Nyuuth 11:3 - RUAC KUƆTH IN RƐL RƆ

³ Kä bä nëënkä da̱ŋ rɛw ti ca rɔ rony kɛ bieyni cuali ka̱m buɔ̱m kɛ ɣöö bikɛ ruac Kuɔth lat kɛ ni̱n ti bathdɔɔr kɛl wi̱cdɛ kur rɛw wi̱cdɛ jiɛn bäkɛl.”

Nyuuth 11:3 Iomraidhean Croise

Tuk Cäkä Ɣɔaa 37:34

Kä inɔ cu Je-kɔb bieynikɛ ku rɛ̈t, kä cuɛ rɔ moc kɛ bieyni cuɔɔli, kä cuɛ gatdɛ par kɛ ni̱n ti ŋuan.

2 Tham 3:31

Kä cu Dee-bid Yo-ab jiök kɛnɛ nɛy diaal tin te kɛɛl kɛ jɛ i̱, “Rɛ̈tdɛ bieynikun kä la̱thɛ bieyni cuali, kä parɛ Ä-bi-ner.” Kä cu kuäär ni Dee-bid gal in kapkɛ raan guɔ̱ɔ̱r.

1 Kua̱r 21:27

Kä min ci Ɛ̈-ɣab rieet ti̱ti̱ liŋ, cuɛ bieynikɛ rɛ̈t, kä cuɛ bieyni cuali la̱th puɔ̱ɔ̱nydɛ kä cuɛ thɛɛk, kä cuɛ tɔ̱ɔ̱c kɛ bieyni cuali, kä cuɛ ja̱l ɛ luaŋ luaŋ.

2 Kua̱r 19:1

Kä min ci kuäär ni Ɣidh-ki-yaa jɛ liŋ cuɛ bieynikɛ rɛ̈t kɛ jiath lɔaac, kä cuɛ rɔ kum kɛ bieyni cuali kä cuɛ wä rɛy luaak Kuɔth Nhial.

1 Kuɛ̈n 21:16

Kä cu Dee-bid wi̱cdɛ kap nhial, cuɛ jääk Kuɔth Nhial nɛn tëë cuŋä kam nhial kɛnɛ piny, kä te tetdɛ kɛ mut mi cɛ cio̱c kui̱rɛ jɛ kä Jɛ-ru-tha-lɛm. Kä cu Dee-bid kɛnɛ bööth rɔ moc kɛ bieyni cuali, kä cu kɛ nhiamdiɛn guɔ̱l piny.

Nɛ-ɣɛm-yaa 9:1

Kä kɛ cäŋ kä jiɛn da̱ŋ rɛw wi̱cdɛ ŋuaan kɛ jɛn pay bärɔw, cu ji̱ I-thɛ-rɛl rɔ̱ dol kä thɛ̈kɛ mi̱th kä ciɛŋ kɛn ni bieyni cuali kä ca wuɔ̱thkiɛn moc tup kɛ ɣöö jiɛth lo̱ckiɛn.

I-yob 16:15

Kä ciaŋä ni bieyni cuaalä kɛ ɣöö pa̱rä, a cä buɔ̱mdä muɔl rɛy tupä.

Diit 69:11

Kä mɔ cä bieyni cuali la̱th ɔ kɛ ɣöö pa̱rä, lakɛn cua̱ dɔl ni ɣä.

I-ca-yaa 22:12

Ɛn cäŋ ɛmɔ cu Kuoth Nhial in la ruey Ɣɔaa ji̱ cɔl kɛ ɣöö bi wiee kä bi pa̱r, kä bi wi̱cdu mut a bi ciɛŋ ni bieyni cuali.

Bok Go̱kä ni Yir-mɛ-yaa 1:10

Ɛn walɛ cä ji̱ la̱th wi̱i̱ dööri kɛnɛ kuääriɛn, kɛ ɣöö bikɛ yut, kä bikɛ yuɔr piny, bikɛ däk kä bikɛ woc, bikɛ tit kä bikɛ pith.”

