Nyuuth 12:1 - RUAC KUƆTH IN RƐL RƆ

¹ Kä cu nyuuth mi gääy naath jɔɔc nhial. Tëëkɛ ciek mi ci rɔ rony kɛ cäŋ, kä te pay ciöknikɛ, kä te wi̱cdɛ kɛ kum ciɛri da̱ŋ wäl rɛw.

Nyuuth 12:1 Iomraidhean Croise

2 Kuɛ̈n 32:31

Kä mëë ci buɔ̱n mi ca ja̱k ɛ ruëëc Bɛ̈-bi-lɔn ben ba jɛ ben thiec kɛ kui̱ nyuuthni tin ga̱ykɛ naath tëë ci tuɔɔk rɛy muɔ̱ɔ̱n, cu Kuoth ɛ pa̱l jɛ, ɣɔ̱nɛ jɛ kɛ ɣöö bɛ tin diaal tin te lɔɔcdɛ ŋa̱c.

Diit 104:2

ci rɔ rith kɛ buay ce̱tdɛ nikɛ bi̱i̱. Kä ji̱n ci pua̱a̱r yiath piny ce̱tnikɛ kɛmɛ,

Diit 84:11

Kɛ ɣöö Kuoth Nhial ni Kuoth ce̱tdɛ kɛ cäŋ kɛnɛ ko̱t, jɛn la ŋunɛ gɔɔy kɛnɛ luth. Thilɛ mi gɔaa mi la Kuoth Nhial jɛ a pen nɛy tin thil bɛ̈ɛ̈l.

Thɔl 6:10

Kä ɛŋa mi gɔaa ce̱tkɛ bak ɣɔaa, mi gɔaa ce̱tkɛ pay, kä buɔyɛ ce̱tkɛ cäŋ, kä riawɛ ce̱tdɛ nikɛ rɛm mi lät maacin.

I-ca-yaa 61:10

Ɣän bi lɔcdä tɛɛth ɛlɔ̱ŋ kɛ Kuoth Nhial, bi ti̱eydä Kuothdä liak, kɛ ɣöö cɛ ɣä kum kɛ bi̱i̱ känä, cɛ ɣä yi̱k piny kɛ bi̱i̱ cuŋni, ce̱tnikɛ min la cɔ nyaal rɔ a pik kɛ jiöŋgööni, kɛnɛ min la kaw rɔ a pik kɛ dɔ̱a̱kni.

I-ca-yaa 62:3

Bi la kum kuäärä mi gɔaa tetdä Kuɔth Nhial, bi ce̱tnikɛ kum kua̱r tetdä Kuɔthdu.

Dhɛk 9:16

Ɛn cäŋ ɛ mɔ, bi Kuoth Nhial Kuothdiɛn kɛ kän, ce̱tnikɛ det nɛɛnikɛ, bikɛ riaaw rɛy muɔ̱ɔ̱ndɛ ce̱tkɛ päm kumä mi bil.

Mɛ̈l 4:2

Kä yɛn tin luɔ̱thkɛ ciötdä, bi buɔ̱m luäŋädä lɛ̈p ce̱tkɛ cäŋ mi buɔy lɛ̈pdɛ bia wä raar yuɔ̱ɔ̱rɛ rɔ̱ ce̱tkɛ kɔ̱a̱l mi tuk.

Mɛ̈t 12:38

Kä cu tha̱a̱ŋ ji̱ gɔ̱rä kɛnɛ ji̱ Pa-ri-thii jɛ jiök i̱, “Ŋi̱i̱c, görkɔ ɣöö bakɔ nyuuth nɛn kä ji̱.”

Mɛ̈t 24:30

Ɛ jɛn bi nyuuth benä Gatdä Ran cu jɔɔc nhial, kä bi döör wec muɔ̱ɔ̱n diaal pa̱r, kä bikɛ Gat Ran nɛn bëë rɛy pua̱a̱ri nhial kɛ buɔ̱m kɛnɛ gɔɔy puɔnyä mi di̱i̱t.

Mak 13:25

Kä bi ciɛr pën nhial, kä ba buɔ̱m buɔ̱ɔ̱m nhial yɔ̱k.

Luk 21:11

Bɛ tekɛ lath piɛny mi di̱t, kä bɛ tekɛ buaath kɛnɛ jua̱th gua̱thni ti gööl. Bɛ tekɛ nyin dualä kɛnɛ nyuuthni ti di̱t ti gäykɛ naath nhial.

Luk 21:25

“Kä bi nyuuth te thi̱n kä cäŋ, kɛ pay kɛnɛ ciɛr, kä bɛ tekɛ jiath lɔaac wi̱i̱ muɔ̱ɔ̱n kä bɛ wi̱c dööri yi̱c, kɛ wuɔ̱w pi̱i̱ni bar, kɛnɛ muaŋ.

