Nyuuth 11:17 - RUAC KUƆTH IN RƐL RƆ

¹⁷ cukɛ di̱t kɛt i̱, “La̱rkɔ ji̱ tɛ̈th lɔaac, ji̱n Kuäär ni Kuoth in Leny Buɔ̱mdu ti Diaal, min te thi̱n, kä ci kɔŋ te thi̱n, kɛ ɣöö ci buɔ̱mdu min di̱i̱t ka̱n, kä ci ruëc tok.

Nyuuth 11:17 Iomraidhean Croise

Tuk Cäkä Ɣɔaa 17:1

Mëë ci Ab-ram tekɛ run ti jiɛn bäŋuan wi̱cdiɛn bäŋuan, cu Kuoth Nhial rɔ nyuɔ̱th jɛ kä cuɛ jɛ jiök i̱, “Ɛ ɣän Kuoth in le̱ny buɔ̱mdɛ ti diaal. Liŋ ruaacnikä kä lätni ni min la thuɔ̱k.

Diit 21:13

A ji̱ liakɛ, lö Kuoth Nhial, rɛy bumädu! Bakɔ buɔ̱mdu liak kɛ diit.

Diit 57:11

Ɛ ji̱ liakɛ ro̱o̱l nhial lö Kuoth, kä ɛ wuɔ̱tdu ro̱ŋ wi̱c muɔ̱ɔ̱n kɛɛliw.

I-ca-yaa 52:10

Bi Kuoth Nhial buɔ̱mdɛ nyoth nhiam dööri diaal, kä bi pek wec muɔ̱ɔ̱n diaal ka̱n Kuɔthda nɛn.

Bok Go̱kä ni Da-ni-yel 2:23

Ɣän la̱rä ji̱ tɛ̈th lɔaac kɛnɛ liak lö Kuoth gua̱a̱ri, kɛ ɣöö ci ɣä ka̱m pɛl kɛnɛ buɔ̱m, kä ɛn täämɛ ci ɣä nyuɔ̱th min cakɔ thiec kä ji̱, kä ci nɛy nyuɔ̱th la̱k kua̱r.”

Bok Go̱kä ni Da-ni-yel 6:10

Kä mëë ci Da-ni-yel ɛ ŋa̱c ɛn ɣöö ca warɛgak thany, cuɛ wä dhɔrɛ duëël in te nhial min lɛp wernyinikɛ rɔ̱ peek Jɛ-ru-tha-lɛm. La kämɛ rɔ mua̱a̱l palɛ Kuothdɛ ni kä diɔ̱ɔ̱k kɛ cäŋ kɛl, liakɛ Kuothdɛ ce̱tnikɛ mëë la lätdɛ ni wen.

Mɛ̈t 11:25

Kä cu Yecu pal wëë i̱, “Ɣän, Gua̱di̱n, Kuäär nhial kɛnɛ piny, la̱rä ji̱ tɛ̈th lɔaac ɛn ɣöö ci ŋɔaani ti̱ti̱ tëë kä nɛy tin ŋa̱ckɛ ŋɔak kɛnɛ pɛl kä cikɛ nyuɔ̱th ruɔri.

Luk 10:21

Ɛn guäth ɛmɔ cu Yecu lɔcdɛ tɛɛth rɛy Yieekä in Gɔaa in Rɛl Rɔ, kä cuɛ wee i̱, “Ɣän la̱rä ji̱ tɛ̈th lɔaac, Gua̱di̱n, in la Kuäär nhial kɛnɛ piny, kɛ ɣöö ci ŋɔaani ti̱ti̱ tey kä nɛy ti pɛl kɛnɛ ti ŋa̱ckɛ ŋɔak, kä ci kɛ nyuɔ̱th ruɔri. Ɣɔ̱ɔ̱n, Gua̱di̱n, ɛ jɛn min nhɔk lɔcdu jɛ.

Jɔ̱ɔ̱n 11:41

Kä inɔ, cukɛ päm ka̱m raar. Kä cu Yecu nhial liɛc, cuɛ wee i̱, “Gua̱di̱n, ɣän la̱rä ji̱ tɛth lɔaacdä kɛ ɣöö ci ɣä liŋ.

