Nyuuth 11:19 - RUAC KUƆTH IN RƐL RƆ

¹⁹ Kä cua luaak Kuɔth in te nhial lɛp, kä cua thanduk matdä ruac Kuɔth nɛn rɛy luaakdɛ. Kä cuɛ tekɛ yiel kɛnɛ wuɔ̱w mi di̱i̱t, kɛ ma̱a̱r kɛnɛ lath piɛny, kɛ nhiaal guiyni mi di̱i̱t.

Nyuuth 11:19 Iomraidhean Croise

Diit 105:32

Kä cuɛ jäk nikɛ kä guiy ala nhiaal mi dɛm, kɛnɛ yiel nhial muundiɛn kɛɛliw.

Diit 18:12

Kɛ buay nhiamdɛ la no̱o̱ŋɛ pua̱r mi dɛm kɛ guiy kä tekɛ yi̱el.

I-ca-yaa 28:2

Kä nɛnɛ, Kuäär tëë kɛ ram mi bum, ce̱tdɛ nikɛ ruɔth kɛnɛ jiɔam mi bum, ce̱tdɛ nikɛ nyɔc mi cään, bɛ wec ɛmɔ kuɛr ni piny.

I-ca-yaa 29:6

bi Kuoth Nhial in la Ruey Ɣɔaa yɛ gui̱l, bɛ yɛ gui̱l kɛ ma̱a̱r kɛnɛ lath piɛny kɛ rɔal mi di̱i̱t, bɛ yɛ gui̱l kɛ ruɔth kɛnɛ thul, kɛ mac mi pɛt ŋɔak.

I-ca-yaa 30:30

Ɛn Kuoth Nhial bɛ naath jak kä liɛŋkɛ jɔwdɛ min bum, kä bikɛ rɛmdɛ nɛn bëë piny kɛ ŋɛ̈ɛ̈ny mi di̱i̱t kɛnɛ mac mi waaŋ ŋɔak, kɛ wuɔ̱n mi ma̱a̱r kä tëë kɛ nhiaal guiiyni.

I-ca-yaa 32:19

Cäŋ bi nhiaal guiiyni rup däk, kä bi wec da̱k kɛɛliw.

Yɛdh 13:11

Kua jɛ la̱r kɛn go̱o̱k tin rɔathkɛ päny kɛ töc ɛn ɣöö bi päny ɛmɛ tɛɛth. Ɣän Kuoth bä nhiaal mi di̱i̱t jakä dɛm kä bä nhiaal guiiyni jakä pɛn puɔ̱ɔ̱ny pa̱a̱ny, kä bä jiɔam mi di̱i̱t jakä put kɛ kui̱dɛ.

Yɛdh 13:13

Kɛ kui̱ ɛmɔ, mɛmɛ larɛ ɣän Kuäär ni Kuoth Nhial i̱, “Ɣän bä jiɔam mi di̱i̱t nööŋ kɛ ŋɛ̈ɛ̈nydä, kɛ nhiaal mi di̱i̱t kɛnɛ nhiaal guiiyni kɛ ɣöö bikɛ päny ɛmɛ ben däk.

Yɛdh 38:22

Kɛ liaw kɛnɛ ko̱r ɣän bä Gog luk kɛ kɛ. Ɣän bä nhiaal thuɔ̱ɔ̱l kɛnɛ nhiaal guiiyni, kɛ mac kɛnɛ tol mi tekɛ ŋuäny mi jiääk, jakä dɛm kä jɛ kɛnɛ rɛmdɛ kɛ nɛy tin ŋuan tin te kɛɛl kɛ jɛ.

Kuen 10:33

Inɔ cukɛ ɣöth kä Thi-nay päm Kuɔth Nhial jälkɛ kɛ ni̱n diɔ̱k, kä te thanduk matdä ruac Kuɔth Nhial nhiamdiɛn kɛ ni̱n diɔ̱k, kɛ ɣöö bɛ kɛ jëk gua̱a̱th lɔ̱ŋä.

Kuen 4:15

Mi wä Ä-ron kɛnɛ gaatkɛ wä thuɔ̱k kɛ kum kɛmɛkä kɛnɛ kuakɛ diaal mi ɣöth kɛ wec, ɛn wa̱nɔ bi gaat Kɛ-ɣath ben ba kɛ ben kap, ɛ ni ɣöö ca tin rɛl gɔɔydiɛn rɔ̱ bi nyɔt kɛ ɣöö /ci kɛ bi li̱w. Ti̱ti̱ kɛ kɛn kuak kɛmɛkä ro̱mä tin bi gaat Kɛ-ɣath kɛ kap.