Jiɛth 2:10

Ci di̱t kɛnɛ nyier Dha-yɔn nyuur bitkɛ ɛ til, ca la̱th ni bieyni cuali pär kɛn. Kä ci nyier Jɛ-ru-tha-lɛm guɔ̱l ni wuɔ̱thkiɛn piny.

Yɛdh 4:6

Kä mi wi̱i̱ ti̱ti̱ wä thuk, bi rɔɔdu nyɔk kɛ tɔ̱ɔ̱c in rɛwdɛ, duundɛ ɣöö, bi tɔ̱ɔ̱c kɛ pek cuëëcdu. Bi duäc ji̱ Juda rut kɛ ni̱n ti jiɛn da̱ŋ ŋuaan. Kä päär ni̱en kɛl kɛ ruɔ̱n kɛl.

Bok Go̱kä ni Da-ni-yel 12:7

Kä cu ram min ci rɔ rony kɛ bi̱i̱ in ca mɛn ɛgɔaa min te cuŋä wi̱i̱ pi̱i̱ni tet cuëëcdɛ kɛnɛ tët caamdɛ tar nhial. Kä cua̱ jɛ liŋ yaacɛ rɔ kɛ ciöt Kuɔth in do̱raar ɛn ɣöö, bi mɛmɛ tuɔɔk kɛ run da̱ŋ diɔ̱k kɛ nuth, mi wä buɔ̱m nɛɛni Kuɔth wä thuɔ̱k, bikɛn ti diaal ti̱ti̱ cu thuɔ̱k.

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Bok Go̱kä ni Da-ni-yel 8:14

Kä cuɛ ɣä loc wëë i̱, “Bɛ la ni̱n ti bathdɔɔri rɛw wi̱cdɛ kur diɔ̱k, kɛ kɔrɛ ba luak Kuɔth kulɛ nyɔk kɛ lätni.”

Yo-el 1:13

Yɛn bööth palä tin lät wi̱i̱ yi̱kä, bia la̱thɛ bieyni jiɛthä lɔaac kä rötdɛ, kä thuɔ̱kɛ wäär kɛ bieyni jiɛthä lɔaac. Yɛn nɛy tin la la̱a̱t Kuɔthdä. Kɛ ɣöö /ca muc bɛɛl kɛnɛ kɔaŋ ŋok, rɛy luaak Kuɔthdun.

Jona 3:5

Cu ji̱ Ni-nɛ-be riet Kuɔth ŋäth, kä cukɛ jɛ gok i̱ bi nɛy diaal mi̱th thɛk, kä bikɛ rɔ̱ moc kɛ bieyni cuali, nɛy tin di̱t a mäni nyintiɛtnikiɛn, mi nyooth ni ɣöö cikɛ rɔ̱ ri̱t kä jiäkiɛn.

Jona 3:8

Bi nɛy diaal kɛnɛ le̱y ciëŋ diaal bieyni cuali dhil la̱th. Bi nɛy diaal Kuoth dhil pal kɛ pe̱k lo̱cnikiɛn, kä bi raan rɔ dhil ri̱t kä jiäkɛ kɛnɛ nyuɔɔnkɛ.

Kuen 11:26

Täämɛ cu wutni da̱ŋ rɛw duɔth rɛy wec, wut mi cɔal i̱, Ɛl-dad kɛnɛ Me-dad, kä ci yiëë ben rɛydiɛn, tekɛ rɛy nɛɛni tëë ca gɔ̱r, duundɛ ɣöö /ken kɛ wä kä kɛmɛkä ro̱mä, cu kɛ ruaacni go̱o̱kä lat rɛy wec.

Mɛ̈t 11:21

“Riɛk akɛ yɛ, yɛn ji̱ Ko-rä-dhin, kä riɛk akɛ yɛ, yɛn ji̱ Beth-the-da, kɛ ɣöö mi ca lät tin ga̱ykɛ naath la̱t rɛy Dhor kɛnɛ Dhi-don ce̱tkɛ tëë ca la̱t rɛydun, ce̱t cikɛ rɔ̱ ri̱t dueeri ni wal kɛ läth bieyni cuali kɛnɛ nyuur rɛy ŋɛthä.

