Nyuuth 11:2 - RUAC KUƆTH IN RƐL RƆ

² Kä /cu kal luaak Kuɔth in te raar thɛm, päl ɛ, kɛ ɣöö ca jɛ ka̱m döör, kɛ ɣöö bikɛ wec in rɛl rɔ dɔany kɛ päth ti jiɛn ŋuan wi̱cdɛ rɛw.

Nyuuth 11:2 Iomraidhean Croise

Diit 79:1

Ci döör mundu mac lö Kuoth, cikɛ luaakdu min Rɛl Gɔɔydɛ rɔ ya̱r, cikɛ Jɛ-ru-tha-lɛm da̱k ni piny.

I-ca-yaa 48:2

Yɛn nɛy ti cɔalɛ rɔ̱ i̱ ji̱ wec in rɛl gɔɔydɛ rɔ, tin nɔ̱a̱kɛ rɔ Kuoth I-thɛ-rɛl, min cɔalkɛ ciötdɛ Kuoth Nhial in la Ruey Ɣɔaa.

I-ca-yaa 5:5

“Ɛn täämɛ ɣän bä yɛ la̱r min bä lät kä kak walkä kɛ kui̱ kɔaŋ. Ɣän bä nälɛ woc, kä bɛ cu wä juɔl. Kä bä wecdɛ däk, kä ba jɛ dɔany kɛ ciök.

I-ca-yaa 52:1

Keri keri lö Dha-yɔn, kä jak ni rɔ kä bum, läthni bi̱i̱du min gɔaa, lö Jɛ-ru-tha-lɛm wec in rɛl rɔ, kɛ ɣöö /ci nɛy tin ka̱n cuɛl kɛnɛ nɛy tin jiäk rɔ̱ bi nyɔk kɛ ben kä ji̱.

Jiɛth 1:10

Kä ca kuakɛ diaal tin gɔw ka̱n ɛ ji̱ tɛ̈rɛ. Kä cuɛ nɛy ti thil Kuoth nɛn wäkɛ luaak Kuɔthdɛ, guäth in ci Kuoth Nhial jɛ yac ɛn ɣöö cikɛ bi wä thi̱n.

Yɛdh 4:6

Kä mi wi̱i̱ ti̱ti̱ wä thuk, bi rɔɔdu nyɔk kɛ tɔ̱ɔ̱c in rɛwdɛ, duundɛ ɣöö, bi tɔ̱ɔ̱c kɛ pek cuëëcdu. Bi duäc ji̱ Juda rut kɛ ni̱n ti jiɛn da̱ŋ ŋuaan. Kä päär ni̱en kɛl kɛ ruɔ̱n kɛl.

Yɛdh 42:20

Kä cuɛ jɛ thɛm peknikɛ da̱ŋ ŋuaan diaal. Kä tëë kɛ päny mi go̱l jɛ, bär jɔakdɛ ɛ jua̱th tetni ti kur dhieec, kä ɣäp ɣääpdɛ ɛ jua̱th tetni ti kur dhieec, päny ɛmɔ dääkɛ gua̱a̱th in rɛl gɔɔydɛ rɔ kɛnɛ gua̱th tin kɔ̱ŋ.

Bok Go̱kä ni Da-ni-yel 12:7

Kä cu ram min ci rɔ rony kɛ bi̱i̱ in ca mɛn ɛgɔaa min te cuŋä wi̱i̱ pi̱i̱ni tet cuëëcdɛ kɛnɛ tët caamdɛ tar nhial. Kä cua̱ jɛ liŋ yaacɛ rɔ kɛ ciöt Kuɔth in do̱raar ɛn ɣöö, bi mɛmɛ tuɔɔk kɛ run da̱ŋ diɔ̱k kɛ nuth, mi wä buɔ̱m nɛɛni Kuɔth wä thuɔ̱k, bikɛn ti diaal ti̱ti̱ cu thuɔ̱k.

Bok Go̱kä ni Da-ni-yel 7:19

“Kä cua̱ jɛ go̱r ɛn ɣöö bä thuɔ̱k ŋa̱c kɛ kui̱ lɛ̱̈ɛ̱̈ in ŋuaandiɛn. Min tekɛ dääk kɛ ley diaal tin kɔ̱kiɛn, min dual naath kɛ jɛ ɛlɔ̱ŋ, min tekɛ lɛc ladiɛt kɛnɛ rio̱p yieethä min yian, jɛn ley in la cam min cɛ näk, kä la dɔnyɛ min ci duɔth kɛ ciökɛ.

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Bok Go̱kä ni Da-ni-yel 8:10

Cu tuŋ in tɔt piith a cuɛ räth ni pua̱a̱r. Cuɛ tha̱a̱ŋ nyini nhial kɛnɛ tha̱a̱ŋ ciɛri yuɔr piny kä cuɛ kɛ dɔany kɛ ciökɛ.