2 Kor 2:14

Duundɛ ɣöö a tɛ̈th lɔaac tekɛ Kuoth, min bo̱th kɔn rɛy jucä kɛ Kritho min ci ŋäcdɛ dääk gua̱thni diaal kɛ kɔn ce̱tkɛ ŋuäny mi gɔaa.

2 Kor 9:15

A liak tekɛ Kuoth kɛ kui̱ mucädɛ min di̱i̱t min /ca dee luäŋ kɛ lär.

1 Tim 1:12

La̱rä Kritho Yecu Kuääran tɛ̈th lɔaac, jɛn ram in ci ɣä moc buɔ̱m, kɛ ɣöö cɛ ɣä jek ala raan ŋäthä kä cɛ ɣä kuany lätädɛ.

Nyuuth 1:4

Jɔ̱ɔ̱n gɔ̱rɛ mɛmɛ duël Kuɔth da̱ŋ bärɔw tin te kä E-cia. A puɔ̱th kɛnɛ mal tekɛ yɛ, min bëë kä ram in te thi̱n, kä ci kɔŋ te thi̱n, kä bi ben. Min bä kä yiey da̱ŋ bärɔw tin te nhiam kɔam kuäärädɛ,

Nyuuth 1:8

“Ɛ ɣän ram min jio̱l kä ɛ ɣän ram min jɔak,” ruac ni Kuäär ni Kuoth, min te thi̱n, kä ci kɔŋ te thi̱n, kä bi ben, min Leny Buɔ̱mdɛ ti Diaal.

Nyuuth 11:15

Kä cu jääk nhial in bärɔwdiɛn kaaŋdɛ koth, cuɛ tekɛ jɔw mi di̱i̱t nhial, wëë i̱, “Ci kuäärä ɣɔaa a Kuäär Kua̱ra in Kuoth kɛnɛ Mɛ-thiadɛ, kä jɛn bɛ ruëc amäni cäŋ kɛl.”

Nyuuth 15:3

Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.

Nyuuth 16:5

Kä cua jääk pi̱i̱ni liŋ wëë i̱, “Luɔ̱ɔ̱ku tin ci la̱t kɛ cuŋ, lö Kɛl in Rɛl Gɔɔydɛ Rɔ, ji̱n min te thi̱n kä ci dɔŋ te thi̱n.

Nyuuth 16:7

Kä cua jɔw liŋ wi̱i̱ yi̱kä wëë i̱, “Ɣɔ̱ɔ̱n, Kuäär ni Kuoth, in Leny Buɔ̱mdu ti Diaal. Luɔ̱ɔ̱ku kɛ thuɔ̱ɔ̱k kä kɛ cuŋ!”

Nyuuth 18:8

Kɛ kui̱c ɛmɔ, bi rikɛ ben kɛ cäŋ kɛl, liaw, kɛ pa̱r, kɛ buɔth, kä ba jɛ waŋ kɛ mac, kɛ ɣöö bum Kuäär ni Kuoth in luk jɛ.”

Nyuuth 19:11

Kä ɛnɔ cua nhial nɛn cɛ rɔ lɛp, kä nɛnɛ, tëëkɛ jio̱k tuɔ̱ruɔ̱k mi bo̱r! Kä ram min ko̱t jɔkdɛ, cɔalɛ Ram mi Gɔaa, kä Thuɔ̱k jɛn la lukɛ kä tɛɛrɛ ko̱r kɛ cuɔ̱ɔ̱ŋ.

Nyuuth 19:6

Kä cua jɔw mi ce̱tkɛ jɔw bunä nath mi di̱i̱t liŋ, ce̱tdɛ kɛ wuɔ̱w lo̱nyä pi̱i̱ni ti ŋuan, kɛnɛ gi̱eer ma̱a̱ri nhial mi di̱i̱t, wäkɛ i̱, “Liaknɛ Kuoth! Kɛ ɣöö ruec Kuäär ni Kuothdan in Leny Buɔ̱mdɛ ti Diaal.