Mɛ̈t 18:16

Kä mi /cɛ ruacdu liŋ, naŋ ram kɛl kiɛ nɛy da̱ŋ rɛw kɔ̱kiɛn kɛ ji̱ kɛɛl, kɛ ɣöö bɛ ruaacni diaal tëë cia lat ŋa̱c a thil diw kɛ li̱eŋ nɛɛni da̱ŋ rɛw kiɛ diɔ̱k.

Luk 10:13

“Riɛk akɛ yɛ, yɛn ji̱ Ko-rä-dhin! Riɛk akɛ yɛ, yɛn ji̱ Beth-the-da! Kɛ ɣöö mi ca lät ti buɔ̱m buɔ̱ɔ̱m tëë ca la̱t rɛydun la̱t kä Dhor kɛnɛ Dhi-don, ce̱t cikɛ rɔ̱ ri̱t dueeri ni wal kɛ läth bieyni cuali kɛnɛ nyuur rɛy ŋɛthä.

Luk 24:48

Kä bi yɛn a nëën ŋɔaani ti̱ti̱.

Jɔ̱ɔ̱n 15:27

Kä bia ruac nenä lat kɛ kui̱dä bä, kɛ ɣöö cia te kɛɛl kɛ ɣä ni tukädɛ.”

Jɔ̱ɔ̱n 3:27

Cu Jɔ̱ɔ̱n ɛ loc, “Thilɛ mi dee raan ɛ jek, ɛ ni mi ca ka̱m jɛ ni nhial.

Lät Jaakni Yecu 1:8

Kä yɛn bia buɔ̱m jek mi wä Yiëë in Gɔaa in Rɛl Rɔ ben kä yɛ. Kä bi yɛn a nëënkä kä Jɛ-ru-tha-lɛm, kɛnɛ rɛy Ju-dia kɛɛliw, kɛ Tha-mɛ-ria kɛnɛ pek ɣɔaa kɛɛliw.”

Lät Jaakni Yecu 13:31

Kä kɛ ni̱n ti ŋuan cuɛ rɔɔdɛ nyuɔ̱th nɛy tëë cu jiɛɛn kɛ jɛ kɛɛl kä Gɛ̈-lɛ-li wäkɛ kä Jɛ-ru-tha-lɛm, kä kɛ nëënkɛ ɛn täämɛ kä naath.

Lät Jaakni Yecu 2:32

Ɛn Yecu ɛmɛ ci Kuoth ɛ jiɛc li̱th, kɛ kui̱ ɛmɔ kɔn diaal lapnɛ nëën.

Lät Jaakni Yecu 3:15

Cia Ram in no̱o̱ŋ tëk in ci Kuoth ɛ jiɛc li̱th näk. Kä kɛ kɔn nëën kä nɛmɛ.

1 Kor 12:28

Kä ci Kuoth naath kuany rɛy duëël Kuɔth, kɛ nhiam jaak, kɛ rɛwdɛ göök, diɔ̱ɔ̱kdiɛn ŋi̱eec, kɛ nɛy ti la̱tkɛ ti ga̱ykɛ naath, kɛ nɛy tin jakɛ naath kä gɔw, kɛ lua̱a̱k nath, kɛ ruëëc nath, amäni nɛy ti ruac kɛ thuk gööli.

2 Kor 13:1

Mɛmɛ ɛ jɛn diɔ̱ɔ̱k benädä kä yɛ. “Mi tëëkɛ go̱o̱ny bɛ dhil tekɛ nëën da̱ŋ rɛw kiɛ diɔ̱k.”

Ji̱ Ɛ-pɛ-thäth 4:11

Kä muc tin cɛ ŋun ɛ ɣöö bi tha̱a̱ŋ nath a jaak, bi tha̱a̱ŋkiɛn a göök, kä bi tha̱a̱ŋkiɛn a da̱a̱k ruac Kuɔth, bi tha̱a̱ŋkiɛn a bööth palä kɛnɛ ŋi̱eec.

