Nyuuth 11:8 - RUAC KUƆTH IN RƐL RƆ

⁸ kä bi ri̱ŋkiɛn te piny dup wec in di̱i̱t guäth ëë ca Kuääriɛn ni Kuoth kɔŋ pua̱t jiaath thi̱n. Kä ciöt wec ɛmɔ ce̱tdɛ kɛ Thɔ-dɔm kiɛ I-jëp.

Nyuuth 11:8 Iomraidhean Croise

Tuk Cäkä Ɣɔaa 13:13

Kä täämɛ ji̱ rööl Thɔ-dɔm kɛ nɛy ti ji̱ nyuɔɔni kä ŋuan dueerkiɛn ɛlɔ̱ŋ nhiam Kuɔth Nhial.

Tuk Cäkä Ɣɔaa 19:24

Kä cu Kuoth Nhial macdɛ mi bëë ni nhial wuɔc wi̱c Thɔ-dɔm kɛnɛ Go-mo-ra.

Ɣöth 20:2

“Ɛ ɣän Kuoth Nhial Kuothdun ëë käm yɛ raar muun I-jëp, due̱e̱l yie̱e̱nä.

Ɣöth 3:7

Cu Kuoth Nhial ɛ jiök i̱, “Ɣän cä bɛ̈c bɛ̈ɛ̈c nɛɛnikä ŋäc kä gua̱a̱th kä I-jëp, cä lulliɛn in ci ränh kä ɣä kɛ kui̱ kua̱ri La̱tdiɛn liŋ, kä cä jiɛ̈th lɔaaydiɛn nɛn ɛpuc.

I-ca-yaa 3:9

Kɛ guec nhiamdiɛn nyoothɛ jɛ ɛn ɣöö tekɛ kɛ duer, liakɛ rɔ̱ kɛ dueerkiɛn ce̱tkɛ ji̱ Thɔ-dɔm, ɛ /ci kɛn jɛ tëë. Riɛk akɛ kɛ! Kɛ ɣöö cikɛ rɔ̱ nöŋ riɛk.

Bok Go̱kä ni Yir-mɛ-yaa 23:14

Duundɛ ɣöö cä mi jiäk ni jɛn nɛn, kä go̱o̱k Jɛ-ru-tha-lɛm. Cikɛ dhɔm kä lat kɛn ni ka̱a̱cni, kä com kɛn ni la̱a̱t jiäkni, kɛ ɣöö thilɛ ram mi bi rɔ lɛ ri̱t kä lätkɛ tin jiäk, ci kɛn diaal cu ce̱tnikɛ Thɔ-dɔm kä ɣä, kä ci ji̱kɛ cu ce̱tnikɛ Go-mo-ra.”

Bok Go̱kä ni Yir-mɛ-yaa 26:23

cuɛ U-ri-yaa wä nööŋ kä I-jëp, kä cua jɛ nöŋ kuäär ni Yɛ-ɣo-ya-kim, mëë cu jɛ näk kɛ thɛp kä cuɛ puɔ̱nydɛ yuɔr guäth kunyä nɛɛni tin duɛk.

Yɛdh 16:46

Kä nyimuɔɔr in di̱i̱t ɛ jɛn Tha-mɛ-ria, min cieŋ kui̱c caamdu kɛnɛ nyieekɛ. Kä nyimuɔɔr in tɔtdiɛn ɛ Thɔ-dɔm min cieŋ kui̱c cuëëcdu kɛnɛ nyieekɛ.

Yɛdh 16:49

Kä nɛmɛ ɛ duer nyimuɔɔr ni Thɔ-dɔm, jɛn kɛnɛ nyieekɛ cikɛ rɔ̱ liak kɛ mi̱th tin ŋuan tin tekɛ kɛ, kɛnɛ ciaŋ in gɔaa in tekɛ kɛ, kɛ ɣöö /kenɛ can kɛnɛ nɛy tin thil lua̱ŋ luäk.

Yɛdh 23:19

Kä cu leerɛ rep ni rɔ mɔ cɛ ni̱n ŋuɛɛtädɛ tim ɔ, mëë lätdɛ nyin leerä kä I-jëp.

Yɛdh 23:27

Inɔ, ɣän bä leeru kɛnɛ lät kadiimädu tëë ci tok kä I-jëp cu moc kɛ guk. Kä /cikɛ bi nyɔk kɛ gör kä /ci I-jëp bi nyɔk kɛ ti̱em.”

