Nyuuth 11:5 - RUAC KUƆTH IN RƐL RƆ

⁵ Kä mi tëëkɛ ram mi go̱o̱r ɣöö bikɛ moc riɛk, bä mac raar thokdiɛn, kä waŋkɛ ji̱ tɛriɛn. Ram ɔ bikɛ moc riɛk ɔ ba jɛ näk kɛ jɛn duɔ̱ɔ̱p ɛmɔ.

Nyuuth 11:5 Iomraidhean Croise

Diit 18:8

Kä cu tol ben raar wuumdɛ, kä cu mac ben raar thokdɛ, bo̱l maac miim cɛ ben kä jɛ.

I-ca-yaa 11:4

Duundɛ ɣöö bɛ can luk kɛ cuŋ, kä bɛ ga̱y ɣɔaa luk kɛ thuɔ̱k, kä bɛ wi̱c muɔ̱ɔ̱n duäc kɛ ruacdɛ, kä bɛ ji̱ nyuɔɔni näk kɛ yiëë thuɔkdɛ.

Bok Go̱kä ni Yir-mɛ-yaa 1:10

Ɛn walɛ cä ji̱ la̱th wi̱i̱ dööri kɛnɛ kuääriɛn, kɛ ɣöö bikɛ yut, kä bikɛ yuɔr piny, bikɛ däk kä bikɛ woc, bikɛ tit kä bikɛ pith.”

Bok Go̱kä ni Yir-mɛ-yaa 5:14

Kɛ kui̱c ɛmɔ cu Kuoth Nhial in la Ruey Ɣɔaa wee i̱, “Kɛ ɣöö cikɛ ruac ɛmɛ lat, bä rieetkä jak kä mac thokdu, kä bi nɛy ti̱ti̱ a jiɛn, bi mac kɛ cu pɛt.

Yɛdh 43:3

Kä jɛn nyuuth in cä nɛn ce̱tdɛ kɛ nyuuth ëë nɛ̈ɛ̈nä mëë bä Kuoth wec ben däk, kɛnɛ nyuuth ëë cä kɔŋ nɛn mëë ta̱a̱ jɔk kiɛɛr Kɛ-bar, mëë cua̱ rɔ yuɔr piny ni buupä.

Ɣocä 6:5

Kɛ kui̱c ɛmɔ cä kɛ ŋuɔ̱k ni dhoon kɛ göökä. Kä kɛ lɛpdä cä kɛ näk. Ci lukdä cu lät ce̱tnikɛ bo̱l maac rɛydun.

Dhɛk 1:6

Kä ruacdä kɛnɛ ŋuɔ̱tkä tëë cä la̱r guuri kɛ thuk ja̱a̱ŋnikä ni go̱o̱k, /ken guurikun kɛ ba̱ny piny? Kä cukɛ rɔ̱ ri̱t a wäkɛ i̱, ‘Ci Kuoth Nhial in la Ruey Ɣɔaa kɔn lät kä mi ce̱tkɛ dupkɔn kɛnɛ lätkɔn, ce̱tnikɛ min cɛ car i̱ bɛ la̱t.’ ”

Dhɛk 2:8

Kä ɛ jɛn min laar Kuoth Nhial in la Ruey Ɣɔaa ɛ, kɛ kɔr kä min cɛ ɣä jäk kä döör tin ca yɛ pɛc, kɛ ɣöö ramɔ ci yɛ nyɔt ɔ cɛ thiap ni ti̱ey waŋdɛ.

Nyuuth 13:13

Lätdɛ nyuuthni ti di̱t ti ga̱ykɛ naath, a jakɛ mac kä bëë piny nhial a guɛckɛ ɛ naath.

Nyuuth 9:17

Kä cua jɛn nën in cä nɛɛn ni jio̱o̱k tuɔ̱ruɔ̱k rɛy nyuuthädä. Kä nɛy tin kɔat kɛ kɛ ciaŋkɛ köötni yieethä bapdiɛn ti luaal ce̱tkɛ mac, kɛ ti jaŋ jaaŋ ce̱tkɛ pua̱a̱r, kɛnɛ wäl mi yian in waŋkɛ. Kä ce̱t wuɔ̱th jio̱o̱kni tuɔ̱ruɔ̱k kɛ wuɔ̱th lonyni, kä bä ni mac kɛnɛ tol, kɛ wäl mi kɛc ŋuänydɛ raar thuknikiɛn.