Nyuuth 12:12 - RUAC KUƆTH IN RƐL RƆ

¹² A lɔcdu ku tɛɛth, lö nhial, kɛnɛ yɛn tin cieŋ rɛydɛ! Kä riɛk akɛ piny kɛnɛ bar, kɛ ɣöö ci gua̱n jiäkni ben piny kä yɛ kɛ waŋ lɔaac mi di̱i̱t, kɛ ɣöö ŋäcɛ jɛ i̱ ci gua̱a̱thdɛ ciak!”

Nyuuth 12:12 Iomraidhean Croise

I-ca-yaa 44:23

Kiɛtdɛ diit tɛthkä lɔaac lö pua̱a̱r, kɛ ɣöö ci Kuoth Nhial nɛmɛ la̱t, kä kɛ̈tdɛ diit lö piny muɔ̱ɔ̱n, kä kɛ̈tdɛ diit lö pääm, kɛ yɛn ruɔ̱p amäni jiɛn diaal tin te thi̱n! Kɛ ɣöö ci Kuoth Nhial Je-kɔb luɛl, kä cuɛ buɔ̱mdɛ nyoth kɛ ka̱ndɛ kɛ I-thɛ-rɛl.

I-ca-yaa 49:13

Rɔali kɛ tɛ̈th lɔaac lö pua̱a̱r, kä lat liak lö piny, kä kɛ̈tdɛ diit lö pääm! Kɛ ɣöö ci Kuoth Nhial nɛɛkɛ bum, kä bɛ tekɛ kɔ̱a̱c lɔaac kɛ nɛɛkɛ tin ci cuuc.

Luk 15:10

A cäŋ ɛ jɛn inɔ, ɣän la̱rä jɛ yɛ, ɛn ɣöö bɛ tekɛ tɛ̈th lɔaac nhiam ja̱a̱kni Kuɔth nhial kɛ kui̱ gua̱n duerä kɛl mi ci rɔ ri̱t.”

Luk 2:14

“A liak wä kä Kuoth ni nhial, kä a mal tekɛ ji̱ piɛny tin tɛ̈thkɛ lɔc Kuɔth!”

Ji̱ Ɣi-bɛ-ru 10:37

Kä ci ruac Kuɔth wee i̱, “Kɛ ɣöö ŋot ni gua̱a̱th mi tɔt, bi ram in bëë ben kä /cɛ bi jääny.

2 Pit 3:8

Kä duundɛ ɣöö yɛn nhöökä, /cuarɛ thuɔ̱k ɛmɛ päl ruëëc, ɛn ɣöö ce̱t cäŋ kɛl kɛ run ti bathdɔɔr kä Kuäär ni Kuoth, kä ce̱t run ti bathdɔɔr kɛ cäŋ kɛl kä jɛ.

Nyuuth 10:6

kä cuɛ rɔ yac kɛ ram min tëk kɛ tëk mi thil pek, min ci nhial cak kɛnɛ tin te rɛydɛ, kɛ piny kɛnɛ tin te rɛydɛ, kɛ bar, kɛnɛ tin te rɛydɛ. Kä cu jääk wee i̱, “/Cɛ bi lɛ gal.

Nyuuth 11:10

Kä bi ji̱ wec muɔ̱ɔ̱n lo̱ckiɛn tɛɛth kɛ lia̱a̱diɛn kɛn da̱ŋ rɛw. Kä muɔckɛ rɔ̱ kɛ muc, kɛ ɣöö kɛn göök da̱ŋ rɛw ti̱ti̱ cikɛ riɛk mi di̱i̱t nöŋ ji̱ wec muɔ̱ɔ̱n.

Nyuuth 11:14

Ci riɛk in rɛwdɛ thuuk. Kä bi riɛk in diɔ̱ɔ̱kdiɛn ben kɛ pɛ̈th.

Nyuuth 12:9

Kä cua nyaŋ in di̱i̱t yuɔr piny, min la thɔ̱l ëë wal, in cɔalkɛ i̱ “Gua̱n Jiäkni”, kiɛ “Cɛy-tan”, mëë ci ɣɔw kɛɛliw mɛt. Cua jɛ yuɔr piny kɛnɛ ja̱a̱kɛ kɛɛl.

Nyuuth 13:6

Cuɛ thokdɛ lɛp kɛ ɣöö bɛ Kuoth kuëth, kuethɛ ciöt Kuɔth kɛnɛ gua̱a̱th cieŋädɛ, ala nɛy tin ciaŋkɛ nhial.

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 8:13

Kä cua̱ guic, cua̱ kuey mi pär kɛ där puɔ̱ɔ̱rä liŋ, wieeɛ kɛ jɔw mi di̱i̱t, “Riɛk, riɛk, riɛk akɛ nɛy tin cieŋ wi̱i̱ muɔ̱ɔ̱n, kɛ gua̱a̱th in bi päl kɛ jɔw kaaŋni tin bi ja̱a̱k nhial da̱ŋ diɔ̱k tin kɔ̱kiɛn kɛ koth!”

Nyuuth 9:12

Ci riɛk in nhiam thuɔ̱k. Kä ŋot rik da̱ŋ rɛw ti bi ben.