Nyuuth 13:5 - RUAC KUƆTH IN RƐL RƆ

⁵ Kä cua ley moc kɛ thok mi ruac liakä, mi kuethɛ Kuoth, kä ca jɛ pa̱l buɔ̱m kɛ päth ti jiɛn da̱ŋ ŋuan wi̱cdɛ rɛw.

Nyuuth 13:5 Iomraidhean Croise

Diit 12:3

A Kuoth Nhial käp lëëp diaal, tin latkɛ ka̱a̱cni cuɔ̱ŋ, kɛnɛ nɛy tin liakɛ rɔ̱ ɛlɔ̱ŋ,

Yɛdh 35:13

Kä ci yɛn rɔ̱ kap nhial a gakɛ kɛ ɣä kɛ thukun, a rëpɛ gakdun kɛ ɣä, ɣän cä jɛ liŋ.

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Bok Go̱kä ni Da-ni-yel 12:12

Tɛ̈th lɔaac akɛ nɛy tin bi pek ni̱ni ti bathdɔɔr kɛl wi̱cdɛ kur diɔ̱k wi̱cdɛ jiɛn diɔ̱k wi̱cdɛ dhieec cop.

Bok Go̱kä ni Da-ni-yel 7:11

Kä cua̱ gui̱c kɛ ɣöö tuŋ rɔalɛ kɛ rieet liakä ti latdɛ kɛ jɔw mi di̱i̱t. Kä min ta̱a̱ gui̱c cua ley näk, kä cua puɔ̱nydɛ däk a cua ri̱ŋdɛ waŋ kɛ mac.

Bok Go̱kä ni Da-ni-yel 7:20

Kä göörä ɣöö bä thuɔ̱k ŋa̱c kɛ kui̱ tuɔ̱ŋnikɛ da̱ŋ wäl tin te wi̱i̱dɛ amäni tuŋ in dɔ̱diɛn in ci päl, min cu tuɔ̱ŋ da̱ŋ diɔ̱k thuɔ̱c raar, jɛn tuŋ in tekɛ nyin kɛnɛ thok min ruac ni liakä, min ce̱t di̱t ni jɛn kä tin kɔ̱ŋ.

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Bok Go̱kä ni Da-ni-yel 7:8

Kä min ta̱a̱ gui̱c tuɔ̱ŋni, cu tuŋ mi dɔ̱ŋ päl, ɛ tuŋ mi tɔt, cuɛ päl dääriɛn, kɛ ɣöö bɛ kulɛ tekɛ gua̱a̱th, cua tuɔ̱ŋ da̱ŋ diɔ̱k ka̱m raar kä tuɔ̱ŋ tin nhiam. Kä ɛn tuŋ ɛmɔ tëë kɛ nyin ti ce̱tkɛ nyin ran, kɛ thok mi ruac ni liakä.”

Bok Go̱kä ni Da-ni-yel 8:14

Kä cuɛ ɣä loc wëë i̱, “Bɛ la ni̱n ti bathdɔɔri rɛw wi̱cdɛ kur diɔ̱k, kɛ kɔrɛ ba luak Kuɔth kulɛ nyɔk kɛ lätni.”

2 Thɛ 2:3

A thil ram mi mɛɛt yɛ kɛ ca̱p dɔ̱diɛn. Kɛ ɣöö /ci Cäŋ ɛmɔ bi ben ɛ ni mi ci gua̱a̱th kacä nath raar kɔŋ ben, kä ci ram in thil ŋut jɔɔc, jɛn ram in ba däk.

2 Thɛ 2:4

Kä jɛn bɛ mɔ cɔalkɛ mɔ i̱ Kuoth kiɛ mɔ palkɛ mɔ gak, kä bɛ rɔ kap nhial wi̱i̱diɛn diaal. Kä jɛn bä bɛ wä nyuur ni rɛy Luaak Kuɔth, kä bɛ wee ɛ jɛn Kuoth.

2 Thɛ 2:8

Kɛ kɔrɛ, bi ram in thil ŋut cu jɔɔc, kä bi Kuäär ni Yecu jɛ däk kɛ duäŋ thuɔkdɛ, kä bɛ jɛ jakä thil kɛ buay benädɛ.

Nyuuth 11:7

Kä mi wäkɛ nëndiɛn wä thuk kɛ lat, bi ley in bä raar kɔ̱kä mi thil piny nyiëëny kɛ kɛ. Bɛ kɛ puɔ̱t kä bɛ kɛ näk,

Nyuuth 12:14

Kä duundɛ ɣöö cua ciek ka̱m gɔ̱k kuëth in di̱i̱t da̱ŋ rɛw, kɛ ɣöö derɛ rɔ bar kɛ thɔ̱l barɛ rɔ däär dɔaar, guäth in ba jɛ wä mi̱eeth thi̱n kɛ run da̱ŋ diɔ̱k kɛ nuth.

Nyuuth 12:6

Kä cu ciek rɔ bar guäth mi te baaŋ, mi ci Kuoth ɛ rialikä kɛ kui̱dɛ, guäth in ba mi̱eth thi̱n kɛ ni̱n ti bathdɔɔr kɛl wi̱cdɛ kur rɛw, wi̱cdɛ jiɛn bäkɛl.

Nyuuth 13:7

Kä ɛnɔ bä cua jɛ pa̱l ɣöö bɛ ko̱r tɛr kɛ nɛy tin ci Kuoth kɛ lɛy, kä bɛ kɛ tiam. Ca jɛ ka̱m buɔ̱m wi̱i̱ thukni duëli diaal, kɛ naath kɛnɛ ji̱ thukni, kɛ döör diaal,