk rɛy ɣɔaa kɛɛliw.

I-ca-yaa 10:15

Ɛ dëë jio̱p rɔ ku liak kɛ ram in jɔp jɛ, kiɛ dëë ŋemɛ rɔ kap nhial kɛ ram in ŋok jɛ duɔ̱ɔ̱r? Kä /ci kɛɛt ram in rɔm jɛ dëë ruac, kä /cɛ raan dëë kap!

I-ca-yaa 37:26

“Kä /keni jɛ ku liŋ ni wal, ɛn ɣöö cä lat ni wal? Ɛn mi kua̱ lɛ jak kä tuɔɔk ɛ, ɛn ɣöö bi wi̱i̱ ti buɔ̱m buɔ̱ɔ̱m jak kä di̱r mi jiääk,

Bok Go̱kä ni Yir-mɛ-yaa 25:9

ɣän bä thuk duëli kuec caam diaal kɛnɛ Nɛ-bu-kad-nɛ-dhar kuäär Bɛ̈-bi-lɔn jäk kä ja̱ŋdä, bi kɛ mun ɛmɛ kɛnɛ ji̱kɛ ben mak, kɛ döör diaal tin te thiekä. Ɣän bä kɛ däk ni kɛn diaal, kä bä kɛ jak kä riɛk, kä bɛ nëën gäy, bi kɛ da̱k amäni cäŋ kɛl.

Bok Go̱kä ni Da-ni-yel 12:1

“Kɛ jɛn gua̱a̱th ɛ mɔ bi jääk Kuɔth ni Mi-ka-el in la gääŋ nɛɛniku in di̱i̱t rɔ jiɛc. Kä bɛ tekɛ gua̱a̱th pärä mi /ken met tuɔɔk ni mëë ku döör rɔ̱ tok. Duundɛ ɣöö ɛn guäth ɛmɔ ba nɛɛku kän, kɛn nɛy diaal tin ca ciöötkiɛn jek a ca gɔ̱r rɛy buɔk.

Bok Go̱kä ni Da-ni-yel 7:21

Kä min ta̱a̱ gui̱c jɛn tuŋ ɛmɔ cuɛ nyiëëny kɛ nɛy tin ŋa̱thkɛ Kuoth kä cuɛ kɛ joc,

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Luk 4:6

Kä cuɛ jɛ jiök i̱, “Ɣän bä ji̱ ka̱m rui̱c kä ti̱ti̱ diaal amäni gɔɔydiɛn, kɛ ɣöö ca jɛ ka̱m ɣä, kä bä jɛ ka̱m ram mɔ göörä mɔ.

Jɔ̱ɔ̱n 19:11

Cu Yecu jɛ jiök i̱, “Ji̱n thilɛ lua̱ŋ kɛ ɣä, ɛ ni mi /ca jɛ ka̱m ji̱ ni nhial. Kɛ kui̱ ɛmɔ ram ëë käm ɣä ji̱ cɛ duer kɛ duer mi di̱i̱t.”

Nyuuth 10:11

Kä cukɛ ɣä jiök i̱, “Bi ruac Kuɔth dhil nyɔk kɛ lat kɛ kui̱ nath, kɛ döör, kɛnɛ thuk ti gööl, kɛ kua̱r.”

Nyuuth 11:18

Cu döör ŋɛ̈ny, kä cu waŋ lɔaacdu ben, gua̱a̱th in ba luk ni nɛy tin ci li̱w. Kä ci gua̱a̱th ben min bi col ni ja̱a̱ŋku ni göök, nɛy tin ci lɛy, kɛ nɛy diaal tin luɔ̱thkɛ ciötdu, nɛy tin tiɛtni kɛnɛ nɛy tin di̱t, kä cu gua̱a̱th ben min ba däk ni nɛy tin ca ɣɔw däk.”

Nyuuth 11:7

Kä mi wäkɛ nëndiɛn wä thuk kɛ lat, bi ley in bä raar kɔ̱kä mi thil piny nyiëëny kɛ kɛ. Bɛ kɛ puɔ̱t kä bɛ kɛ näk,

Nyuuth 12:17

Kä cu nyaŋ gaak kɛ ciek, cuɛ rɔ ri̱t cuɛ ko̱r wä tɛr kɛ duɔth gan ciek, nɛy tin ka̱pkɛ ŋuɔ̱t Kuɔth, kä tiɛtkɛ nën Yecu.

Nyuuth 17:15

Kä cu jääk nhial ɣä jiök i̱, “Pi̱ tin ci nɛn, guäth in nyuur ler thi̱n, kɛ bua̱n nɛɛni ti ŋuan, kɛnɛ döör kɛ thuk ti gööl.

Nyuuth 5:9

Kä cukɛ dit mi pay cak kɛt, wäkɛ i̱, “Ji̱n ro̱ŋi kɛ ɣöö bi ko̱l gɔ̱rä ka̱n, kä bi di̱i̱likɛ lɛp, kɛ ɣöö ca ji̱ näk, kä kɛ riɛmdu ci naath luël Kuoth, kä thuk duëli diaal kɛnɛ thuk ti gööl, kɛ döör, amäni ji̱ röli diaal,