Nyuuth 12:9 - RUAC KUƆTH IN RƐL RƆ

⁹ Kä cua nyaŋ in di̱i̱t yuɔr piny, min la thɔ̱l ëë wal, in cɔalkɛ i̱ “Gua̱n Jiäkni”, kiɛ “Cɛy-tan”, mëë ci ɣɔw kɛɛliw mɛt. Cua jɛ yuɔr piny kɛnɛ ja̱a̱kɛ kɛɛl.

Nyuuth 12:9 Iomraidhean Croise

Tuk Cäkä Ɣɔaa 3:1

Nɛ̈nɛ jɛ, thɔ̱l ɛ jɛn le̱y mi pɛl kɛ pɛl mi wän wän rɛy le̱e̱yni diaal tin ci Kuoth Nhial ni Kuoth kɛ cak. Cuɛ ciek thi̱ec i̱, “A ci Kuoth yɛ cu jiök i̱, ‘/Cia bi mi̱th rɛy jiɛn kakä diaal?’ ”

Tuk Cäkä Ɣɔaa 3:13

Kä ɛn wa̱nɔ cu Kuoth Nhial ni Kuoth ciek thi̱ec i̱, “Ɛ le̱e̱y ŋu ɛnɛ ci lɛl ɛ!” Cu ciek ɛ loc i̱, “Ci thɔ̱l ɣä mɛ̈t mi̱thdɛ.”

1 Kuɛ̈n 21:1

Kä cu Cɛy-tan rɔ riet ji̱ I-thɛ-rɛl, kä cuɛ Dee-bid kok kɛ ɣöö bɛ ji̱ I-thɛ-rɛl kuɛn.

2 Kuɛ̈n 18:21

Kä cuɛ wee i̱, ‘Bä wa̱a̱ yiëë kacä mi cieŋ thok gööknikɛ diaal.’ Kä cu Kuoth Nhial wee, ‘Wër biɛ wä pɛl.’ Kä biɛ luäŋ wër lät ni jɛ.

Diit 109:6

Cukɛ wee i̱, “Kuenyni jɛ ram mi jiääk mi bi ruac kɛ kui̱dɛ, ɛ ram mi gɔɔny jɛ cuŋ gekädɛ.

I-ca-yaa 14:12

Ci kulɛ pɛ̈ɛ̈n i̱di ni puɔ̱ɔ̱rä, lö Ciɛr Bakä, kä gat Po̱o̱tdä! Ca ji̱ yuɔr ni piny, ji̱n ram mëë ci döör kɔŋ ka̱n!

I-ca-yaa 27:1

Ɛn cäŋ ɛmɔ bi Kuoth Nhial Lɔw Yiëër in di̱i̱t in dual naath kɛ jɛ näk kɛ thɛpdɛ min bumbum in di̱i̱t, ɛn Lɔw in thac ni rɔ, kä bɛ Nyaŋ Yiëër in di̱i̱t näk bä.

I-ca-yaa 65:25

Bi jio̱k nyapëc kɛnɛ ruath dɛ̈ɛ̈l rɔɔmä laak guäth kɛl, kä bi lony lak ni wal ce̱tkɛ yaŋ, kä bi mi̱eth thɔa̱a̱l ɛ tur. Kä thilɛ mi bikɛ jek kiɛ bikɛ däk rɛy pa̱a̱mdä min rɛl rɔ kɛɛliw,” ruac ni ɣän Kuoth Nhial.

Yɛdh 28:16

Rɛy kuakni ko̱kädu tin ŋuan cu thia̱a̱ŋ ni ji̱n kɛ liak kä curi cu duer. Kä cua̱ ji̱ cu yäk ce̱tkɛ mi ci jiääk wi̱i̱ pa̱a̱mdä, kä cu jääk in gääŋ ji̱ tuɔ̱k raar rɛy päämni tin di̱t kökdiɛn.

