Nyuuth 13:10 - RUAC KUƆTH IN RƐL RƆ

¹⁰ “Mi ba raan naŋ ala pɛ̈c, bɛ wä ala pɛ̈c. Kä ram mi näk raan kɛ thɛp, ba jɛ dhil näk kɛ thɛp.” Mɛmɛ ɛ jɛn ciöt kɛ kui̱ rutdä kɛnɛ ŋa̱th nɛɛni tin ci Kuoth kɛ lɛy.

Nyuuth 13:10 Iomraidhean Croise

I-ca-yaa 14:2

Kä bi döör kɛ luɔc muundiɛn, kä bi ji̱ I-thɛ-rɛl kɛ jak kä kuaany, wutni kɛnɛ män muun Kuɔth Nhial. Bikɛ nɛy tëë pɛɛckɛ jak kä pɛ̈ɛ̈c, kä bikɛ nɛy tëë ciaŋkɛ kɛ a jiäk ruac.

I-ca-yaa 26:21

Nɛnɛ Kuoth Nhial bëë raar guäth cieŋädɛ, kɛ ɣöö bɛ ji̱ wec muɔ̱ɔ̱n ben duäc, kɛ kui̱ dueerikiɛn, bi mun riɛm in ca wuɔ̱th thi̱n lat, /cɛ nɛy tin ca näk thi̱n bi tɛ̱̈ɛ̱̈.

I-ca-yaa 33:1

Riɛk akɛ ji̱ lö dääk, ji̱n ram mi /ka̱n met däk, riɛk akɛ ji̱ lö gua̱n luɔm, ji̱n ram mi /ka̱n met luɔm! Mi wi̱i̱ däk nath wä päl, ba ji̱ däk, kä mi wi̱i̱ lom nath wä päl, ba ji̱ cu luɔm bä.

Bok Go̱kä ni Yir-mɛ-yaa 15:2

Wockɛ waaŋdä, akɛ wëë! Kä mi wa ji̱ wä thiec i̱, ‘Ɛ wɛ̱̈ɛ̱̈nith bakɔ wä thi̱n ɔ?’ Bi kɛ jiök i̱, ‘Nɛmɛ ɛ min ci Kuoth Nhial jɛ lar i̱, “Nɛy tin bi li̱w kɛ juey bi juey kɛ näk, kä tin bi li̱w kɛ ko̱r ba kɛ näk ko̱o̱r, kä tin bi li̱w kɛ buɔth ba kɛ näk ɛ buɔth, kä tin ba pɛc nikɛ ba kɛ pɛc.” ’

Bok Go̱kä ni Yir-mɛ-yaa 43:11

Jɛn bɛ mun I-jëp ben mak, kä bɛ nɛy tin dee li̱w kɛ liaw li̱w kɛ liaw, kä bɛ nɛy tin dee ɛ jak kä pɛ̈ɛ̈c, jak kä pɛ̈ɛ̈c. Kä nɛy tin dee li̱w kɛ ko̱r, jak kä li̱w ko̱o̱r.

Jiɛth 3:26

Kä gɔaa ni ɣöö liipi luäk Kuɔth Nhial bitdä.

Bok Go̱kä ni Ɣä-bɛ̈-kuk 2:3

Gɔ̱r ni jɛ piny kɛ ɣöö /ken gua̱a̱thdɛ ni ben, kä bɛ ben kɛ pɛ̈th, kä bɛ thuɔ̱k. Kä mi cɛ jääny, lipɛ, bɛ ben ɛ thuɔ̱k, /cɛ bi jääny.

Mɛ̈t 26:52

Kä cu Yecu jɛ jiök i̱, “Locni thɛpdu guäthdɛ, kɛ ɣöö nɛy diaal tin ka̱nkɛ thɛpni bikɛ li̱w kɛ thɛpni.

Mɛ̈t 7:2

Kɛ ɣöö ba yɛ luk kɛ duɔ̱ɔ̱p in luk yɛnɛ naath, kä ba yɛ kum kɛ ŋut in kum yɛnɛ nɛy kɔ̱kiɛn.

Luk 21:19

Kɛ dhieelun bia tëkdun jek.”