Yɛdh 23:3

Kɛn kɛ leer kä I-jëp, kɛ lër ni ŋuɛɛtädiɛn. Ɛn wani la thiëëpkɛ thinkiɛn ɛ wutni.

Yɛdh 23:8

Kä /kenɛ leer mëë cɛ tok kä I-jëp päl. La wutni a tɔ̱ɔ̱c kɛ jɛ ni mëë ɛ ŋuɛ̈t, kä cikɛn jɛ cu cɔli kadim.

Yɛdh 37:11

Kä cuɛ ɣä jiök i̱, “Gat ran, cɔ̱w ti̱ti̱ kɛ ji̱ thuɔk duël I-thɛ-rɛl diaal. Kä cukɛ wee i̱, ‘Kɛn cɔ̱w kɔ diaal cikɛ kööt, kä ci ŋa̱thda kɛ ti bi ben thil. Kɔn cakɔ tɛ̈m raar a thil diɛw.’

A-mɔth 4:11

“Kä yɛ cä tha̱a̱ŋkun däk, ce̱tnikɛ mëë ci Kuoth Thɔ-dɔm kɛnɛ Go-mo-ra däk, kä cuarɛ ce̱tnikɛ tɛ̈ɛ̈ jiaath mi ka̱nkɛ maac, kä ŋotdɛ /cia luny kä ɣä,” ruac ni Kuoth Nhial.

Mɛ̈t 10:15

Ɛpuc, ɣän la̱rä jɛ yɛ kɛ cäŋ luɔ̱k in di̱i̱t bi gɔaa ni rɛk Thɔ-dɔm kɛnɛ Go-mo-ra, kä jɛn rɛk ɛmɔ.”

Lät Jaakni Yecu 9:4

Cuɛ tɛɛth kä cuɛ jɔw liŋ, mi jio̱k jɛ i̱, “Thɔɔl, Thɔɔl, ɛŋu ciɛŋi ɣä a jiäk ɔ?”

Ji̱ Ɣi-bɛ-ru 13:12

Kä inɔ bä cu Yecu ti bɛ̈c bɛ̈ɛ̈c rut jɔk wec kɛ kui̱ kä ɣöö bɛ naath lɛy kɛ riɛmdɛ.

Ji̱ Ɣi-bɛ-ru 6:6

Duundɛ ɣöö cikɛ kac jɔk ŋäthädiɛn, bumɛ ɛn ɣöö dëëkɛ luɔ̱ɔ̱c jɔk a bikɛ dueerkiɛn päl kɛ ɣöö pua̱tkɛ ni Gat Kuoth puɔ̱ɔ̱ny jiaath kä yɔaŋkɛ jɛ nhiam nath.

2 Pit 2:6

Ci Kuoth rɛk Thɔ-dɔm kɛnɛ Go-mo-ra waŋ a bikɛ a ŋɛ̈th. Kä cuɛ kɛ jakä nyuuth kɛ kui̱ kä min bi tuɔɔk kä ji̱ jiäkni ti thil Kuoth.

Juud 1:7

Kä timɛ bä ɛn ɣöö wec Thɔ-dɔm kɛnɛ Go-mo-ra kɛ rɛ̈k tëë thia̱k kɛ kɛ, tëë ci ji̱kiɛn lät ce̱tkɛ ja̱a̱k ti̱ti̱ tëë ci ciaaŋ tɔ̱ɔ̱cä kɛ leerä mi jiääk la̱t kä cukɛ kac raar. Kä cukɛ cuuc kɛ duäc maac mi do̱raar ala nyuuth kɛ kui̱ nɛɛni diaal.

Nyuuth 11:13

Kä ɛn guäth ɛmɔ cuɛ tekɛ lath piɛny mi di̱i̱t, kä cu kui̱c wec in wäliɛn tɛɛth. Cu nɛy ti bathdɔɔri da̱ŋ bärɔw näk ɛ lath piɛny, kä cu duɔth nath dual ɛlɔ̱ŋ, kä cukɛ Kuoth puɔ̱ɔ̱rä liak.