Ŋuɔ̱t 17:6

Kɛ nën nɛɛni diɔ̱k na̱kɛ jɛ, kä /ca raan bi näk kɛ nën raam kɛl.

Ŋuɔ̱t 19:15

“Thilɛ nën raam kɛl mi ba gua̱ndɛ lar i̱ tëë kɛ dueer ti cɛ la̱t a cäŋ ɛ kueth. Ɛ ni nën nɛɛni da̱ŋ rɛw kiɛ diɔ̱k, ɛ jɛn ba lukɔ.

Nyuuth 1:5

kä bä kä Yecu Kritho in la neen in ŋa̱thkɛ, jɛn kɛ̱̈ɛ̱̈ nɛɛni ti ci li̱w, kä kuäär kua̱ri wec muɔ̱ɔ̱n. Kä jɛn nhɔkɛ kɔn, kä cɛ kɔn lony rɛy dueerikɔn kɛ riɛmdɛ.

Nyuuth 11:2

Kä /cu kal luaak Kuɔth in te raar thɛm, päl ɛ, kɛ ɣöö ca jɛ ka̱m döör, kɛ ɣöö bikɛ wec in rɛl rɔ dɔany kɛ päth ti jiɛn ŋuan wi̱cdɛ rɛw.

Nyuuth 11:6

Tekɛ kɛ lua̱ŋ kɛ ɣöö ba pua̱a̱r gäk, kɛ ɣöö /ci nhiaal bi dɛ̈m kɛ ni̱n tin lat kɛn ɛ ruac Kuɔth, kä tekɛ kɛ lua̱ŋ kɛ ɣöö dëë pi̱ loc ni riɛm, kɛnɛ ɣöö dëë wi̱c muɔ̱ɔ̱n duäc kɛ rik diaal, ce̱tkɛ gua̱a̱th in go̱o̱r kɛn ɛ.

Nyuuth 12:6

Kä cu ciek rɔ bar guäth mi te baaŋ, mi ci Kuoth ɛ rialikä kɛ kui̱dɛ, guäth in ba mi̱eth thi̱n kɛ ni̱n ti bathdɔɔr kɛl wi̱cdɛ kur rɛw, wi̱cdɛ jiɛn bäkɛl.

Nyuuth 13:5

Kä cua ley moc kɛ thok mi ruac liakä, mi kuethɛ Kuoth, kä ca jɛ pa̱l buɔ̱m kɛ päth ti jiɛn da̱ŋ ŋuan wi̱cdɛ rɛw.

Nyuuth 19:10

Kä cua rɔ yuɔr piny ciöknikɛ kɛ ɣöö, bä jɛ pal, kä duundɛ ɣöö cuɛ ɣä jiök i̱, “/Cu mɔmɔ lät! Ɛ ɣän läät kɛ ji̱ kɛɛl yɛnɛ dämuɔɔri tin ka̱pkɛ ruac nenä Yecu. Pal ni Kuoth. Kɛ ɣöö ruac nenä min ci Yecu ɛ lat ɛ jɛn yiëë göökni.”

Nyuuth 20:4

Kä cua kɔamni kuäärä nɛn, kä nɛy tin nyuur thi̱n cakɛ ka̱m lua̱ŋ luɔ̱ɔ̱kni. Kä cua tiey nɛɛni ti ca näk kɛ kui̱ nenädiɛn kɛ Yecu kɛnɛ ruac Kuɔth nɛn bä. Kɛ nɛy tin /ka̱n ley pal kiɛ cätdɛ, kä /ka̱n biɛlɛ la̱th nhiam kaandiɛn kiɛ tetnikiɛn. Cukɛ rɔ̱ nyɔk kɛ tëk, kä cukɛ ruëc kɛɛl kɛ Kritho kɛ run ti bathdɔɔr kɛl.