Mɛ̈t 13:39

Kä gua̱n tɛ̈r in ci jol pith ɛ jɛn gua̱n jiäkni. Kä gua̱a̱th ŋër ɛ jɛn guut ɣɔaa, kä ji̱ ŋër kɛ kɛn ja̱a̱k Kuɔth nhial.

Mɛ̈t 24:24

Kɛ ɣöö bi mɛthiani kɛnɛ göök ka̱a̱cni rɔ̱ jiɛc, kä bikɛ nyuuthni ti ga̱ykɛ naath la̱t, kɛ ɣöö bikɛ naath böth jɔ̱ɔ̱r, mi tekɛ kɛ lua̱ŋ, bikɛ nɛy ti ca mɛk böth jɔ̱ɔ̱r.

Mɛ̈t 25:41

Kä jɛn bɛ nɛy tin te caamdɛ jiök i̱, ‘Wuɔcɛ rɔ̱ kutdä, yɛn nɛy ti ca bit. Wiaa rɛy maac in thil pek in ca rialikä kɛ kui̱ gua̱n jiäkni kɛnɛ ja̱a̱kɛ.

Mɛ̈t 4:1

Kä cua Yecu buath rɛy dɔaar ɛ Yiëë kɛ ɣöö ba jɛ wä ɣɔam ɛ gua̱n jiäkni.

Mɛ̈t 4:10

Kä cu Yecu jɛ jiök i̱, “Woc rɔ, Cɛy-tan, kɛ ɣöö ca jɛ gɔ̱r i̱, ‘Pal ni Kuäär in la Kuothdu, kä bi lät ni jɛ ikä kärɔa.’ ”

Mɛ̈t 4:5

Kä cu gua̱n jiäkni jɛ naŋ kä Jɛ-ru-tha-lɛm wec in rɛl rɔ kä cuɛ jɛ wä la̱th wi̱i̱ luaak Kuɔth mi bäär.

Mɛ̈t 4:8

Kä cu gua̱n jiäkni jɛ lɛni naŋ wi̱i̱ pa̱a̱m mi bäär, cuɛ jɛ nyuɔ̱th kuääri ɣɔaa diaal kɛnɛ wuɔ̱tdiɛn,

Luk 10:18

Kä cuɛ kɛ jiök i̱, “Ɣän cä Cɛy-tan nɛn pɛnɛ piny nhial ce̱tkɛ yiel nhial.

Luk 13:16

/Cɛ rɔ lot ɛn ɣöö ba ciek ɛmɛ, min la nya A-bɛ-ram, kä ca yian ɛ Cɛy-tan kɛ run wäl bädäk, lony kä yieen ɛmɛ kɛ cäŋ lɔ̱ŋä?”

Luk 22:3

Cu Cɛy-tan wä lɔɔc Ju-däth min cɔal i̱ Ith-kɛ̈-ri-ɔt, ram kɛl kä jaak da̱ŋ wäl rɛw.

Luk 22:31

“Thay-mɔn, Thay-mɔn, liŋɛ! Cia Cɛy-tan nhök ɣöö bɛ yɛn diaal ciɛth ce̱tkɛ bɛl.

Luk 8:12

Ce̱t kuay tin ci pɛn dup kɛ nɛy tin ca ruac Kuɔth liŋ, kä cu gua̱n jiäkni ben, cuɛ ruac ben naŋ lo̱cnikiɛn, kɛ ɣöö /cikɛ bi ŋa̱th, kä /cakɛ bi kän.

Jɔ̱ɔ̱n 12:31

Ɛn täämɛ ɛ luk kɛ kui̱ ɣɔaa ɛmɛ. Kä täämɛ, ba kuäär ɣɔaa ɛmɛ tuɔ̱k raar.

Jɔ̱ɔ̱n 14:30

/Cä bi ruac kɛ yɛ ɛlɔ̱ŋ, kɛ ɣöö kuäär ɣɔaa ɛmɛ a bëëni. Kä thilɛ jɛ lua̱ŋ kɛ ɣä.