Bok Go̱kä ni Da-ni-yel 8:13

Kä cua̱ jääk Kuoth liŋ ruacɛ, kä cu jääk in dɔ̱ŋ jɛ jiök i̱, “A bɛ ku mäni nɛy bi nyuuth ruac kɛ kui̱ mucni tin waŋkɛ kɛnɛ nyuɔɔn in ci da̱k nööŋ, kɛ tho̱p luaak Kuɔth kɛnɛ nyin nhial kɛ ɣöö bakɛ dɔany kɛ ciök?”

Bok Go̱kä ni Da-ni-yel 8:14

Kä cuɛ ɣä loc wëë i̱, “Bɛ la ni̱n ti bathdɔɔri rɛw wi̱cdɛ kur diɔ̱k, kɛ kɔrɛ ba luak Kuɔth kulɛ nyɔk kɛ lätni.”

Kuen 14:34

Nikɛ pek ni̱ni tëë lim yɛn kɛ ni mun, ni̱n ti jiɛɛn da̱ŋ ŋuaan, bi cäŋ kɛl a ruɔ̱n, bia riɛkdun rut kɛ run ti jiɛɛn ŋuaan, a bi yɛn jiääk gaakdä ŋa̱c kɛ yɛ.’

Mɛ̈t 27:53

Cukɛ ben raar rɛy kɔ̱a̱kni, mëë ca Yecu jiɛc li̱th cukɛ wä rɛy ciëŋ in rɛl rɔ, kä cuakɛ nɛn ɛ nɛy ti ŋuan.

Mɛ̈t 4:5

Kä cu gua̱n jiäkni jɛ naŋ kä Jɛ-ru-tha-lɛm wec in rɛl rɔ kä cuɛ jɛ wä la̱th wi̱i̱ luaak Kuɔth mi bäär.

Mɛ̈t 5:13

“Yɛn lapɛ milɛ ji̱ wec muɔ̱ɔ̱n, kä mi ci wac milɛ thuuk, dëë wacdɛ nyɔk kɛ loc thi̱n i̱di? /Cɛ lɛ ŋot kɛ gɔɔy, kä ɛ ni ɣöö dëë jɛ yäk, kä dëë jɛ dɔny kä piny ɛ naath.

Luk 21:24

Bakɛ näk kɛ thɛp, kä bakɛ naŋ ala pɛ̈ɛ̈c rɛy dööri diaal. Ba Jɛ-ru-tha-lɛm dɔany piny ɛ Jur, amäni ci gua̱a̱th juri thuɔ̱k.”

Ji̱ Ɣi-bɛ-ru 10:29

Kuɛ tɔ̱a̱ŋ mi jiääk mi te di ɛnɔ caarɛ mɔ i̱ ba jek ɛ nɛy tin /ca Gat Kuɔth luth, kä guɛckɛ riɛm matdä ruac ëë ca lɛy ni kɛ ce̱tkɛ mi /ciɛ mi gɔaa, kä kueth Yiëë nho̱kä Kuɔth?

Nyuuth 11:11

Kɛ kɔr ni̱ni da̱ŋ diɔ̱k kɛ nuth cu yiëë teekä mi bä kä Kuoth coth rɛydiɛn, kä cukɛ rɔ̱ jiëc cuɔ̱ŋ, kä cu dual mi di̱i̱t ben kä nɛy ti ca kɛ nɛn.

Nyuuth 11:3

Kä bä nëënkä da̱ŋ rɛw ti ca rɔ rony kɛ bieyni cuali ka̱m buɔ̱m kɛ ɣöö bikɛ ruac Kuɔth lat kɛ ni̱n ti bathdɔɔr kɛl wi̱cdɛ kur rɛw wi̱cdɛ jiɛn bäkɛl.”

Nyuuth 12:6

Kä cu ciek rɔ bar guäth mi te baaŋ, mi ci Kuoth ɛ rialikä kɛ kui̱dɛ, guäth in ba mi̱eth thi̱n kɛ ni̱n ti bathdɔɔr kɛl wi̱cdɛ kur rɛw, wi̱cdɛ jiɛn bäkɛl.

Nyuuth 21:10

Rɛy yieekä cuɛ ɣä naŋ wi̱i̱ pa̱a̱m mi di̱i̱t mi bäär, kä cuɛ ɣä nyuɔ̱th wec Jɛ-ru-tha-lɛm mi rɛl rɔ bëë piny nhial kä Kuoth.

Nyuuth 21:2

Kä cua wec Jɛ-ru-tha-lɛm in rɛl rɔ min pay la̱t nɛn, bëë piny nhial kä Kuoth a ca rialikä ce̱tkɛ kaw mi ci rɔ pik kɛ yio̱w kɛ kui̱ cɔaadɛ.

Nyuuth 22:19

Kä mi tëëkɛ ram mi wä rieet woc rɛy buɔk ruaacni go̱o̱kä ɛmɛ, bi Kuoth kui̱dɛ woc kä jiath teekä kɛnɛ wec in rɛl gɔɔydɛ rɔ, tin ca lat rɛy buɔk ɛmɛ.