Nyuuth 10:3 - RUAC KUƆTH IN RƐL RƆ

³ Kä cuɛ ciöt kɛ jɔw mi diit, mi ce̱tkɛ bur luɔny. Kä mëë cɛ ciöt, cu ma̱a̱r da̱ŋ bärɔw ma̱a̱r.

Nyuuth 10:3 Iomraidhean Croise

Diit 29:3

Cua jɔw Kuɔth Nhial liŋ wi̱i̱ pi̱i̱ni, Kuoth in buɔy ma̱a̱rɛ, ce̱tnikɛ nhial, ɛn Kuoth Nhial ma̱a̱rɛ wi̱i̱ pi̱i̱ni ti ŋuan.

Ruac Pɛli 19:12

Kä kɛ̈c kua̱r ce̱tdɛ kɛ bur luɔny, kä nhökdɛ ce̱tdɛ kɛ thäc rɛy juaacni.

I-ca-yaa 31:4

Kä nɛmɛ ɛ min ci Kuoth Nhial ɛ la̱r ɣä wëë i̱, “Ce̱tkɛ min la lony kiɛ dɔw luɔny a bur kä ley mi cɛ cam, a cäŋ ci yiëën deet rɔal kɛ jɛ, /cɛ la dualɛ kɛ jɔwdiɛn, kiɛ /cɛ diɛɛr kɛ rɔaliɛn. Inɔ bi Kuoth Nhial in la Ruey Ɣɔaa ben piny, bɛ ko̱r ben tɛr wi̱i̱ Pa̱a̱m Dha-yɔn kɛnɛ päämkɛ.

I-ca-yaa 42:13

Bi Kuoth Nhial ben raar ce̱tkɛ ram mi bum bum, bɛ ben ce̱tkɛ wääth köör mi ci rɔ rialikä kɛ ko̱r, cɛ wiee köör ko̱k kɛ jɔw mi di̱i̱t, cɛ rɔ nyoth ala ram mi bum kä ji̱ tɛ̈rɛ.

I-ca-yaa 5:29

Kä ce̱t luliɛn nikɛ lul luɔny, bur kɛn ce̱tnikɛ ruath luɔny. Kä muɔckɛ rɔ ka̱a̱th mi bankɛ pɛ̈ɛ̈c, la kɛn kɛ cua̱ naŋ ɛ thilɛ ram mi luäkɛ.

Bok Go̱kä ni Yir-mɛ-yaa 25:30

“Kä täämɛ bi kɛn diaal la̱t rieet go̱o̱kä ti̱ti̱ kɛ kui̱diɛn wi̱i̱ i̱, ‘Bi Kuoth Nhial rɔal ni nhial, bi jɔwdɛ päl ni guäth cieŋädɛ, bɛ ma̱a̱r ɛlɔ̱ŋ kɛ kui̱ muɔ̱ɔ̱ndɛ, jɛn bɛ rɔal ce̱tnikɛ nɛy tin la dɛy wal a kɔakɛ, kɛ kui̱ gaakdɛ kɛ ji̱ wec muɔ̱ɔ̱n diaal.

Yɛdh 10:5

Kä cua jɔw gɔ̱ɔ̱k leyni tin tekɛ gɔ̱k wä liŋ ni jɔk kal raar ce̱tdɛ nikɛ jɔw Kuɔth in Leny Buɔ̱mdɛ ti Diaal mi ruacɛ.

Ɣocä 11:10

Ba Kuoth Nhial guɔ̱ɔ̱r ɛ nɛɛkɛ, kä jɛn bɛ wiee ce̱tkɛ lony, kä mi burɛ, bi gaatkɛ ben kä jɛ kɛ luth mi di̱i̱t kui̱ konyä ca̱ŋ.

Yo-el 3:16

Kuoth Nhial tuɔ̱kɛ ni kä Dha-yɔn, kä päl jɔwdɛ ni kä Jɛ-ru-tha-lɛm, cɛ nhial kɛnɛ piny cu lath. Duundɛ ɣöö Kuoth Nhial ɛ gua̱th luäkä kä nɛɛkɛ, ɛ köt mi bum kä ji̱ I-thɛ-rɛl.

A-mɔth 1:2

Kä cuɛ wee i̱, “Kuoth Nhial tuɔ̱kɛ ni kä Dha-yɔn, kä päl jɔwdɛ nikä Jɛ-ru-tha-lɛm. Ci wal ɣɔ̱ɔ̱k cu kööt, kä ci jol wec pa̱a̱m Kar-mɛl rɔɔl.”

A-mɔth 3:8

Ci lony ku thuŋ bur! Ɛŋa mi /ci bi dual? Ci Kuäär ni Kuoth Nhial ku thuŋ ruac! Ɛŋa mi /ci bi la̱t ni ruaacni göökni?

Nyuuth 14:2

Kä cua jɔw liŋ nhial mi ce̱tkɛ wuɔ̱w pi̱i̱ni ti ŋuan ti lo̱ny kɛnɛ ma̱a̱r nhial ti di̱t. Ɛn jɔw ëë cä liŋ ce̱tkɛ kɛ jɔw thuɔmni ti pua̱tkɛ kɛ thuɔmnikiɛn.

Nyuuth 15:1

Kä cua nyuuth dɔ̱diɛn mi di̱i̱t mi gääy naath nɛn nhial, tëëkɛ ja̱a̱k nhial da̱ŋ bärɔw kɛ rik da̱ŋ bärɔw, tin la rik tin jɔak, kä bi waŋ lɔaac Kuɔth thuuk kɛ kɛ.

Nyuuth 15:7

Kä cu ley kɛl kä ley da̱ŋ ŋuan tin tëk ja̱a̱k nhial da̱ŋ bärɔw ka̱m thääk dääpä da̱ŋ bärɔw ti thiäŋ kɛ waŋ lɔaac Kuɔth, min tëk kɛ tëk mi do̱raar.

Nyuuth 4:5

Kä kɔm kuäärä ba yiel kɛnɛ wuɔ̱w kɛ ma̱a̱r nhial thi̱n. Kä tëëkɛ rithni da̱ŋ bärɔw ti pɛt nhiam kɔam kuäärä, tin tɔ̱ yiey Kuɔth da̱ŋ bärɔw,

Nyuuth 8:5

Kä cu jääk nhial thak ka̱n, cuɛ jɛ thiäŋ kɛ mac wi̱i̱ yi̱kä, kä cuɛ jɛ wuɔc wi̱i̱ muɔ̱ɔ̱n. Kä cuɛ tekɛ ma̱a̱r nhial, kɛnɛ wuɔ̱w mi di̱i̱t, kɛ yiel nhial, kɛnɛ lath piɛny.