Kuen 4:5

Kä gua̱a̱th in ci wec thia̱k kɛ ɣöth la Ä-ron kɛnɛ gaatkɛ a coth rɛy kɛmɛkä bikɛ geel nhial ka̱p piny kä bikɛ jɛ kum ni thanduk matdä ruaacni Kuɔth.

Jɔ-cua 10:11

Kä ɛn guäth in barkɛ ni rɔ̱ kä ji̱ I-thɛ-rɛl min luɔ̱ŋkɛ rɔ̱ piny wi̱i̱ pa̱a̱m kä Beth-o-ron, cu Kuoth Nhial kɛ bök ni nhial kɛ guiy nhial kä cu guiy kɛ na̱k lɛɛr amäni Ä-dhe-ka. Kä cu ŋuan ni nɛy tin ci guiy kɛ thöŋ kä tin ci ji̱ I-thɛ-rɛl kɛ näk kɛ yio̱w.

Nyuuth 11:13

Kä ɛn guäth ɛmɔ cuɛ tekɛ lath piɛny mi di̱i̱t, kä cu kui̱c wec in wäliɛn tɛɛth. Cu nɛy ti bathdɔɔri da̱ŋ bärɔw näk ɛ lath piɛny, kä cu duɔth nath dual ɛlɔ̱ŋ, kä cukɛ Kuoth puɔ̱ɔ̱rä liak.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 12:1

Kä cu nyuuth mi gääy naath jɔɔc nhial. Tëëkɛ ciek mi ci rɔ rony kɛ cäŋ, kä te pay ciöknikɛ, kä te wi̱cdɛ kɛ kum ciɛri da̱ŋ wäl rɛw.

Nyuuth 16:1

Kä cua jɔw mi di̱i̱t liŋ rɛy luaak Kuɔth, jio̱kɛ ja̱a̱k nhial da̱ŋ bärɔw i̱, “Wiaa, wuɔcɛ thääk waŋä lɔaac Kuɔth da̱ŋ bärɔw wi̱i̱ muɔ̱ɔ̱n.”

Nyuuth 16:18

Cuɛ tekɛ yiel kɛ wuɔ̱w mi di̱i̱t, kɛnɛ ma̱a̱r nhial, kɛ lath piɛny mi di̱i̱t mi /ken kɔŋ te thi̱n ni mëë te naath wi̱i̱ muɔ̱ɔ̱n, cu lath piɛny cu di̱t inɔ.

Nyuuth 16:21

Kä cuɛ tekɛ nhiaal guiyni ti di̱t ti ce̱t thiakdiɛn kɛ ki̱lu gɛrɛ̈mni ti jiɛn dhieec, cukɛ pɛn kä naath, amäni mëë wäkɛ Kuoth kuëth kɛ kui̱ rikä nhiaal guiyni, kɛ ɣöö ɛ riɛk guiyni mi jiääk.

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 4:1

Kɛ kɔr kä mɛmɛ cua guic, kä nɛnɛ, te ciëŋ nhial kɛ thok mi ɣööŋ! Kä jɔw in jio̱l in cä liŋ ruacɛ kɛ ɣä ce̱tkɛ jɔw kaaŋä, wee i̱, “Bër nhial wanɛ mɛ, kä bä ji̱ nyuɔ̱th ŋɔaani tin bi dhil tuɔɔk kɛ kɔr kä mɛmɛ.”

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 7:15

Kɛ kui̱ ɛmɔ tekɛ nhiam kɔam kuäärä Kuɔth, kä palkɛ jɛ kɛ cäŋ kɛnɛ wäär rɛy luaak Kuɔth, kä bi ram in nyuur wi̱i̱ kɔam kuäärä kɛ gaŋ kɛ ta̱a̱dɛ kɛɛl kɛ kɛ.

Nyuuth 8:5

Kä cu jääk nhial thak ka̱n, cuɛ jɛ thiäŋ kɛ mac wi̱i̱ yi̱kä, kä cuɛ jɛ wuɔc wi̱i̱ muɔ̱ɔ̱n. Kä cuɛ tekɛ ma̱a̱r nhial, kɛnɛ wuɔ̱w mi di̱i̱t, kɛ yiel nhial, kɛnɛ lath piɛny.

Nyuuth 8:7

Cu jääk in nhiam kaaŋdɛ koth, kä cu nhiaal guiyni kɛnɛ mac mi ca liɔm kɛ riɛm pɛn wi̱i̱ muɔ̱ɔ̱n. Kä cu kɛl diɔ̱ɔ̱kni wec muɔ̱ɔ̱n waaŋ, kä cu kɛl kä diɔ̱ɔ̱k jiɛn waaŋ, kä cu juaac diaal tin tɔ̱ɔ̱c waŋ.