Jɔ̱ɔ̱n 16:11

Kä tekɛ kɛ duer kɛ kui̱ luɔ̱k, kɛ ɣöö ca kuäär ɣɔaa ɛmɛ kuɛth luk.

Jɔ̱ɔ̱n 8:44

Kɛ yɛn gaat guurun ni gua̱n jiäkni, kä cia nhɔk ni ɣöö bia la̱t ni tin go̱o̱r guurun kɛ. Ɛ luuc nath ni tukä ɣɔaa, kä thilɛ jɛ thuɔ̱k, kɛ ɣöö thilɛ thuɔ̱k rɛydɛ. Kä jɛn la ruacɛ, kɛ ciaaŋdɛ pa̱ny, kɛ ɣöö ɛ gua̱n kacä, kä ɛ gua̱n ka̱a̱cni.

Lät Jaakni Yecu 26:18

Kä bi wäŋkiɛn lɛp, kɛ ɣöö dee kɛ rɔ̱ ri̱t kä muth kä dee kɛ wä buɔyä, kɛnɛ rietdiɛn kɛ rɔ̱ kä buɔ̱m Cɛy-tan, wädiɛn kä Kuoth, kɛnɛ ɣöö dee kɛ päl dueeri jek, kɛnɛ gua̱a̱th rɛy nɛɛni tin ca lɛy kɛ ŋa̱thdiɛn kɛ ɣä.’ ”

Lät Jaakni Yecu 5:3

Kä cu Pi-tɔr wee i̱, “A-na-ni-ath, ɛŋu ci Cɛy-tan lɔcdu thiäŋ ɔ a käci ni Yiëë in Gɔaa in Rɛl Rɔ kac, kɛ bäny tha̱a̱ŋ yio̱wni kuakni piny?

Ji̱ Röm 16:18

Kɛ ɣöö nɛy ti ce̱tkɛ ti̱ti̱, /cikɛ Kuääran ni Kritho lätikä, la̱tkɛ ni jia̱ckiɛn ikä. Kä kɛ rieet pɛlä ka̱a̱cni kaŋkɛ lo̱c nɛɛni ti ma̱ŋ ma̱a̱ŋ.

Ji̱ Röm 16:20

Inɔ, bi Kuoth malä Cɛy-tan riac piny ciöknikun. A puɔ̱th Kua̱ran ni Yecu Kritho tekɛ yɛ kɛɛl.

2 Kor 11:14

Kä thilɛ mi gääy naath! A cäŋɛ ni Cɛy-tan puɔ̱nydɛ, jakɛ rɔ kä ce̱tkɛ jääk buɔyä.

2 Kor 11:3

Kä ɣän dualä ɛn ɣöö, ce̱tkɛ mëë ci thɔ̱l Iib mɛt kɛ ca̱p wän wäänädɛ, ba cärkun böth jɔ̱ɔ̱r kä nhök luthä Kritho in thuɔ̱k in lɛy lɛy.

2 Kor 12:7

Kä kɛ ɣöö /cä rɔ bi liak kɛ nyuuthni ti gɔw tin ca nyuɔ̱th ɣä, ca puɔ̱nydä moc kɛ gua̱r. Ce̱tkɛ kɛ jääk Cɛy-tan kɛ ɣöö bɛ ɣä cuc, kɛnɛ ɣöö /ci lɔcdä bi tɛɛth ɛlɔ̱ŋ.

2 Kor 2:11

kɛ ɣöö bɛ Cɛy-tan gaŋ kä ɣöö bɛ thil lua̱ŋ mi bɛ jek kɔn, kɛ ɣöö ŋäc kɔn ca̱a̱p tin te lɔɔcdɛ.

