Nyuuth 12:11 - RUAC KUƆTH IN RƐL RƆ

¹¹ Kä cukɛ jɛ tiam kɛ riɛm Ruath Dɛ̈ɛ̈l kɛnɛ ruac nenädiɛn, kɛ ɣöö /cikɛ tëkdiɛn nhɔk a cukɛ li̱w.

Nyuuth 12:11 Iomraidhean Croise

Luk 14:26

“Kä ram ɔ bi ben kä ɣä mɔ, kä /cɛ gua̱n, kɛ ciekdɛ, kiɛ gaatkɛ, kiɛ dämani, kiɛ nyiemani bi lo̱k, ɣɔ̱ɔ̱n, a cäŋ lo̱kɛ ni tëkdɛ pa̱ny, /cɛ dee a raan kɔaarä.

Jɔ̱ɔ̱n 16:33

Ɣän la̱rä yɛ mɛmɛ kɛ ɣöö dee yɛn mal jek kä ɣä. Rɛy ɣɔaa ca yɛ ciɛŋ a jiäk. Kä a lo̱ckun bum, cä ɣɔw puɔ̱t.”

Lät Jaakni Yecu 20:24

Kä duundɛ ɣöö /cä tëkdä kuɛn i̱ ɛ mi di̱i̱t kiɛ mi gɔaa kɛ ɣä, ɛ ni ɣöö bä pek la̱tdä cuɔ̱p kɛnɛ la̱t in ca ka̱m ɣä ɛ Kuäär ni Yecu, ɛn ɣöö bä thuk ti gɔw kɛ kui̱ puthä Kuɔth la̱t naath.

Lät Jaakni Yecu 21:13

Kä cu Puɔl ɛ loc i̱, “Ɛŋu ɛnɔ la̱tdɛ mɔ, wiee yɛn kä jiathɛ lɔcdä? Kɛ ɣöö cä rɔ rialikä, /ci mɔ a ɣöö ba ɣä yiɛn kärɔa, amäni ɣöö bä li̱w kä Jɛ-ru-tha-lɛm kɛ kui̱ cio̱tdä Kua̱r ni Yecu.”

Ji̱ Röm 16:20

Inɔ, bi Kuoth malä Cɛy-tan riac piny ciöknikun. A puɔ̱th Kua̱ran ni Yecu Kritho tekɛ yɛ kɛɛl.

1 Kor 15:57

A liak tekɛ Kuoth mi mooc kɔn juc kɛ Kuääran ni Yecu Kritho.

1 Jɔ̱ɔ̱n 4:4

Nyin tiɛtnikä, bä yɛn kä Kuoth, kä ci yɛn yiey tɔ̱tɔ̱ puɔ̱t, kɛ ɣöö di̱t ni jɛn ram in te rɛydun kä ram in te rɛy ɣɔaa.

1 Jɔ̱ɔ̱n 5:5

Ɛŋa mi dee ɣɔw tiam a /ci mɔ a ram mi ŋääth jɛ ɛn ɣöö Yecu ɛ jɛn Gat Kuɔth?

Nyuuth 1:2

mëë cu nëndɛ lat kɛ kui̱ ruac Kuɔth kɛnɛ thuk ruaacni Yecu Kritho, amäni ti diaal tëë cɛ nɛn.

Nyuuth 1:9

Ɣän dämuɔɔrun ni Jɔ̱ɔ̱n, min nyuak rik kɛ yɛ kɛnɛ kuäär amäni ruɔ̱t kä ti bɛ̈c bɛ̈ɛ̈c rɛy Yecu. Ɣän ca ɣä la̱th wi̱i̱ dhuulä mi cɔali Pɛ̈t-mɔth kɛ kui̱ ruac Kuɔth kɛnɛ nyuuth Yecu.