Jɔ̱ɔ̱n 3:29

Ram mi tekɛ kaw ɛ jɛn cɔ nyaal. Määth cɔa nyaal min te cuŋä kä liŋɛ jɔwdɛ, tɛth lɔcdɛ ɛlɔ̱ŋ kɛ jɔw cɔa nyaal. Kɛ kui̱c ɛmɔ täämɛ, ci tɛ̈th lɔaacdä ɛmɛ ro̱ŋ.

Lät Jaakni Yecu 2:19

Kä ɣän bä ti ga̱ykɛ naath nyoth nhial puɔ̱ɔ̱rä kɛnɛ nyuuthni wi̱i̱ muɔ̱ɔ̱n, riɛm, kɛ mac, kɛ tol.

Ji̱ Röm 13:14

Kä ruɔnyɛ rɔ kɛ Kuäär ni Yecu Kritho, Kä /cuarɛ go̱r ni puɔ̱ny ikä kɛ lätnidun kɛ tin go̱o̱rɛ.

Ji̱ Röm 3:22

Ɛ jɛn ciaŋ cuŋni Kuɔth min bä kɛ ŋa̱th kɛ Yecu Kritho kɛ kui̱ nɛɛni diaal tin ŋa̱th. Kɛ ɣöö thilɛ dääk,

2 Kor 11:2

Ɣän ta̱a̱ kɛ tiɛɛl kɛ kui̱dun, tiɛɛl mi bëë kä Kuoth. Ɣän cä jɛ lar ɛn ɣöö bä yɛ ka̱m Kritho, a thil diw ce̱tkɛ nyam mi ka̱mkɛ ni cɔwdɛ kärɔa.

Ji̱ Gä-lëë-cia 3:27

Kä ca yɛ lak kɛ matdun kɛ Kritho, cia rɔ̱ kum kɛ Kritho.

Ji̱ Gä-lëë-cia 4:26

Kä ciek in dɔ̱ŋ lotdɛ ni Jɛ-ru-tha-lɛm min te nhial. Jɛn lɔrɛ, kä ɛ jɛn mandan.

Ji̱ Gä-lëë-cia 6:14

Kä a rɔ /cä liak kɛ min ce̱tkɛ ɛnɔ, kɛ ɣöö liakä ni jiath ëë li̱w Kuääran ni Yecu Kritho thi̱n kärɔa. Kɛ kui̱dɛ ci ɣɔw li̱w kä ɣä, kä ci ɣän li̱w kä ɣɔw.

Ji̱ Ɛ-pɛ-thäth 5:32

Nɛmɛ ɛ ruac mi cuäŋ naath, kä caarä jɛ ɛn ɣöö lotdɛ ni Kritho kɛnɛ duel Kuɔth.

Nyuuth 1:20

Mɛmɛ ɛ jɛn luɔt kä min dhal ji̱ kɛ kui̱ kuɛli da̱ŋ bärɔw tin ci nɛn tetdä cuëëcdä, kɛnɛ cuuŋni lɛmbärni dääpä da̱ŋ bärɔw. Kä kɛn kuɛl da̱ŋ bärɔw kɛ ja̱a̱k nhial duëli Kuɔth da̱ŋ bärɔw, kä cuuŋni lɛmbärni da̱ŋ bärɔw kɛ kɛn duël Kuɔth da̱ŋ bärɔw.

Nyuuth 11:19

Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 12:3

Kä cu nyuuth dɔ̱diɛn jɔɔc nhial. Tëëkɛ nyaŋ mi lual mi di̱i̱t, mi tekɛ wuɔ̱th da̱ŋ bärɔw kɛ tuɔ̱ŋ wäl, kɛ kuɔ̱mni kuäärä da̱ŋ bärɔw wuɔ̱thnikɛ.

Nyuuth 15:1

Kä cua nyuuth dɔ̱diɛn mi di̱i̱t mi gääy naath nɛn nhial, tëëkɛ ja̱a̱k nhial da̱ŋ bärɔw kɛ rik da̱ŋ bärɔw, tin la rik tin jɔak, kä bi waŋ lɔaac Kuɔth thuuk kɛ kɛ.

Nyuuth 21:14

Kä ca päny wec cuŋ wi̱i̱ päämni da̱ŋ wäl wi̱cdɛ rɛw, kä ca ciööt ja̱a̱kni Ruath Dɛ̈ɛ̈l da̱ŋ wäl wi̱cdɛ rɛw gɔ̱r thi̱n.

Nyuuth 21:23

Kä /ci wec buay ca̱ŋ kɛnɛ pay lɛ go̱r, kɛ ɣöö gɔɔy puɔnyä Kuɔth ɛ jɛn la buaydɛ mɔ, kä lɛmbärɛ ɛ Ruath Dɛ̈ɛ̈l.