Nyuuth 13:1 - RUAC KUƆTH IN RƐL RƆ

¹ Kä cu nyaŋ cuɔ̱ŋ rɛy litdä thuɔk bar. Ley mi päl raar bar Kä cua ley nɛn känyɛ raar bar, kä tëëkɛ tuɔ̱ŋ da̱ŋ wäl, kä tëëkɛ wuɔ̱th da̱ŋ bärɔw. Kä tëëkɛ kuɔ̱mni kuäärä da̱ŋ wäl tuɔ̱ŋnikɛ kä wuɔ̱thnikɛ te ciöt mi kueth Kuoth thi̱n.

Nyuuth 13:1 Iomraidhean Croise

Bok Go̱kä ni Yir-mɛ-yaa 5:22

A /cia ɣä bi ku luɔ̱th? Kä /cia bi dual kɛ nhiamdä? Kä cä liɛt jak kä pek yiëër, ɛ pöm mi /ci pi̱w jɛ dee bäl. A cäŋ ni min la muaŋ a bä, /cɛ jɛ dee met bäl.

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Bok Go̱kä ni Da-ni-yel 2:41

Kɛ kui̱ ciökni tëë ci nɛn tin tha̱a̱ŋkiɛn ladiit kä tha̱a̱ŋkiɛn mun, ɛn nɔmɔ ba dääk kuäärä kɛ rɔ, duundɛ ɣöö bi buɔ̱m mi tɔt mi ce̱tkɛ buɔ̱m ladiɛt duɔth thi̱n, ce̱tkɛ min ci mun nɛn /cɛ rɔ liɔm kɛ ladiit.

Nyuuth 11:7

Kä mi wäkɛ nëndiɛn wä thuk kɛ lat, bi ley in bä raar kɔ̱kä mi thil piny nyiëëny kɛ kɛ. Bɛ kɛ puɔ̱t kä bɛ kɛ näk,

Nyuuth 12:3

Kä cu nyuuth dɔ̱diɛn jɔɔc nhial. Tëëkɛ nyaŋ mi lual mi di̱i̱t, mi tekɛ wuɔ̱th da̱ŋ bärɔw kɛ tuɔ̱ŋ wäl, kɛ kuɔ̱mni kuäärä da̱ŋ bärɔw wuɔ̱thnikɛ.

Nyuuth 13:11

Kä ɛnɔ cua ley dɔ̱diɛn mi päl raar piny nɛn. Kä tëëkɛ tuɔ̱ŋ da̱ŋ rɛw ce̱tkɛ ruath dɛ̈ɛ̈l rɔɔmä, kä cuɛ ruac ce̱tkɛ nyaŋ.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 13:15

Kä cua jɛ pa̱l ɣöö bɛ puɔ̱ny in ce̱tkɛ ley ŋök yiëë, kɛ ɣöö dee puɔ̱ny cu ruac, kɛ ɣöö bɛ nɛy tin lökɛ pal pua̱a̱ny in ce̱tkɛ ley näk.

Nyuuth 15:2

Kä cua mi ce̱tkɛ bar mi ti̱l ti̱l mi ca lia̱a̱p kɛ mac nɛn. Kä cua nɛy tin ca ley kɛnɛ cätdɛ puɔ̱t, kɛ pek cio̱tädɛ cuŋä gëëkni bar in ti̱l ti̱l, a te thuɔmni Kuɔth tetnikiɛn.

Nyuuth 16:13

Kä cua yiey da̱ŋ diɔ̱k ti jiäk ti ce̱tkɛ guëëk nɛn bäkɛ raar thok nyaŋ in di̱i̱t kɛnɛ thok lɛ̱̈ɛ̱̈, kɛ thok go̱kä mi gua̱n kacä.

Nyuuth 17:16

Kä tuɔ̱ŋ da̱ŋ wäl tin ci nɛn, kɛn kɛ ley bikɛ ler nyir, bikɛ nyinkɛ diaal naŋ, kä ba jɛ päl ni juutdä, bikɛ ri̱ŋdɛ cam, kä waŋkɛ jɛ kɛ mac.

Nyuuth 17:3

Kä cuɛ ɣä naŋ däär dɔaar kɛ yiëë, kä cua ciek nɛn nyuurɛ jɔk lɛ̱̈ɛ̱̈ mi lual mi ci thia̱a̱ŋ kɛ ciööt kuethni Kuɔth, kä tëëkɛ wuɔ̱th da̱ŋ bärɔw kɛnɛ tuɔ̱ŋ da̱ŋ wäl.

Nyuuth 17:5

Kä ca ciöt mi /ca luɔtdɛ ŋäc gɔ̱a̱r nhiam kaandɛ wëë i̱, “Bɛ̈-bi-lɔn in di̱i̱t, man lëëri kɛnɛ nyuɔɔn wec muɔ̱ɔ̱n.”

Nyuuth 19:19

Kä cua ley kɛnɛ kua̱r wec muɔ̱ɔ̱n kɛ rɛmkiɛn nɛn ca rɔ̱ dol, kɛ ɣöö bikɛ ko̱r tɛr kɛ ram min ko̱t jɔk jiöök tuɔ̱ruɔ̱k, kɛnɛ rɛmdɛ.