Nyuuth 12:4 - RUAC KUƆTH IN RƐL RƆ

⁴ Cu juälɛ pek ciɛri in diɔ̱ɔ̱kdiɛn nhial rol, kä yorɛ kɛ piny wi̱i̱ muɔ̱ɔ̱n. Kä cu nyaŋ cuɔ̱ŋ nhiam ciëk in ci thia̱k kɛ dap, kɛ ɣöö bɛ gatɔ wa dapɔ roc.

Nyuuth 12:4 Iomraidhean Croise

Ɣöth 1:16

“Mi wiaa män ji̱ Ɣi-bɛ-ru la gamɛ, kä bia kɛ nɛn dapkɛ ni dhɔɔl, mi wa dhɔl na̱kɛ jɛ kä mi wa nyal pa̱lɛ jɛ.”

I-ca-yaa 27:1

Ɛn cäŋ ɛmɔ bi Kuoth Nhial Lɔw Yiëër in di̱i̱t in dual naath kɛ jɛ näk kɛ thɛpdɛ min bumbum in di̱i̱t, ɛn Lɔw in thac ni rɔ, kä bɛ Nyaŋ Yiëër in di̱i̱t näk bä.

Jɔ̱ɔ̱n 8:44

Kɛ yɛn gaat guurun ni gua̱n jiäkni, kä cia nhɔk ni ɣöö bia la̱t ni tin go̱o̱r guurun kɛ. Ɛ luuc nath ni tukä ɣɔaa, kä thilɛ jɛ thuɔ̱k, kɛ ɣöö thilɛ thuɔ̱k rɛydɛ. Kä jɛn la ruacɛ, kɛ ciaaŋdɛ pa̱ny, kɛ ɣöö ɛ gua̱n kacä, kä ɛ gua̱n ka̱a̱cni.

1 Pit 5:8

Ruɔ̱tdɛ rɔ̱ɔ̱dun, kä ta̱yɛ jinä. Gua̱n tɛ̈run in la gua̱n jiäkni wurɛ ce̱tkɛ lony mi ŋa̱a̱r kä go̱o̱rɛ ram mi bɛ roc.

Nyuuth 12:7

Kä cu ko̱r tuɔɔk nhial. Cu Mi-ka-el kɛnɛ ja̱a̱kɛ nyiëëny kɛ nyaŋ yiëër in di̱i̱t, min cu ko̱r tɛr kɛnɛ ja̱a̱kɛ.

Nyuuth 12:9

Kä cua nyaŋ in di̱i̱t yuɔr piny, min la thɔ̱l ëë wal, in cɔalkɛ i̱ “Gua̱n Jiäkni”, kiɛ “Cɛy-tan”, mëë ci ɣɔw kɛɛliw mɛt. Cua jɛ yuɔr piny kɛnɛ ja̱a̱kɛ kɛɛl.

Nyuuth 13:2

Kä ce̱t ley in cä nɛn kɛ kuac, ce̱t ciökɛ kɛ ciök nyɛkudhuny, kä ce̱t thokdɛ kɛ thok luɔny, cu nyaŋ jɛ ka̱m buɔ̱mdɛ kɛnɛ kɔm kuäärädɛ kɛ lua̱ŋ mi di̱i̱t.

Nyuuth 13:4

Cu kɛn nyaŋ pal, kɛ ɣöö cɛ lua̱ŋdɛ ka̱m ley, kä cukɛ ley pal wäkɛ i̱, “Ɛŋa mi ce̱tkɛ ley? Kä ɛŋa mi dee nyiëëny kɛ jɛ?”

Nyuuth 16:13

Kä cua yiey da̱ŋ diɔ̱k ti jiäk ti ce̱tkɛ guëëk nɛn bäkɛ raar thok nyaŋ in di̱i̱t kɛnɛ thok lɛ̱̈ɛ̱̈, kɛ thok go̱kä mi gua̱n kacä.

Nyuuth 17:18

Kä ciek in ci nɛn ɛ wec in di̱i̱t in ruaac kua̱r wec muɔ̱ɔ̱n.”

Nyuuth 20:2

Kä cuɛ nyaŋ käp, ala thɔ̱l ëë wal, min la Gua̱n Jiäkni kiɛ Cɛy-tan, kä cuɛ jɛ yian kɛ run ti bathdɔɔr kɛl.

Nyuuth 8:10

Cu jääk nhial in diɔ̱ɔ̱kdiɛn kaaŋdɛ koth, kä cu cier mi di̱i̱t pɛ̈ɛ̈n nhial, kä pɛtdɛ ce̱tkɛ rith, kä cuɛ pɛn peek kiɛri kɛnɛ löli pi̱i̱ni in diɔ̱ɔ̱kdiɛn.

Nyuuth 8:11

Cɔal ciötdɛ ɛn cier ɛmɛ i̱ “Jiath mi kɛc ɛ ɣɔr.” Cu pek pi̱i̱ni in diɔ̱ɔ̱kdiɛn rɔ looc ni pi̱ ti kɛc, kä cu nɛy ti ŋuan li̱w kɛ kɛn pi̱ tɔ̱tɔ̱, kɛ ɣöö cakɛ jakä ti kɛ̈c kɛ̈ɛ̈c.

Nyuuth 8:12

Cu jääk nhial in ŋuaandiɛn kaaŋdɛ koth, kä cua pek ca̱ŋ in diɔ̱ɔ̱kdiɛn bak, kɛnɛ pek path, kɛ pek ciɛri in diɔ̱ɔ̱kdiɛn bä. Kä cu pek buɔyädiɛn in diɔ̱ɔ̱kdiɛn cu cuɔl. Cua pek ca̱ŋ in diɔ̱ɔ̱kdiɛn pën buay, cu mäni pek wa̱r inɔ bä.

Nyuuth 8:7

Cu jääk in nhiam kaaŋdɛ koth, kä cu nhiaal guiyni kɛnɛ mac mi ca liɔm kɛ riɛm pɛn wi̱i̱ muɔ̱ɔ̱n. Kä cu kɛl diɔ̱ɔ̱kni wec muɔ̱ɔ̱n waaŋ, kä cu kɛl kä diɔ̱ɔ̱k jiɛn waaŋ, kä cu juaac diaal tin tɔ̱ɔ̱c waŋ.

Nyuuth 8:8

Cu jääk nhial in rɛwdɛ kaaŋdɛ koth, kä cua duɔ̱ɔ̱r mi di̱i̱t, mi ce̱tkɛ päm mi pɛt kɛ mac yuɔr däär bar.

Nyuuth 8:9

Kä cu kɛl diɔ̱ɔ̱kni bar a riɛm, kä cu pek leeyni in diɔ̱ɔ̱kdiɛn in tëk rɛy bar li̱w, kä cua pek ria̱thni in diɔ̱ɔ̱kdiɛn däk bä.

Nyuuth 9:10

Kä tekɛ kɛ jua̱l ce̱tkɛ jiɛth, kä buɔ̱m käcädiɛn in la bɛc kä kɛ naath kɛ päth da̱ŋ dhieec tëë jua̱likiɛn.

Nyuuth 9:19

Kɛ ɣöö buɔ̱m jio̱o̱kni tuɔ̱ruɔ̱k tëë thuknikiɛn kɛnɛ jua̱lkiɛn. Kä ce̱t jua̱lkiɛn kɛ thɔ̱ɔ̱l ti tekɛ wuɔ̱th, kä muɔckɛ naath buɔ̱ɔ̱t kɛ kɛ.