Nyuuth 13:17 - RUAC KUƆTH IN RƐL RƆ

¹⁷ Kä thilɛ ram mi dee duɔ̱ɔ̱r kɔk kiɛ dee duɔ̱ɔ̱r kɔak, ɛ ni mi tëëkɛ biɛl min la ciöt lɛ̱̈ɛ̱̈, kiɛ pek cio̱tädɛ.

Nyuuth 13:17 Iomraidhean Croise

Ji̱ Gä-lëë-cia 6:17

A tɛmɛ ni ɛn täämɛ a thil ram mi jut ɣä, kɛ ɣöö te puɔ̱nydä kɛ pia̱ri kɛ kui̱ Yecu.

Nyuuth 13:16

Kä cuɛ nɛy diaal, tin tiɛtni kɛnɛ tin di̱t, tin riäŋ kɛnɛ nɛy tin can, tin lɔr kɛnɛ kuaany kɛ ɣöö ba tet cuëëcdiɛn kiɛ nhiam kaandiɛn moc biɛl.

Nyuuth 13:18

Kä ciöt ɛmɛ ɛ pɛl, kä ram mi tekɛ ŋäc go̱o̱r pek lɛ̱̈ɛ̱̈, kɛ ɣöö ɛ jɛn pek ran. Pekdɛ ɛ kur bäkɛl wi̱cdɛ jiɛn bäkɛl, wi̱cdɛ bäkɛl.

Nyuuth 14:11

Kä bi tol maac in waaŋkɛ wä nhial amäni cäŋ kɛl. Kä bɛ thil lɔ̱a̱ŋ, kɛ cäŋ kiɛ wäär, kä nɛy tin palkɛ ley kɛnɛ cätdɛ, amäni ram ɔ ci biɛl cio̱tädɛ jek ɔ.”

Nyuuth 14:9

Kä cu jääk nhial dɔ̱diɛn in diɔ̱ɔ̱kdiɛn kɛ guɔ̱ɔ̱r, ruacɛ kɛ jɔw mi di̱i̱t i̱, “Nɛy tin palkɛ ley kɛnɛ cätdɛ, kä tek kɛ biɛl nhiam kaandiɛn kiɛ tetdiɛn,

Nyuuth 15:2

Kä cua mi ce̱tkɛ bar mi ti̱l ti̱l mi ca lia̱a̱p kɛ mac nɛn. Kä cua nɛy tin ca ley kɛnɛ cätdɛ puɔ̱t, kɛ pek cio̱tädɛ cuŋä gëëkni bar in ti̱l ti̱l, a te thuɔmni Kuɔth tetnikiɛn.

Nyuuth 17:5

Kä ca ciöt mi /ca luɔtdɛ ŋäc gɔ̱a̱r nhiam kaandɛ wëë i̱, “Bɛ̈-bi-lɔn in di̱i̱t, man lëëri kɛnɛ nyuɔɔn wec muɔ̱ɔ̱n.”

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 22:4

Bikɛ waŋdɛ nɛn, kä bi ciötdɛ te nhiam kaandiɛn.

Nyuuth 3:12

Mi wä yɛn wä tiëm ɣän bä yɛ jakä thi̱r rɛy luaak Kuɔthdä. Kä /cia bi met wä raar rɛydɛ. Bä ciöt Kuɔthdä gɔ̱a̱r puɔ̱nydɛ, kɛnɛ ciöt wec Kuɔthdä min la Jɛ-ru-tha-lɛm in pay ben piny nhial kä Kuothdä, kɛnɛ ciötdä in pay cak.

Nyuuth 7:3

Ɛn jääk cuɛ wee i̱, “/Cuarɛ wi̱c muɔ̱ɔ̱n kiɛ bar kiɛ jiɛn däk, amäni mi wakɔ la̱a̱t Kuɔthda nhiam kaandiɛn wä moc biɛl kɛ thääny.”