2 Kor 4:4

Kɛ kui̱ nɛɛni ti̱ti̱ ci kuoth ɣɔaa ɛmɛ ca̱r nɛɛni tin thil ŋa̱th cɔr, kɛ ɣöö bɛ kɛ pën guec buɔyä thukni ti gɔw kɛ kui̱ buɔyä Kritho, min la cät Kuɔth.

Ji̱ Ɛ-pɛ-thäth 4:14

Kä /canɛ bi ce̱tkɛ gaat tin la rietkɛ cärkiɛn kɛ ŋi̱i̱cni ti gööl, kɛ pɛl nɛɛni ti ji̱ mɛɛtdä ti ji̱ ca̱a̱pni.

2 Thɛ 2:3

A thil ram mi mɛɛt yɛ kɛ ca̱p dɔ̱diɛn. Kɛ ɣöö /ci Cäŋ ɛmɔ bi ben ɛ ni mi ci gua̱a̱th kacä nath raar kɔŋ ben, kä ci ram in thil ŋut jɔɔc, jɛn ram in ba däk.

1 Tim 2:14

kä /ka̱n A-dam mɛt, kä ca ciek mɛt, kä cuɛ cu tekɛ duer.

2 Tim 3:13

Kä duundɛ ɣöö bi nɛy ti jiäk, kɛnɛ nɛy tin thil ca̱p wäkɛ wä nhiam kɛ jiääkdiɛn ɛlɔ̱ŋ, mɛ̈tkɛ naath, kä mɛ̈tkɛ kɛ bä.

Ji̱ Ɣi-bɛ-ru 2:14

Kä kɛ ɣöö te gaat kɛ ri̱ŋ kɛnɛ riɛm, jɛn Yecu bä tëëkɛ puɔ̱ny mi ce̱tkɛ puɔ̱nydiɛn, kɛ ɣöö kɛ lia̱a̱dɛ derɛ ram in tekɛ buɔ̱m li̱eth min la gua̱n jiäkni däk.

1 Pit 5:8

Ruɔ̱tdɛ rɔ̱ɔ̱dun, kä ta̱yɛ jinä. Gua̱n tɛ̈run in la gua̱n jiäkni wurɛ ce̱tkɛ lony mi ŋa̱a̱r kä go̱o̱rɛ ram mi bɛ roc.

1 Jɔ̱ɔ̱n 5:19

Ŋäc kɔnɛ ɛn ɣöö lapnɛ gaat Kuɔth kä te ɣɔw ɛmɛ kɛɛliw piny bumä gua̱n jiäkni.

Juud 1:9

Kä duundɛ ɣöö mëë ci jääk nhial in di̱i̱t ni Mi-ka-el gaak kɛnɛ gua̱n jiäkni, kä cukɛ ŋaknɔm ŋak kɛ kui̱ pua̱a̱ny Muthɛ, /kenɛ jɛ go̱r ɛn ɣöö bɛ jɛ kuëth a bɛc, kä cuɛ wee i̱, “Bi Kuoth ji̱ luek!”

Nyuuth 12:12

A lɔcdu ku tɛɛth, lö nhial, kɛnɛ yɛn tin cieŋ rɛydɛ! Kä riɛk akɛ piny kɛnɛ bar, kɛ ɣöö ci gua̱n jiäkni ben piny kä yɛ kɛ waŋ lɔaac mi di̱i̱t, kɛ ɣöö ŋäcɛ jɛ i̱ ci gua̱a̱thdɛ ciak!”

Nyuuth 12:3

Kä cu nyuuth dɔ̱diɛn jɔɔc nhial. Tëëkɛ nyaŋ mi lual mi di̱i̱t, mi tekɛ wuɔ̱th da̱ŋ bärɔw kɛ tuɔ̱ŋ wäl, kɛ kuɔ̱mni kuäärä da̱ŋ bärɔw wuɔ̱thnikɛ.