Nyuuth 11:7

Kä mi wäkɛ nëndiɛn wä thuk kɛ lat, bi ley in bä raar kɔ̱kä mi thil piny nyiëëny kɛ kɛ. Bɛ kɛ puɔ̱t kä bɛ kɛ näk,

Nyuuth 12:17

Kä cu nyaŋ gaak kɛ ciek, cuɛ rɔ ri̱t cuɛ ko̱r wä tɛr kɛ duɔth gan ciek, nɛy tin ka̱pkɛ ŋuɔ̱t Kuɔth, kä tiɛtkɛ nën Yecu.

Nyuuth 19:10

Kä cua rɔ yuɔr piny ciöknikɛ kɛ ɣöö, bä jɛ pal, kä duundɛ ɣöö cuɛ ɣä jiök i̱, “/Cu mɔmɔ lät! Ɛ ɣän läät kɛ ji̱ kɛɛl yɛnɛ dämuɔɔri tin ka̱pkɛ ruac nenä Yecu. Pal ni Kuoth. Kɛ ɣöö ruac nenä min ci Yecu ɛ lat ɛ jɛn yiëë göökni.”

Nyuuth 2:13

“ ‘Ɣän ŋa̱cä gua̱a̱th in ciëŋɛ thi̱n, gua̱a̱th in te kɔm kuäärä Cɛy-tan thi̱n. Kä ŋotdɛ rɔamɛ ciötdä, kä /ken yɛn ŋa̱thdun kɛ ɣä gak, a cäŋɛ ni ni̱n tëë ca An-ti-path neendä min ŋa̱a̱thä näk rɛydun, guäth in ciëŋ Cɛy-tan thi̱n.

Nyuuth 2:17

Kä ɛ ram mi tekɛ ji̱th, liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ bä jɛ ka̱m tha̱a̱ŋ mana mi ca tɛ̱̈ɛ̱̈, kä bä jɛ ka̱m päm mi bo̱r, mi tekɛ ciöt mi pay gɔ̱a̱r thi̱n, kä thilɛ ram mi ŋäc jɛ ɛ ni ram in ci jɛ jek.’ ”

Nyuuth 2:26

Ram mi ti̱em kä lät lätkä amäni guut ɣɔaa, ɣän bä jɛ ka̱m lua̱ŋ wi̱i̱ dööri.

Nyuuth 2:7

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Ram mi ci naath joc bä jɛ jakä mi̱th kä jiath teekä min te rɛy kakä wal Kuɔth.’ ”

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.

Nyuuth 3:12

Mi wä yɛn wä tiëm ɣän bä yɛ jakä thi̱r rɛy luaak Kuɔthdä. Kä /cia bi met wä raar rɛydɛ. Bä ciöt Kuɔthdä gɔ̱a̱r puɔ̱nydɛ, kɛnɛ ciöt wec Kuɔthdä min la Jɛ-ru-tha-lɛm in pay ben piny nhial kä Kuothdä, kɛnɛ ciötdä in pay cak.

Nyuuth 3:21

Bä ram in ci tiëm jakä nyuur kɛ ɣä kɛɛl wi̱i̱ kɔam kuäärädä ce̱tkɛ ɣöö ci ɣän piny puɔ̱t, kä cä nyuur kɛɛl kɛ Gua̱a̱r wi̱i̱ kɔam kuäärädɛ.

Nyuuth 3:5

Ram mi wä tiëm ba jɛ rony kɛ bieyni ti bo̱o̱r, kä /cä ciötdɛ bi cuɔ̱th raar rɛy warɛgakä teekä. Bä ciötdɛ lat nhiam Gua̱a̱r kɛnɛ nhiam ja̱a̱knikɛ.

Nyuuth 6:9

Kä mëë cɛ di̱i̱l in dhieecdiɛn lɛp, cua tieyni nɛɛni ti ca näk kɛ kui̱ latdiɛn kɛ ruac Kuɔth kɛnɛ kui̱ nenädiɛn nɛn thaar yi̱kä.