Ji̱ Ko-lɔ-thi 1:11

A yɛ ba jakä bum kɛ buɔ̱m kɛɛliw, min bëë kä buɔ̱mdɛ min diit kɛ ruɔ̱t kä ti diaal kɛ biɛt kɛ tɛ̈th lɔaac.

Ji̱ Ɣi-bɛ-ru 6:12

Kɛ ɣöö /ci nɛy ɛ go̱o̱r ɛn ɣöö bi yɛn a duaali, duundɛ ɣöö bia ce̱tkɛ nɛy tin ŋa̱th kä lip bitdä, kä jëkɛ min ci Kuoth ɛ lar.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 11:18

Cu döör ŋɛ̈ny, kä cu waŋ lɔaacdu ben, gua̱a̱th in ba luk ni nɛy tin ci li̱w. Kä ci gua̱a̱th ben min bi col ni ja̱a̱ŋku ni göök, nɛy tin ci lɛy, kɛ nɛy diaal tin luɔ̱thkɛ ciötdu, nɛy tin tiɛtni kɛnɛ nɛy tin di̱t, kä cu gua̱a̱th ben min ba däk ni nɛy tin ca ɣɔw däk.”

Nyuuth 14:12

Mɛmɛ ɛ ciöt kɛ kui̱ rutdä nɛɛni ti ci Kuoth kɛ lɛy tin ka̱pkɛ ŋuɔ̱t Kuɔth kɛnɛ ŋa̱th Yecu.

Nyuuth 16:6

Kɛ ɣöö ci naath riɛm nɛɛni ti ci Kuoth kɛ lɛy kɛnɛ göök wuɔ̱th piny, cikɛ moc riɛm mi ba math. Ɛ jɛn min ro̱ŋ kɛ kɛ!”

Nyuuth 17:11

Kä kɛ kui̱ lɛ̱̈ɛ̱̈ in ci kɔŋ te thi̱n, kä /ci lɛ ŋot thi̱n, jɛn ɛ bädäk kua̱ri kä ɛ kɛl kä kua̱r da̱ŋ bärɔw min ba däk.

Nyuuth 17:8

Ley in ci nɛn cɛ kɔŋ te thi̱n, kä /cɛ lɛ ŋot thi̱n, bëë raar rɛy kɔ̱kä mi thil piny kä wëë däkä. Kä nɛy tin ciaŋkɛ wi̱c muɔ̱ɔ̱n tin /ka̱n ciöötkiɛn gɔ̱a̱r rɛy warɛgakä teekä ni tukä ɣɔaa, bikɛ ga̱a̱c mi wa ley wä nɛn. Kɛ ɣöö cɛ kɔŋ te thi̱n, kä /cɛ lɛ ŋot thi̱n, kä bɛ ben.

Nyuuth 2:19

“ ‘Ɣän ŋa̱cä lätkun, nhökdun, ŋa̱thdun kɛnɛ ciaaŋ la̱tdun, amäni ruɔ̱tdun kɛ ŋɔaani bitdä. Kä ŋa̱cä jɛ ɛn ɣöö lätkun tin jɔak lënykɛ lät tëë nhiam.

Nyuuth 2:2

“ ‘Ɣän ŋa̱cä lätkun, kɛ buɔ̱m läätädun kɛnɛ li̱epdun bitdä. Kä ɣän ŋa̱cä ɣöö /cia nɛy ti jiäk nhɔk rɛydun. Ci yɛn nɛy tin cɔalkɛ rɔ̱ i̱ jaak, kä /ci tɔ̱ a jaak ɣɔ̱n, kä cia kɛ jek ɛn ɣöö kɛ ji̱ kacä.

Nyuuth 3:10

Kɛ ɣöö cia ruacdä käp kɛ ruɔ̱t bitdä, bä yɛ gaŋ kä riɛk in bëë rɛy ɣɔaa kɛɛliw, kɛ ɣöö bɛ nɛy tin cieŋ wi̱i̱ muɔ̱ɔ̱n ben ɣɔ̱n.

Nyuuth 3:3

Tiɛmɛ mëë cia liŋ kä cia jek, kä luɔ̱thɛ jɛ kä rietdɛ rɔ̱ kä dueerkun. Kä mi /cia bi te jinä, bä ben ce̱tkɛ kueel, /cia gua̱a̱th benädä kä yɛ bi ŋa̱c.