Nyuuth 12:17 - RUAC KUƆTH IN RƐL RƆ

¹⁷ Kä cu nyaŋ gaak kɛ ciek, cuɛ rɔ ri̱t cuɛ ko̱r wä tɛr kɛ duɔth gan ciek, nɛy tin ka̱pkɛ ŋuɔ̱t Kuɔth, kä tiɛtkɛ nën Yecu.

Nyuuth 12:17 Iomraidhean Croise

Tuk Cäkä Ɣɔaa 3:15

Bä kamdun yɛnɛ ciek moc kɛ tɛr, amäni kam ganku kɛnɛ gaatkɛ. Ba wi̱cdu kuɛm ɛ kɛn, kä bi ŋul cio̱kdiɛn kac.”

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Mɛ̈t 28:20

kä ŋi̱eecɛ kɛ, kɛ ɣöö bikɛ ruaacni diaal tin ca la̱t yɛ luɔ̱th. Kä tiɛmɛ jɛ, ɣän a kɛɛl kɛ yɛ ni ciaŋ amäni guut ɣɔaa.”

Jɔ̱ɔ̱n 8:44

Kɛ yɛn gaat guurun ni gua̱n jiäkni, kä cia nhɔk ni ɣöö bia la̱t ni tin go̱o̱r guurun kɛ. Ɛ luuc nath ni tukä ɣɔaa, kä thilɛ jɛ thuɔ̱k, kɛ ɣöö thilɛ thuɔ̱k rɛydɛ. Kä jɛn la ruacɛ, kɛ ciaaŋdɛ pa̱ny, kɛ ɣöö ɛ gua̱n kacä, kä ɛ gua̱n ka̱a̱cni.

1 Kor 2:1

Mëë cä ben kä yɛ, dämaari, ɣän /ka̱n ben ɛ la̱tdä yɛ ruac kɛ kui̱ Kuɔth kɛ rieet ti di̱t kiɛ pɛl.

1 Pit 5:8

Ruɔ̱tdɛ rɔ̱ɔ̱dun, kä ta̱yɛ jinä. Gua̱n tɛ̈run in la gua̱n jiäkni wurɛ ce̱tkɛ lony mi ŋa̱a̱r kä go̱o̱rɛ ram mi bɛ roc.

1 Jɔ̱ɔ̱n 2:3

Täämɛ kɛ nɛmɛ banɛ jɛ ŋa̱c ɛn ɣöö ŋäc kɔn Yecu, mi luɔ̱thnɛ luëëkɛ.

1 Jɔ̱ɔ̱n 5:10

Kɛ ɣöö nɛy tin ŋa̱thkɛ Gat Kuɔth tekɛ kɛ nën rɛydiɛn. Kä nɛy tin /ci Kuoth ŋäth, jakä ni jɛ kä gua̱n kacä, kɛ ɣöö /cikɛ nën in ci Kuoth ɛ lar kɛ kui̱ Gatdɛ ŋäth.

1 Jɔ̱ɔ̱n 5:2

Kɛ jɛn duɔ̱ɔ̱p ɛmɔ ŋa̱cnɛ jɛ ɛn ɣöö nhɔaknɛ gaat Kuɔth, mi nhɔaknɛ Kuoth kä luth kɔn luëëkɛ.

Nyuuth 1:2

mëë cu nëndɛ lat kɛ kui̱ ruac Kuɔth kɛnɛ thuk ruaacni Yecu Kritho, amäni ti diaal tëë cɛ nɛn.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 11:7

Kä mi wäkɛ nëndiɛn wä thuk kɛ lat, bi ley in bä raar kɔ̱kä mi thil piny nyiëëny kɛ kɛ. Bɛ kɛ puɔ̱t kä bɛ kɛ näk,

Nyuuth 12:16

Kä duundɛ ɣöö cu piny ciek ben luäk. Cu piny rɔ lɛp, kä cuɛ kir in ci nyaŋ kɛ ŋɔk kɛ thokdɛ math.

Nyuuth 13:7

Kä ɛnɔ bä cua jɛ pa̱l ɣöö bɛ ko̱r tɛr kɛ nɛy tin ci Kuoth kɛ lɛy, kä bɛ kɛ tiam. Ca jɛ ka̱m buɔ̱m wi̱i̱ thukni duëli diaal, kɛ naath kɛnɛ ji̱ thukni, kɛ döör diaal,

Nyuuth 14:12

Mɛmɛ ɛ ciöt kɛ kui̱ rutdä nɛɛni ti ci Kuoth kɛ lɛy tin ka̱pkɛ ŋuɔ̱t Kuɔth kɛnɛ ŋa̱th Yecu.

Nyuuth 17:14

Kɛn bikɛ ko̱r tɛr kɛ Ruath Dɛ̈ɛ̈l, kä bi Ruath Dɛ̈ɛ̈l kɛ tiam, kɛ ɣöö jɛn ɛ Kuäär kua̱ri, kä ɛ Rueec ruëëcni, kä nɛy tin tekɛ jɛ kɛɛl ca kɛ cɔl, kä ca kɛ mɛk, kä ŋa̱thkɛ kɛ.”

Nyuuth 17:6

Kä cua ciek nɛn, cɛ yɔ̱ŋ kɛ riɛm nɛɛni tin ci Kuoth kɛ lɛy, kɛnɛ riɛm nëëni ti ca näk kɛ kui̱ Yecu. Mëë cä jɛ nɛn, cua ga̱a̱c ɛlɔ̱ŋ.

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 19:10

Kä cua rɔ yuɔr piny ciöknikɛ kɛ ɣöö, bä jɛ pal, kä duundɛ ɣöö cuɛ ɣä jiök i̱, “/Cu mɔmɔ lät! Ɛ ɣän läät kɛ ji̱ kɛɛl yɛnɛ dämuɔɔri tin ka̱pkɛ ruac nenä Yecu. Pal ni Kuoth. Kɛ ɣöö ruac nenä min ci Yecu ɛ lat ɛ jɛn yiëë göökni.”

Nyuuth 19:19

Kä cua ley kɛnɛ kua̱r wec muɔ̱ɔ̱n kɛ rɛmkiɛn nɛn ca rɔ̱ dol, kɛ ɣöö bikɛ ko̱r tɛr kɛ ram min ko̱t jɔk jiöök tuɔ̱ruɔ̱k, kɛnɛ rɛmdɛ.

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 22:14

Nɛy tin lakɛ bieynikiɛn ca kɛ poth, kɛ ɣöö dee kɛ tekɛ cuɔ̱ɔ̱ŋ kɛ mi̱eth jiath teekä, kɛnɛ ɣöö dee kɛ wä rɛy wec kɛ thukɛ.

Nyuuth 6:9

Kä mëë cɛ di̱i̱l in dhieecdiɛn lɛp, cua tieyni nɛɛni ti ca näk kɛ kui̱ latdiɛn kɛ ruac Kuɔth kɛnɛ kui̱ nenädiɛn nɛn thaar yi̱kä.