Nyuuth 11:9

Kɛ ni̱n da̱ŋ diɔ̱k kɛ nuth, cu wutni tin te rɛy nath, kɛnɛ döör, kɛ thuk ti gööl, kɛ thuk duëli, pua̱nykiɛn tin ci li̱w di̱el guec, kä lökɛ ɣöö ba kɛ kony.

Nyuuth 14:20

Kä ɛn gua̱a̱th nhiecä dɛɛni wal tëë raar jɔk wec, kä cu riɛm lo̱o̱ny guäth nhiecä dɛɛni wal ce̱tkɛ yier mi cop luëŋdɛ ŋuäk jiöök tuɔ̱ruɔ̱k mi cu pal ni guäth mi tekɛ ki̱luni ti kur rɛw.

Nyuuth 14:8

Cu jääk nhial dɔ̱diɛn in rɛwdɛ jɛ guɔ̱ɔ̱r, wëë i̱, “Cɛ tɛɛth, cɛ tɛɛth ɛn Bɛ̈-bi-lɔn in di̱i̱t! Jɛn cɛ nɛy diaal jak kä mathkɛ kɔaŋdɛ jɛn kɔaŋ gaak leerädɛ.”

Nyuuth 16:19

Cu wec in di̱i̱t rɔ da̱a̱k kä diɔ̱ɔ̱k, kä cu wi̱i̱ dööri tëth. Cu Kuoth Bɛ̈-bi-lɔn in di̱i̱t tim, cuɛ jɛ jakä mäthɛ kɛ kɔaŋ waŋä lɔaac Kuɔth in te rɛy lirä.

Nyuuth 17:1

Kä cu ram kɛl kä ja̱a̱k nhial da̱ŋ bärɔw tin tekɛ thääk da̱ŋ bärɔw ben, kä ɣä cuɛ wee i̱, “Bër, bä ji̱ ben nyuɔ̱th luk lerä in di̱i̱t in ci nyuur wi̱i̱ pi̱i̱ni ti ŋuan.

Nyuuth 17:18

Kä ciek in ci nɛn ɛ wec in di̱i̱t in ruaac kua̱r wec muɔ̱ɔ̱n.”

Nyuuth 17:5

Kä ca ciöt mi /ca luɔtdɛ ŋäc gɔ̱a̱r nhiam kaandɛ wëë i̱, “Bɛ̈-bi-lɔn in di̱i̱t, man lëëri kɛnɛ nyuɔɔn wec muɔ̱ɔ̱n.”

Nyuuth 18:10

Kä bikɛ cuɔ̱ŋ nänä, kɛ ɣöö dualkɛ, kɛ ɣöö bikɛ cuɔ̱cdɛ nyuak, kä ɛ kɛn i̱, “Riɛk kua riɛk mi di̱t ɛ di! Lö wec mi di̱i̱t, Ji̱n wec Bɛ̈-bi-lɔn mi bum! Cu lukdu cu ben kɛ thaak kɛl.”

Nyuuth 18:18

Kä cukɛ wiee mëë cikɛ tol waŋädɛ nɛn wäkɛ i̱, “Ɛ wec in mith ce̱tkɛ wec in di̱i̱t ɔ?”

Nyuuth 18:2

Kä cuɛ ciöt kɛ jɔw mi bum, wëë i̱, “Cɛ pɛ̈ɛ̈n, cɛ pɛ̈ɛ̈n, ɛn Bɛ̈-bi-lɔn in di̱i̱t! Cɛ la ni gua̱a̱th cieŋä kuthni ti jiäk, ɛ gua̱a̱th cieŋä din ti jiäk, kä ɛ gua̱a̱th leeyni diaal tin jiäk.

Nyuuth 18:21

Kä cu jääk nhial mi bum päm mi ce̱tkɛ päm gua̱r mi di̱i̱t ka̱n, kä cuɛ jɛ yuɔr rɛy bar, wëë i̱, “Ce̱tkɛ ɛnɔ ba Bɛ̈-bi-lɔn wec in di̱i̱t yuɔr piny, kä /ca jɛ bi nyɔk kɛ jek.

Nyuuth 18:24

Kä ca jek ni riɛm göökni kɛnɛ nɛy tin ci Kuoth kɛ lɛy rɛydɛ, kɛn nɛy diaal tëë ca ŋuɔ̱t wi̱i̱ muɔ̱ɔ̱n.”