Nyuuth 12:7

Kä cu ko̱r tuɔɔk nhial. Cu Mi-ka-el kɛnɛ ja̱a̱kɛ nyiëëny kɛ nyaŋ yiëër in di̱i̱t, min cu ko̱r tɛr kɛnɛ ja̱a̱kɛ.

Nyuuth 12:8

Kä duundɛ ɣöö cua nyaŋ puɔ̱t, kä cuɛ cu thil gua̱a̱th kɛ kui̱diɛn nhial.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.

Nyuuth 18:2

Kä cuɛ ciöt kɛ jɔw mi bum, wëë i̱, “Cɛ pɛ̈ɛ̈n, cɛ pɛ̈ɛ̈n, ɛn Bɛ̈-bi-lɔn in di̱i̱t! Cɛ la ni gua̱a̱th cieŋä kuthni ti jiäk, ɛ gua̱a̱th cieŋä din ti jiäk, kä ɛ gua̱a̱th leeyni diaal tin jiäk.

Nyuuth 18:23

/Ci buay lɛmbärä bi met jɔɔc rɛydu. Kä /ca jɔw cɔa nyaal kɛnɛ kaw bi nyɔk kɛ li̱eŋ rɛydu, kɛ ɣöö ji̱ ko̱kädu bum ni kɛn wi̱i̱ muɔ̱ɔ̱n, kä ci ji̱ wec muɔ̱ɔ̱n diaal mɛ̈t kɛ lät ti̱i̱tädu.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 2:24

Kä kɛ kui̱dun, yɛn nɛy tin te kä Thay-tay-ra tin /ka̱nɛ ŋi̱i̱c ɛ jiääk ɛmɛ guɔ̱ɔ̱r, yɛn /ka̱n nɛmɛ ŋa̱c min cɔɔl nɛy tin kɔ̱ŋ jɛ i̱ “pɛl Cɛy-tan,” ɣän cä lar ɛn ɣöö /cä yɛ bi lɛ moc riɛk dɔ̱diɛn.

Nyuuth 2:9

“ ‘Ɣän ŋa̱cä riɛkdun kɛnɛ dakdun a cäŋ riäŋ yɛn bä. Kä ŋa̱cä guɛɛr nɛɛni tin wee i̱ kɛ ji̱ Juudh, kä /cikɛ ji̱ Juudh, nɛy ti cieŋ Cɛy-tan rɛydiɛn.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.

Nyuuth 20:8

kä bɛ ben kɛ ɣöö bɛ döör ben mɛ̈t tin te pekni ɣɔaa da̱ŋ ŋuan, ala ji̱ Gog kɛnɛ Ma-gog, kɛ ɣöö bɛ kɛ dol kɛ kui̱ köör. Kä ce̱t pekdiɛn kɛ liɛt bar.

Nyuuth 3:9

Nɛnɛ, ɣän bä ji̱ gua̱th dolä Cɛy-tan tin larkɛ jɛ i̱, lapkɔ ji̱ Juudh, kä /ciɛ kɛn, kackɛ jɛ ɣän bäkɛ jakä bëë, kä guɔŋkɛ rɔ ciöknikun, kä ba cu ŋa̱c ɛ kɛn ɛn ɣöö nhɔakä yɛ.

Nyuuth 9:1

Kä cu jääk nhial in dhieecdiɛn kaaŋdɛ koth, kä cua cier mi ci pɛn piny nhial nɛn, kä cua jɛ ka̱m leep kɔ̱kä mi thil piny.

Nyuuth 9:20

Kä duɔth nath, tin /ka̱n näk ɛ rik ti̱ti̱, /ka̱n rɔ ri̱t kä lät tetnikiɛn tin jiäk. Kä /ka̱n pal yieeni ti jiäk kɛnɛ kuth tin ca la̱t kɛ da̱a̱p, kɛ ciɛk in bo̱r, kɛ ciɛk in yian, kɛnɛ päm, kɛ jiɛn, tin /ci dee guic, kiɛ li̱eŋ, kiɛ ja̱l päl.